ഗ്ളാമര് ഷോ ആക്കി മാറ്റപ്പെട്ട താര നിശ; ഷാരൂഖ് ഖാന്റെ അവതാരം മുതല് സണ്ണി ലിയോണിന്റെ വെസ്റ്റേണ് സ്റ്റൈല് വരെ
ബോളിവുഡ് സിനിമാ ലോകത്തെ സംബന്ധിച്ച് നായികമാര്ക്ക് ഫാഷന് പ്രദര്ശിപ്പിയ്ക്കാനുള്ള വേദി കൂടെയാണ് പുരസ്കാര നിശകള്. താരസമ്പന്നമായ ജിയോ ഫിലിംഫെയര് 2017 ല് ഷാരൂഖ് ഖാനാണ് പരിപാടിയുടെ അവതാരകനായി എത്തിയത് എന്ന പ്രത്യേകതയുമുണ്ട്.
കാണാത്ത പല കാഴ്ചകള്ക്കും 2017 ജിയോ ഫിലിംഫെയര് പുരസ്കാര നിശ സാക്ഷിയായി. നായികമാരെല്ലാം വെസ്റ്റേണ് വേഷങ്ങള് ധരിച്ച് റെഡ് കാര്പെറ്റിലെത്തിയപ്പോള് വിദ്യ ബാലന് മാത്രം അല്പം വ്യത്യസ്തമായി.
ഭര്ത്താവ് ഗെന് ഗുണ്ടിനഫിനൊപ്പമാണ് പ്രീതി സിന്റ പുരസ്കാര നിശയില് പങ്കെടുത്തത്. വിവാഹ ശേഷം ഇരുവരും ഒന്നിച്ച് പങ്കെടുക്കുന്ന ആദ്യത്തെ പുരസ്കാര നിശയാണിത്.
ശില്പ ഷെട്ടിയ്ക്കും സഹോദരി ഷമിത ഷെട്ടിയ്ക്കുമൊപ്പം സല്മാന് ഖാന് ഫോട്ടോയ്ക്ക് പോസ് കൊടുക്കുന്നു.
ഭാര്യ മൈറ രാജ്പുത്തിനൊപ്പമാണ് ഷാഹിദ് കപൂര് പുരസ്കാര നിശയില് പങ്കെടുത്തത്. ഇരുവരും പങ്കെടുക്കുന്ന ആദ്യത്തെ പുരുസ്കാര നിശയാണിത്.
അമ്മയ്ക്കും സഹോദരിയ്ക്കുമൊപ്പമാണ് അലിയ ഭട്ട് റെഡ് കാര്പറ്റില് നടന്നത്. പോയ വര്ഷത്തെ ജിയോ ഫിലിംഫെയര് മികച്ച നടിയ്ക്കുള്ള പുരസ്കാരം അലിയയ്ക്കാണ് . സ്റ്റൈലിഷ് ലുക്കില് സിദ്ധാര്ത്ഥ് മല്ഹോത്ര റെഡ് കാര്പറ്റിലൂടെ നടന്നു.
സോനം കപൂറും ജാസ്ലിന് ഫെര്ണാണ്ടസും റെഡ് കാര്പറ്റിലൂടെ നടന്നപ്പോള്. ബോളിവുഡിലെ ഗോസിപ്പുകോളങ്ങളെ പുതിയ സംസാര വിഷയമാണ് സുഷാന്ത് സിങ് രാജ്പുത്തും കൃതി സനോണും. ഇരുവരും കറുത്ത നിറത്തിലുള്ള വേഷം ധരിച്ചാണ് പുരസ്കാര നിശയില് എത്തിയത്.
ബോളിവുഡിലെ പുതുമുഖ താരങ്ങളായ സൈയാമി ഖേറും ഹര്ഷവര്ധന് കപൂറും. രാകേഷ് ഓംപ്രകാശ് മെഹ്റയുടെ മിര്സ എന്ന ചിത്രത്തിലൂടെയാണ് ഇറുവരും അഭിമുഖമായത്. എല്ലാ നായികമാരും വെസ്റ്റേണ് സ്റ്റൈലില് എത്തിയപ്പോള് കറുത്ത സാരിയിലാണ് വിദ്യ ബാലന് റെഡ് കാര്പറ്റിലൂടെ നടന്നത്.
https://www.facebook.com/Malayalivartha
