കൈറ്റ് വിക്ടേഴ്സിലൂടെ സംപ്രേഷണം ചെയ്യുന്ന പൊതുവിദ്യാലയങ്ങളിലെ മികവുകള്‍ പങ്കുവെയ്ക്കുന്ന ഹരിതവിദ്യാലയം വിദ്യാഭ്യാസ റിയാലിറ്റിഷോയുടെ രണ്ടാം റൗണ്ടിലേക്ക് തിരഞ്ഞെടുക്കപ്പെട്ടത് 20 സ്‌കൂളുകള്‍.

അപേക്ഷിച്ച 753 സ്‌കൂളുകളില്‍ നിന്നും വിദഗ്ധ സമിതി തിരഞ്ഞെടുത്ത 109 സ്‌കൂളുകളാണ് ആദ്യ റൗണ്ടില്‍ പങ്കെടുത്തത്. ഇതില്‍ നിന്നും രണ്ടാം റൗണ്ടിലേക്ക് തിരഞ്ഞെടുത്ത 20 സ്‌കൂളുകളില്‍ പ്രത്യേക സംഘം നേരിട്ട് പരിശോധന നടത്തുകയും ചെയ്തു. ഫെബ്രുവരി 25 മുതല്‍ 28 വരെ സംപ്രേഷണം ചെയ്യുന്ന രണ്ടാം റൗണ്ടില്‍ നിന്നും ഫൈനലിസ്റ്റുകളെ തിരഞ്ഞെടുക്കുമെന്ന് കൈറ്റ് സി.ഇ.ഒ കെ. .

മാര്‍ച്ച് 2-ന് ഉച്ചയ്ക്ക് 12 മണിക്ക് തിരുവനന്തപുരം ജിമ്മി ജോര്‍ജ്ജ് സ്റ്റേഡിയത്തില്‍ നടക്കുന്ന ഹരിതവിദ്യാലയം ഗ്രാന്റ് ഫിനാലെ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.പൊതുവിദ്യാഭ്യാസ വകുപ്പ് മന്ത്രി വി. ശിവന്‍കുട്ടി അദ്ധ്യക്ഷത വഹിക്കും. ചടങ്ങ് കൈറ്റ് വിക്ടേഴ്സില്‍ തത്സമയം സംപ്രേഷണം ചെയ്യും.

രണ്ടാം റൗണ്ടിലേക്ക് തെരഞ്ഞെടുക്കപ്പെട്ട സ്‌കൂളുകളാണ് ഗവ.എല്‍.പി.എസ്. ആനാട്, സെന്റ് ഹെലന്‍സ് എച്ച് എസ് ലൂര്‍ദ് പുരം, (തിരുവനന്തപുരം ജില്ല ) ഗവ. എച്ച് എസ് എസ് കടയ്ക്കല്‍, ജി.എല്‍.പി.എസ് ഇരവിപുരം (കൊല്ലം ജില്ല), ജിഎല്‍പിഎസ് കടക്കരപ്പള്ളി, ഗവ എച്ച് എസ് എസ് കലവൂര്‍, വി വി എച്ച് എസ് താമരക്കുളം (ആലപ്പുഴ ജില്ല), ഗവണ്മെന്റ് എച്ച് എസ് എസ് കല്ലാര്‍ (ഇടുക്കി ജില്ല), ജിഎല്‍പിഎസ് കോടാലി (തൃശൂര്‍ ജില്ല), ജിയുപിഎസ് പുതിയങ്കം, ജി എല്‍ പിഎസ് മോയന്‍, ഗവണ്മെന്റ് ഓറിയെന്റല്‍ എച്ച് എസ് എസ് എടത്തനാട്ടുകര (പാലക്കാട് ജില്ല), നൊച്ചാട് എച്ച്.എസ്.എസ് (കോഴിക്കോട് ജില്ല), ജിയുപിഎസ് പുറത്തൂര്‍, പി പി എം എച്ച് എസ് എസ് കൊട്ടുക്കര (മലപ്പുറം ജില്ല) ,ജിഎച്ച് എസ് ഓടപ്പള്ളം(വയനാട് ജില്ല),എന്‍ എ എം എച്ച് എസ് എസ് പെരിങ്ങത്തൂ (കണ്ണൂര്‍ ജില്ല), എച്ച് എസ് തച്ചങ്ങാട്,ജി യു പി എസ് ചെമ്മനാട് വെസ്റ്റ് , സെന്റ് പോള്‍സ് എ യു പി എസ് തൃക്കരിപ്പൂ (കാസര്‍ഗോഡ് ജില്ല) എന്നിവയാണ്.

ഒന്നാം സമ്മാനാര്‍ഹമാകുന്ന സ്‌കൂളിന് 20 ലക്ഷവും രണ്ടും മൂന്നും സമ്മാനക്കാര്‍ക്ക് 15 ഉം 10 ഉം ലക്ഷം രൂപ വീതവും നല്‍കും. മറ്റു ഫൈനലിസ്റ്റുകള്‍ക്ക് 2 ലക്ഷം രൂപ വീതം ലഭ്യമാകും.