എസ്.സി വിദ്യാര്ത്ഥികള്ക്ക് സ്കോളര്ഷിപ്പ് എന്ന പദ്ധതിയില് ആനുകൂല്യം ലഭിക്കുന്നതിന് അര്ഹരായ വിദ്യാര്ത്ഥികളില് നിന്നും അപേക്ഷ ക്ഷണിച്ചു
ജില്ലാ പഞ്ചായത്ത് 2022-23 വാര്ഷിക പദ്ധതിയില് ഏറ്റെടുത്ത് നടപ്പാക്കുന്ന വിജയഭേരി- എസ്.സി വിദ്യാര്ത്ഥികള്ക്ക് സ്കോളര്ഷിപ്പ് എന്ന പദ്ധതിയില് ആനുകൂല്യം ലഭിക്കുന്നതിന് അര്ഹരായ വിദ്യാര്ത്ഥികളില് നിന്നും അപേക്ഷ ക്ഷണിച്ചു.
കേന്ദ്ര-സംസ്ഥാന സര്ക്കാരോ, സര്ക്കാര് ചുമതലപ്പെടുത്തിയിട്ടുളള ഏജന്സികളോ നടത്തുന്ന ബിരുദം/ബിരുദാനന്തര ബിരുദം, പ്രൊഫഷണല് കോഴ്സുകള്, പ്ലസ്ടുവിന് ശേഷമുളള മറ്റ് സര്ക്കാര് അംഗീകൃത റഗുലര് കോഴ്സുകള്, സംസ്ഥാനത്തിന് പുറത്തുളള സര്ക്കാര് അംഗീകൃത സര്വകലാശാലകളിലെ റഗുലര് കോഴ്സ്, പ്രൊഫഷണല് കോഴ്സിനുളള എന്ട്രന്സ് കോച്ചിംഗ് എന്നിവയ്ക്കാണ് സ്കോളര്ഷിപ്പ് ലഭിക്കുന്നത്.
സ്കോളര്ഷിപ്പിനുളള അപേക്ഷകള് ജനുവരി 13 ന് മുമ്പ് എസ്.സി പ്രൊമോട്ടര്മാര് വഴി അതത് ഗ്രാമപഞ്ചായത്തുകളില് നല്കേണ്ടതാണ്.
ഗുലാത്തി ഇന്സ്റ്റിറ്റ്യൂട്ട് ഓഫ് ഫിനാന്സ് ആന്ഡ് ടാക്സേഷനില് പി.ജി. ഡിപ്ലോമ ഇന് ജി.എസ്.റ്റി കോഴ്സില് ന്യൂനപക്ഷ മതവിഭാഗങ്ങളിലെ വിദ്യാര്ത്ഥികള്ക്ക് ജനസംഖ്യാനുപാതികമായി സ്കോളര്ഷിപ്പ് നല്കുന്നതിന് സംസ്ഥാന ന്യൂനപക്ഷക്ഷേമ വകുപ്പ് അപേക്ഷ ക്ഷണിച്ചിട്ടുണ്ട്.
സംസ്ഥാനത്ത് പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്, സിഖ്, ബുദ്ധ,ജൈന, പാഴ്സി മതവിഭാഗത്തില്പ്പെട്ട എട്ട് ലക്ഷം രൂപയില് താഴെ വാര്ഷിക വരുമാനമുളള, ബിരുദം പാസായി, ഗുലാത്തി ഇന്സ്റ്റിറ്റ്യൂട്ടില് പി.ജി. ഡിപ്ലോമ ഇന് ജി.എസ്.റ്റി കോഴ്സില് പഠിക്കുന്ന വിദ്യാര്ത്ഥികള്ക്ക് അപേക്ഷിക്കാവുന്നതാണ്. ബി.പി.എല് വിഭാഗത്തില്പ്പെട്ടവര്ക്ക് മുന്ഗണന. ബി.പി.എല് അപേക്ഷകരുടെ അഭാവത്തില് ന്യൂനപക്ഷ മത വിഭാഗത്തിലെ എട്ട് ലക്ഷം രൂപ വരെ വാര്ഷിക വരുമാനമുളള എ.പി.എല് വിഭാഗത്തെയും പരിഗണിക്കും. മുന് വര്ഷം സ്കോളര്ഷിപ്പ് ലഭിച്ചവര് അപേക്ഷിക്കേണ്ടതില്ല. 15,000 രൂപയാണ് സ്കോളര്ഷിപ്പ് തുക. www.minoritywelfare.kerala.gov.in ല് അപേക്ഷാ ഫോം ലഭിക്കും. അപേക്ഷ 20 നകം നല്കണം.
https://www.facebook.com/Malayalivartha
