ബോളിവുഡ് നടി കരീന കപൂറിനോടുള്ള കടുത്ത ആരാധന 26 വയസ്സുള്ള ആരാധകനെ എത്തിച്ചത് ജയിലില്‍. കരീനയോട് മിണ്ടണം എന്ന ആഗ്രഹവുമായി നടന്ന പാരാമിലിട്ടറി ഉദ്യോഗസ്ഥനായ മനീഷ് തിവാരിയാണ് പോലീസ് പിടിയിലായത്.

താരത്തോട് മിണ്ടാന്‍ മനീഷ് ഇന്‍കം ടാക്‌സ് അക്കൗണ്ട് ഹാക്ക് ചെയ്യുകയായിരുന്നു. അക്കൗണ്ട് ഹാക്ക് ചെയ്ത ശേഷം ഡിക്ലറേഷന്‍ ഫോം അപ്ലോഡ് ചെയ്യുകയും ചെയ്യ്തു. നേരത്തേ തന്നെ ഡിക്ലറേഷന്‍ സമര്‍പ്പിച്ചതിനാല്‍ സംഭവത്തില്‍ സംശയം തോന്നിയ താരത്തിന്റെ ചാര്‍ട്ടട് അക്കൗണ്ടന്റ് പരാതി നല്‍കുകയായിരുന്നു. കരീനയുടെ ഫോണ്‍ നമ്പര്‍ ലഭിക്കാന്‍ ഗൂഗിളില്‍ പരതുന്നതിനിടെയാണ് മനീഷ് പാന്‍ കാര്‍ഡിനേക്കുറിച്ചുള്ള വിവരങ്ങളും ശ്രദ്ധിച്ചത്. ഇതു വഴി ഇയാള്‍ അക്കൗണ്ട് ഹാക്ക് ചെയ്യുകയായിരുന്നു. കഴിഞ്ഞ ദിവസമാണ് പ്രത്യേക സംഘം ഇയാളെ കണ്ടെത്തിയത്.