ഒന്നുമുതല്‍ ഒമ്പതുവരെയുള്ള ക്ലാസുകളിലെ വാര്‍ഷിക പരീക്ഷാ ടൈംടേബിള്‍ പ്രസിദ്ധീകരിച്ചു. എട്ട്, ഒമ്പത്, യുപി ക്ലാസുകാര്‍ക്ക് മാര്‍ച്ച് 13 മുതല്‍ 30വരെയും എല്‍പി വിഭാഗത്തിന് മാര്‍ച്ച് 23 മുതല്‍ 29 വരെയുമാണ് പരീക്ഷ.

പരീക്ഷാ ദിവസങ്ങളില്‍ സര്‍ക്കാര്‍ അവധി പ്രഖ്യാപിക്കുകയാണെങ്കില്‍ അന്നത്തെ പരീക്ഷ മാര്‍ച്ച് 31ന് നടത്തണമെന്നും പൊതുവിദ്യാഭ്യാസ ഡയറക്ടര്‍ അറിയിച്ചു. വെള്ളിയാഴ്ചകളില്‍ പകല്‍ 2.15 മുതലാകും പരീക്ഷകള്‍ ആരംഭിക്കുക.

എസ്എസ്എല്‍സി പരീക്ഷ രാവിലെ നടക്കുന്നതിനാല്‍ ഒമ്പതുവരെയുള്ള ക്ലാസുകാര്‍ക്ക് പകല്‍ രണ്ടുമുതലാകും പരീക്ഷ. മാര്‍ച്ച് ഒമ്പതുമുതല്‍ 29വരെയാണ് എസ്എസ്എല്‍സി പരീക്ഷ.

ഹയര്‍സെക്കന്‍ഡറി പരീക്ഷകള്‍ മാര്‍ച്ച് പത്തിനും തുടങ്ങും. സ്‌കൂളുകള്‍ മധ്യവേനലവധിക്കായി മാര്‍ച്ച് 31ന് അടയ്ക്കുന്നതാണ്.