ആമീര്ഖാന്റെ വീട്ടില് നിന്ന് 80 ലക്ഷത്തിന്റെ ആഭരണങ്ങള് കവര്ന്നു
ആമീര്ഖാന്റെ വീട്ടില് മോഷണം. അദ്ദേഹത്തിന്റെ ഭാര്യയും സംവിധായികയുമായ കിരണ് റാവുവിന്റെ 80 ലക്ഷം രൂപയുടെ ആഭരണങ്ങളാണ് മോഷണം പോയത്. ഇത് സംബന്ധിച്ച് ബാന്ദ്ര പൊലീസില് കിരണ് റാവു പരാതി നല്കി. ബാന്ദ്രയിലെ അപ്പാര്ട്ട്മെന്റില് നവംബര് 24നാണ് കവര്ച്ച നടന്നതെന്ന് പരാതിയില് പറയുന്നു. ഒരു മോതിരവും ഡയമണ്ട് നക് ലസും ഉള്പ്പെടെയാണ് മോഷണം പോയത്. പരാതിയെ തുടര്ന്ന് ഖാര് പൊലീസ് കേസെടുത്ത് അന്വേഷണം ആരംഭിച്ചു.
അപ്പാര്ട്ട്മെന്റിലെ കമ്പോഡിനുള്ളിലാണ് ആഭരണങ്ങള് വച്ചിരുന്നത്. സംഭവത്തെ തുടര്ന്ന് വീട്ടിലെ മൂന്ന് ജോലിക്കാരെ പൊലീസ് ചോദ്യം ചെയ്തു. ഇവരുടെ അറസ്റ്റ് രേഖപ്പെടുത്തിയിട്ടില്ല. അതേസമയം സംഭവം നടന്നതിന് ശേഷം വീട്ടിലെ ജോലിക്കാരാരും അപ്രത്യമായിട്ടില്ല. അതിനാല് കൂടുതല് അന്വേഷണം നടത്തിയാലേ കാര്യങ്ങള്ക്ക് വ്യക്തത കൈവരൂ എന്ന് പൊലീസ് പറഞ്ഞു. ഒക്ടോബറിലാണ് ആഭരണങ്ങള് കമ്പോഡിനുള്ളില് സൂക്ഷിച്ചതെന്ന് കിരണ് റാവു ഓര്മിച്ചു. ദഡ്കല് എന്ന പുതിയ സിനിമയുടെ തിരക്കിലായിരുന്നു ആമിര്ഖാന്. അതിനാല് മറ്റ് കാര്യങ്ങളിലൊന്നും ശ്രദ്ധിക്കാന് സമയം കിട്ടിയിരുന്നില്ല.
https://www.facebook.com/Malayalivartha
