മാധുരി ദീക്ഷിത്തിന്റെ എക് ദോ തീന്... ജാക്വിലിന് കുളമാക്കി; നടിക്ക് പിന്തുണയുമായി സല്മാന്
എക്കാലത്തേയും സിനിമാപ്രേമികളുടെ ഇഷ്ടഗാനമാണ് തേസാബ് എന്ന ചിത്രത്തിലെ ഏക് ദോ തീന് എന്ന പാട്ട്. മാധുരി ദീക്ഷിത്തിന്റെ മനോഹരമായ നൃത്ത ചുവടുകള് ഇന്നും പ്രേക്ഷകരുടെ മനസ്സില് നിറഞ്ഞുനില്ക്കുകയാണ്. വര്ഷങ്ങള് പിന്നിട്ടിട്ടും ആരും മറക്കാത്ത ഈ ഗാനം അതു കൊണ്ടാണ് ബാഗി 2 വില് വീണ്ടും ഉള്പ്പെടുത്തിയത്. ഇത് പ്രേക്ഷകര്ക്കിടയില് ഒരു ആകാംക്ഷ സൃഷ്ടിച്ചിട്ടുണ്ട്. മാധുരി തകര്ത്താടിയ ഗാനത്തില് ജാക്വലിന് ഫെര്ണാണ്ടസ് ചുവട് വയ്ച്ചിരിക്കുന്നത്.
ബാഗി 2 വിലെ ഈ ഗാനം പുറത്തിറങ്ങിയതോടെ മികച്ച പ്രേക്ഷക ശ്രദ്ധയാണ് ലഭിച്ചിരിക്കുന്നത്. കൂടാതെ പാട്ടിനെതിരെ വിവാദങ്ങളും തല പൊക്കിയിട്ടുണ്ട്. പുതിയ ഏക് ദോ തീന് എന്ന ഗാനത്തിനെതിരെ രംഗത്തെത്തിയിരിക്കുന്നത് തേസാബിന്റെ സംവിധായകന് എന്.ചന്ദ്രയും നൃത്തസംവിധായകന് സരോജ് ഖാനുമാണ്. മാധുരി ദക്ഷിത്തിന്റെ നൃത്തചുവടുകളെ കൊല്ലുന്നതിനു തുല്യമാണ് പുതിയ ഭാഗത്തിലെ ജാക്വിലിന്റെ പ്രകടനം. മാധുരി മനോഹരമാക്കിയ നൃത്ത ചുവടുകള് ലൈംഗിക ചുവടുകളിലേയ്ക്ക് തരം താഴ്ത്തി എന്നാണ് ഇവരുടെ വാദം.
വിവാദം ചൂട് പിടിക്കുമ്പോള് ജാക്വിലിനു പിന്തുണയുമായി ബോളിവുഡ് താരം സല്മാന്ഖാന് രംഗത്തെത്തിയിട്ടുണ്ട്. ട്വിറ്ററിലൂടെയാണ് നടിയെ പിന്തുണച്ച് സല്മാന് രംഗത്തെത്തിയിരിക്കുന്നത്.
നൃത്ത സംവിധായകന് സരോജ് ഖാന്റെ നൃത്ത ചുവടുകളോട് താരം നീതി പുലര്ത്തിയെന്നായിരുന്നു സല്ലുവിന്റെ കമന്റ് . വര്ഷങ്ങള് പിന്നിട്ടുവെങ്കിലും ഇന്നും ഈ ഗാനത്തിന്റെ ജനപ്രീതിയില് അഭിമാനം കൊള്ളുന്നുവെന്നും ഒരിക്കല് കൂടി എല്ലാവരും ഗാനത്തെ ആസ്വദിക്കണമെന്നും സല്മാന് ട്വീറ്ററില് കുറിച്ചു.
https://www.facebook.com/Malayalivartha