ഏതു ജില്ലക്കാരായ വിദ്യാര്ഥികള്ക്കും ട്രയല്സില് പങ്കെടുക്കാം .... സ്പോര്ട്സ് സ്കൂളുകളിലേക്കുള്ള സെലക്ഷന് ട്രയല്സ് നാളെ
സ്പോര്ട്സ് സ്കൂളുകളിലേക്കുള്ള സെലക്ഷന് ട്രയല്സ് നാളെ. സംസ്ഥാന കായിക വകുപ്പിനു കീഴില് തിരുവനന്തപുരം ജി വി രാജ സ്പോര്ട്സ് സ്കൂള്, കണ്ണൂര് സ്പോര്ട്സ് സ്കൂള്, തൃശൂര് സ്പോര്ട്സ് ഡിവിഷന് എന്നിവിടങ്ങളിലേക്കുള്ള തിരുവനന്തപുരം ജില്ലയിലെ സെലക്ഷന് ട്രയല്സ് ഫെബ്രവരി 16ന് നടക്കും.
കേരള യൂണിവേഴ്സിറ്റി സ്റ്റേഡിയം, നെയ്യാറ്റിന്കര മുനിസിപ്പല് സ്റ്റേഡിയം, ജി വി രാജ സ്പോര്ട്സ് സ്കൂള് മൈലം എന്നിവിടങ്ങളിലാണ് ട്രയല്സ് സംഘടിപ്പിക്കുന്നത്. നാളെ രാവിലെ എട്ടു മണി മുതല് ട്രയല്സ് തുടങ്ങും. ജില്ലാടിസ്ഥാനത്തിലല്ല ട്രയല്സ് സംഘടിപ്പിക്കുന്നത്. ഏതു ജില്ലക്കാരായ വിദ്യാര്ഥികള്ക്കും ട്രയല്സില് പങ്കെടുക്കാവുന്നതാണ്.
ആറു മുതല് 11വരെയുള്ള ക്ലാസുകളിലേക്കുള്ള വിദ്യാര്ഥികള്ക്കു വേണ്ടിയാണ് ട്രയല്സ് നടത്തുന്നത്. 9,10 ക്ലാസുകളിലെ ഒഴിവുള്ള സീറ്റുകളിലേക്ക് സംസ്ഥാനതലത്തില് മെഡല് നേടിയവര്ക്കു മാത്രമാണ് പ്രവേശനം അനുവദിക്കുക.
അത്ലറ്റിക്സ്, ബോക്സിങ്, ജൂഡോ, ക്രിക്കറ്റ് (പെണ്കുട്ടികള്), തായ്ക്കോണ്ടോ (പെണ്കുട്ടികള്), വോളിബോള്, ബാസ്ക്കറ്റ് ബോള്, ഹോക്കി, റെസ്ലിങ്ങ് എന്നീ ഇനങ്ങളിലേക്കാണ് ട്രയല്സ് നടത്തുന്നത്. ട്രയല്സില് പങ്കെടുക്കാനെത്തുന്ന കുട്ടികള് ജനന സര്ട്ടിഫിക്കറ്റും ആധാര് കാര്ഡും രണ്ടു പാസ്പോര്ട് സൈസ് ഫൊട്ടോയും നിര്ബന്ധമായും കൊണ്ടുവരികയും വേണം.
അതേസമയം ഫുട്ബോളിനുള്ള സെലക്ഷന് ട്രയല് ഇതിനോടൊപ്പം ഉണ്ടാകുന്നതല്ല.
https://www.facebook.com/Malayalivartha
