എന്ത് സംസാരിക്കും, എങ്ങനെ തുടങ്ങും എന്നൊക്കെയുള്ള പേടിയോടെയാണ് മിരാ രജ്പുതുമായുളള ആദ്യ കൂടിക്കാഴ്ച്ചയ്ക്ക് എത്തിയതെന്ന് ഷാഹിദ്, പക്ഷേ പിന്നീട് കത്തി വെച്ചത് ഏഴു മണിക്കൂര്!
ബോളിവുഡിലെ റൊമാന്റിക് കപ്പിളാണ് ഷാഹിദ് കപൂറും മിരാ രജ്പുതും. റാംപ് വാക്കായാലും പാര്ട്ടികളോ താരനിശകളോ ആയാലും ഷാഹിദ് കപൂറിനൊപ്പം കൈകോര്ത്തു മിരയും ഉണ്ടാകും. ജീവിതത്തിലെ അത്തരം മനോഹര നിമിഷങ്ങള് എപ്പോഴും ആരാധകരുമായി പങ്കുവെക്കാറുമുണ്ട് ഇരുവരും. അടുത്തിടെ ഇരുവരും 'വോഗ് ഇന്ത്യ 'എന്ന മാസികയ്ക്ക് കൊടുത്ത അഭിമുഖത്തില് ദമ്പതികളായി കഴിഞ്ഞ ശേഷമുള്ള ഇരുവരുടേയും ജീവിതയാത്രയെപ്പറ്റി പറഞ്ഞു.
ഡല്ഹി സ്വദേശിയായ മിരാ രജ്പുതിനെ ആദ്യമായി കണ്ടതിനെപ്പറ്റിയും വിവാഹത്തെപ്പറ്റിയും ഷാഹിദ് മനസുതുറന്നു. 2014-ല് മിരയുമായുളള ആദ്യ കൂടിക്കാഴ്ച്ചയില് ഒരു കാര്യത്തില് മാത്രമേ ഉത്കണ്ഠ ഉണ്ടായിരുന്നുളളു എന്ന് താരം പറയുന്നു. ' ഇവിടെ ഈ മുറിയില് ഈ വലിയ രണ്ട് സോഫകളില്....ഞങ്ങള് മാത്രമേ ഉള്ളൂ. ഈ പെണ്കുട്ടിയുമായുളള സംസാരം 15 മിനിറ്റ് പോലും നീണ്ടുനില്ക്കുമോ'? പക്ഷേ ആ സംസാരം ഇരുവരും അവസാനിപ്പിച്ചത് ഏഴ് മണിക്കൂറിന് ശേഷമാണ് എന്ന് ഷാഹിദ് അഭിമുഖത്തില് പറഞ്ഞു.
മിരാ രജ്പുത് ബോളിവുഡ് സിനിമകളുടെ ആരാധികയല്ല, അതിനാല് തന്നെ ഷാഹിദിന്റെയും ആരാധികയല്ല. ' ഞാന് ഒരു ബോളിവുഡ് ആരാധികയല്ല, ഇത് ഒരു നല്ല കാര്യമാണെന്ന് ഞാന് കരുതുന്നു. കാരണം ആദ്യ കൂടിക്കാഴ്ച്ചയിലാണ് ഞങ്ങള് യഥാര്ത്ഥത്തില് പരസ്പരം മനസ്സിലാക്കിയത്്. അത് മറ്റുളളവര് എന്ത് കരുതുന്നു എന്നതിനല്ല ഞങ്ങള് പരസ്പരം എങ്ങനെ മനസിലാക്കുന്നു എന്നതിനാണ് മിരാ പറഞ്ഞു.
നേരത്തെ കോഫി വിത്ത് കരണ് എന്ന ഷോയില് ഷാഹിദ് തന്നോട് ആദ്യം ചോദിച്ചത് ഇതായിരുന്നു എന്ന് മിരാ വെളിപ്പെടുത്തിയിരുന്നു. 'നിങ്ങളെക്കാള് ഏറെ പ്രായക്കൂടുതലുളള ഒരാളെ വിവാഹം കഴിക്കാന് ആഗ്രഹിക്കുന്നത് എന്തുകൊണ്ടാണ്? മിരാ ഈ ചോദ്യം തന്റെതായ ശൈലിയില് തിരിച്ചു ചോദിച്ചു' നിങ്ങളെക്കാള് പ്രായം കുറഞ്ഞ ഒരാളെ വിവാഹം കഴിക്കാന് നിങ്ങള് ആഗ്രഹിക്കുന്നത് എന്തുകൊണ്ടാണ്?
ഊഡ്ട്താ പഞ്ചാബിനുശേഷം കബിര് സിങാണ് ഷാഹിദിന്റെ അടുത്തിടെ പുറത്തിറങ്ങിയ സൂപ്പര് ഹിറ്റ് ചിത്രം. ഷാഹിദ് കപൂറും മിരാ രജ്പുതും 2015 ജൂലൈയില് വിവാഹിതരായി. മൂന്നു വയസ്സുളള മിഷയും അടുത്തിടെ ഒന്നാം പിറന്നാള് ആഘോഷിച്ച മകന് സൈനുമടങ്ങിയതാണ് ഷാഹിദിന്റെ കുടുംബം.
https://www.facebook.com/Malayalivartha