ഞങ്ങള്‍ തമ്മില്‍ ഒരു പ്രശ്‌നവുമില്ല, എല്ലാം പറഞ്ഞ് തീര്‍ക്കാവുന്ന പ്രശ്‌നങ്ങള്‍ മാത്രമാണെന്ന് അമൃത
സോഷ്യല്‍ മീഡിയയില്‍ ഇപ്പോള്‍ ഏറെ ചര്‍ച്ച ചെയ്യപ്പെട്ട് കൊണ്ടിരിക്കുന്ന വിഷയമാണ് നടന്‍ ബാലയുടെയും അമൃതയുടെയും വിവാഹമോചന വാര്‍ത്ത. യഥാര്‍ത്ഥത്തില്‍ ഇവരില്‍ ആര് പറയുന്നതാണ് സത്യാവസ്ഥ എന്നാണ് പലരുടെയും ഇപ്പോഴത്തെ പ്രധാന ചോദ്യം. ഒടുവില്‍ അമൃത തന്നെ തുറന്ന് പറഞ്ഞിരിക്കുകയാണ് വിവാഹമോചിതരാകാന്‍ മാത്രം ഞങ്ങള്‍ തമ്മില്‍ പ്രശ്‌നങ്ങളില്ല. എല്ലാം പറഞ്ഞ് തീര്‍ക്കാവുന്നതേയുള്ളൂവെന്ന് അമൃത പറഞ്ഞു. എല്ലാ വീട്ടിലും ഉണ്ടാകുന്നതുപോലെ ചെറിയ പ്രശ്‌നങ്ങള്‍ ഞങ്ങള്‍ക്കിടയിലും ഉണ്ടായിട്ടുണ്ടെന്നും എന്നാല്‍ അതൊരിക്കലും വിവാഹമോചനത്തില്‍ എത്തുകയില്ലെന്നും അമൃത പറഞ്ഞു.
ബാല വിഷമം കൊണ്ടോ അപ്പോഴത്തെ ദേഷ്യം കൊണ്ടോ ആയിരിക്കാം വിവാഹമോചനത്തെപ്പറ്റി ചിലപ്പോള്‍ അങ്ങനെ പറഞ്ഞത്. ഞങ്ങള്‍ ഒരുമിച്ച് തന്നെ ഈ പ്രശ്‌നങ്ങള്‍ക്ക് പരിഹാരം കാണുമെന്നും അമൃത പറഞ്ഞു. കഴിഞ്ഞ കുറച്ച് മാസങ്ങളായി ബാല ചിത്രീകരണത്തിരക്കിലായിരുന്നു. അതുകൊണ്ട് തന്നെ പരസ്പരം കാണാന്‍ കഴിഞ്ഞിരുന്നില്ല. എന്റെ വീട് അടുത്തായതിനാല്‍ ഞാനും മകളും അങ്ങോട്ട് പോകുകയും ചെയ്തു. ഇന്നലെ ഞങ്ങള്‍ തമ്മില്‍ കാണുകയും ഇതിനെപ്പറ്റി സംസാരിക്കുകയും ചെയ്തതാണ്. വിവാഹമോചനം ഒരിക്കലും എന്റെ കാഴ്ചപ്പാടിലില്ല. അതിനെ ഒരിക്കലും അംഗീകരിക്കുകയോ പ്രോത്സാഹിപ്പിക്കുകയോ ചെയ്യില്ലെന്നും അമൃത വ്യക്തമാക്കി.
ഞങ്ങള്‍ പരിയാന്‍ പോവുകയല്ല . ഞങ്ങള്‍ പിരിഞ്ഞു കഴിഞ്ഞു എന്നുപറയുന്നതാകും ശരി. അതിന്റെ കാരണം ഇപ്പോള്‍ വെളിപ്പെടുത്താനാവില്ലന്നും ബാല പറഞ്ഞിരുന്നു. ബാലയും അമൃത സുരേഷും വേര്‍പിരിയുന്നുവെന്ന് കഴിഞ്ഞ ദിവസങ്ങളിലായി ഓണ്‍ലൈന്‍ മാധ്യമങ്ങളില്‍ വാര്‍ത്തവന്നിരുന്നു. എന്നാല്‍ ഈ വാര്‍ത്ത തെറ്റാണെന്ന് ചൂണ്ടിക്കാട്ടി അമൃതയും രംഗത്തെത്തിയതോടെ വാര്‍ത്ത കെട്ടടങ്ങുകയും ചെയ്തിരുന്നു. തൊട്ടു പിന്നാലെയാണ് ഇത്തരത്തിലൊരു പ്രതികരണവുമായി അമൃത മുന്നോട്ട് വന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
