ബോളിവുഡ് നടി കത്രീന കൈഫ് കരിയർ തുടങ്ങിയ സമയം മുതൽ വിവാദങ്ങളുടെ തോഴിയായിരുന്നു. താരത്തിന്റെ ആദ്യ സിനിമ തന്നെ ഗോസിപ്പ് കോളങ്ങളിൽ ഇടം നേടിയിരുന്നു. 2003 ൽ ബൂം എന്ന ചിത്രത്തിലൂടെയാണ് ബോളിവുഡിൽ താരം അരങ്ങേറ്റം കുറിച്ചത്.

ചിത്രത്തിൽ ​ഗുൽഷാൻ ​​ഗ്രൊവറും കത്രീനയും തമ്മിലുള്ള ഇന്റിമേറ്റ് രം​ഗങ്ങൾ വൻ ചർച്ചയായിരുന്നു. ഈ രം​ഗങ്ങൾ സൽമാൻ ഖാൻ ഇടപെട്ടാണ് പിന്നീട് സിനിമയിൽ നിന്ന് നീക്കിയതെന്നായിരുന്നു അന്ന് പുറത്ത് വന്നത്. ഇന്റിമേറ്റ് സീൻ എടുക്കാൻ കത്രീനയും ​ഗുൽഷാനും രണ്ട് മണിക്കൂറോളം റിഹേഴ്സൽ ചെയ്തെന്നും ​ഗോസിപ്പ് കോളങ്ങളിൽ വാർത്ത വന്നിരുന്നു. എന്നാൽ ഇതിനെക്കുറിച്ച് കത്രീന ഒരിക്കലും സംസാരിക്കാൻ ആഗ്രഹിച്ചിരുന്നില്ല.

ഇതിനെ കുറിച്ച് ​ഗുൽഷാന്റെ വാക്കുകൾ ഇങ്ങനെ... ഞാൻ കുറേക്കൂടി അനുഭവ സമ്പത്തുള്ള നടനാണ്. ഇൻഡസ്ട്രിയിൽ കുറേ വർഷങ്ങളായിട്ടുണ്ട്. ഞാനൊരിക്കലും തിരിഞ്ഞ് നോക്കിയിട്ടില്ല. ഒരു അഭിനേതാവ് ഒരു വർക്കോ വീഡിയോയോ മറ്റോ ചെയ്തിട്ടുണ്ടെങ്കിൽ അത് ചരിത്രത്തിന്റെ ഭാ​ഗമാണ്. അത് അടിച്ചമർത്തുകയോ നിങ്ങളോട് സംസാരിച്ചിട്ടോ കാര്യമില്ല. എല്ലാ സെലിബ്രറ്റികളും അത് അംഗീകരിക്കണം.

സോഷ്യൽ മീഡിയയുടെയും ഇലക്ട്രോണിക് മീഡിയയുടെയും കാലത്ത് അത് വീണ്ടും ഉയർന്നു വരികയേ ഉള്ളൂ. നായികമാരുടെ പ്രശ്നമെന്തെന്നാൽ അവരുടെ പഴയ ഫോട്ടോകളിലും വീഡിയോകളിലും അവർക്ക് ​ഗ്ലാമർ ഉണ്ടാവില്ല. കുറച്ച് കാലത്തിന് ശേഷമാണ് അവർ ​ഗ്ലാമറസാവുകയും ഫാഷൻ അപ്പീൽ കൂടുകയും ചെയ്യുന്നതെന്ന് അദ്ദേഹം പറയുന്നു.