ലഹരി ഇടപാട് നടത്തിയ വാട്സാപ് ഗ്രൂപ്പിന്റെ അഡ്മിന് ദീപികയെന്ന് എന്സിബി, ദീപികയുടെ മാനേജര് കരിഷ്മയും സുശാന്ത് സിങ്ങിന്റെ മാനേജര് ജയ സഹയും ഈ ഗ്രൂപ്പില് അംഗങ്ങള്
ബോളിവുഡ് നടി ദീപിക പദുകോണ് 2017-ല് ചാറ്റ് ചെയ്ത വാട്സാപ് ഗ്രൂപ്പിന്റെ അഡ്മിന് അവര് തന്നെയായിരുന്നെന്ന് നര്കോട്ടിക്സ് കണ്ട്രോള് ബ്യൂറോ(എന്സിബി) കണ്ടെത്തി. ഈ ഗ്രൂപ്പില് ദീപികയുടെ മാനേജര് കരിഷ്മയും അന്തരിച്ച നടന് സുശാന്ത് സിങ്ങിന്റെ മാനേജര് ജയ സഹയും അംഗങ്ങളായിരുന്നു. ബോളിവുഡ് ലഹരിക്കേസില് ദീപികയ്ക്കു പുറമെ, നടിമാരായ സാറ അലി ഖാന്, ശ്രദ്ധ കപൂര് എന്നിവരെയും ഇന്നു ചോദ്യം ചെയ്യും.
താന് ലഹരിമരുന്ന് കൈവശം വച്ചത്, സുശാന്തിന്റെ കാമുകി റിയ ചക്രവര്ത്തിക്കു വേണ്ടിയായിരുന്നെന്നാണ് എന്സിബി ഇന്നലെ നടി രാകുല് പ്രീത് സിങ്ങിനെയും കരിഷ്മയെയും ഒരുമിച്ചിരുത്തി ചോദ്യം ചെയ്തപ്പോള് രാകുലിന്റെ മൊഴി. ലഹരിമരുന്ന് ഉപയോഗിച്ചിട്ടില്ലെന്നും അവകാശപ്പെട്ടു.
അതിനിടെ, 2019-ല് സംവിധായകനും നിര്മാതാവുമായ കരണ് ജോഹര് നടത്തിയ ലഹരി വിരുന്നിനെക്കുറിച്ച് എന്സിബി അന്വേഷണത്തിന് തയാറെടുക്കുന്നു. വിരുന്നില് പങ്കെടുത്ത വിക്കി കൗശല്, രണ്ബീര് കപൂര്, വരുണ് ധവാന്, സോയ അക്തര്, ഷാഹിദ് കപൂര്, മലൈക അറോറ, അര്ജുന് കപൂര് എന്നീ അഭിനേതാക്കളിലേക്കും അന്വേഷണം നീണ്ടേക്കാം.
https://www.facebook.com/Malayalivartha
