മഴ ചതിച്ചാശാനേ... മംമ്തയുടെ നീലി ശനിയാഴ്ചയേ എത്തൂ...
മഴ ചതിച്ചാശാനേ... മംമ്ത മോഹന്ദാസ് കേന്ദ്രകഥാപാത്രമാകുന്ന നീലി ഇന്നെത്തില്ല. നാളെ ഉറപ്പായും എത്തുമെന്ന് അണിയറപ്രവര്ത്തകര് അറിയിച്ചു. 'തോര്ത്ത്' എന്ന ഷോര്ട്ട് ഫിലിമിലൂടെ പ്രശസ്തനായ അല്ത്താഫ് റഹ്മാന്റെ ആദ്യ സംവിധാന സംരംഭമാണിത്. അനൂപ് മേനോന് പ്രധാനപ്പെട്ട കഥാപാത്രത്തിലെത്തുന്നു. റിയാസ് മാരാത്ത്, മുനീര് മുഹമ്മദുണ്ണി എന്നിവരാണ് തിരക്കഥ ഒരുക്കിയിരിക്കുന്നത്. ഹൊററും മിസ്റ്ററിയും കോമഡിയും നീലിയില് ആസ്വദിക്കാമെന്ന് മംമ്ത മോഹന്ദാസ് പറഞ്ഞു. 'അമ്മയും മകളും തമ്മിലുള്ള ബന്ധമാണ് ചിത്രത്തിന്റെ കേന്ദ്രബിന്ദു. ഈ ചിത്രത്തോടുള്ള താല്പര്യം കാരണം പോസ്റ്റ്പ്രൊഡക്ഷന് ജോലികളില് താന് ഏറെ ശ്രദ്ധ കൊടുത്തെന്നും താരം പറഞ്ഞു.
ഹൊറര് ഫിലിമിന്റെ മേക്കിങ് വലിയ ഇഷ്ടമാണ് അതുകൊണ്ടു ഇതിന്റെ സ്പോട് എഡിറ്റിംഗ് സമയത്തൊക്കെ ഞാനും കൂടെ ഇരുന്നു അതൊക്കെ കണ്ടെന്നും മംമ്ത പറഞ്ഞു. ഈ ചിത്രത്തിന്റെ മേക്കിങ്ങും ഇതിലെ സസ്പെന്സുമാണ് ഈ ചിത്രം സ്പെഷ്യല് ആക്കുന്നതെന്നും മമത വ്യക്തമാക്കി. സംസ്ഥാന പുരസ്ക്കാരം നേടിയിട്ടുള്ള മനോജ് പിള്ളയാണ് ക്യാമറ. ബാബുരാജ്, മറിമായം ശ്രീകുമാര്, സിനില് സൈനുദ്ദീന് എന്നിവരാണ് ചിത്രത്തിലെ മറ്റ് പ്രധാന താരങ്ങള്. മംമ്ത ഒരു സ്പീച്ച് തെറാപ്പിസ്റ്റായാണ് എത്തുന്നത്. ആറേഴു വയസുള്ള ഒരു മകളുമുള്ള വിധവയാണ് ഈ കഥാപാത്രം. അനൂപ് മേനോന് പാരാ നോര്മല് ഗവേഷകന്റെ കഥാപാത്രമായാണ് എത്തുന്നത്.
സെന്സര് ചെയ്യാന് വനിതാ അംഗങ്ങളില്ലാത്തതിനാല് നീലിയുടെ സെന്സറിംഗ് ഇന്നലെയാണ് നടന്നത്. അംഗങ്ങമായ ഭാഗ്യലക്ഷ്മി ജോലിയുടെ തിരക്കുകളിലായിരുന്നു. മറ്റൊരംഗമായ സോനാ നായര്ക്ക് സുഖമില്ലായിരുന്നു. ഒടുവില് ഭാഗ്യലക്ഷ്മി എത്തിയ ശേഷമാണ് സെന്സറിംഗ് നടന്നത്. സിനിമയുടെ സെന്സറിംഗ് നടത്തണമെങ്കില് വനിതാ അംഗങ്ങള് ആരെങ്കിലും വേണമെന്ന നിബന്ധന അടുത്തകാലത്താണ് നടപ്പിലാക്കിയത്. വടക്കന് കേരളത്തിലും മധ്യകേരളത്തിലും ശക്തമായ മഴയും ഉരുള്പൊട്ടലും ഉണ്ടായതിനാല് ജനജീവിതം താറുമാറായിരിക്കുകയാണ്. അത് കൂടി കണക്കിലെടുത്താണ് റിലീസ് ഒരു ദിവസത്തേക്ക് നീട്ടിയത്.
https://www.facebook.com/Malayalivartha