മലയാളത്തിന്റെ പ്രിയ നടന്‍ മുകേഷ് അവതാരകനായി പ്രേക്ഷകരുടെ മുന്നിലെത്തുന്നു. ഏത് ഷോയിലൂടെയാണ് താരം നിങ്ങളുടെ മുന്നിലെത്തുന്നതെന്നല്ലേ?. യുണൈറ്റഡ് മീഡിയ ഒരുക്കുന്ന സെല്‍ മീ ആന്‍സര്‍ എന്ന പരിപാടിയിലൂടെയാണ് മുകേഷ് പ്രേക്ഷകരുടെ മുന്നില്‍ എത്തിച്ചേരുന്നത്. അറിവിന് വില പേശി പണം നേടൂ! എന്ന ക്യാപ്ഷനോടെയാണ് \'സെല്‍ മി ദ ആന്‍സര്‍\' ഗെയിംസ് ഷോ ഏഷ്യാനെറ്റ് ചാനലില്‍ വരുന്നത്. ബ്രിട്ടനിലെ സ്‌കൈ ടിവിയില്‍ തുടങ്ങിയ പരിപാടിയുടെ മലയാളം പതിപ്പാണ് ഈ പരിപാടി.
സുരേഷ് ഗോപി അവതരിപ്പിച്ച് വരുന്ന \'നിങ്ങള്‍ക്കുമാകാം കോടീശ്വരന്‍\' എന്ന ഷോയ്ക്ക് പകരം വെക്കാനുള്ള ചേരുവകളെല്ലാം ചേര്‍ത്താണ് പുതിയ പരിപാടി ഒരുക്കിയിരിക്കുന്നത്. മലയാളികളുടെ അറിവിന്റെ ആഴം അളക്കാന്‍ വിവിധ ചോദ്യങ്ങളിലൂടെയാണ് കടന്നുപോകുന്നത്. ഉത്തരം അറിയില്ല എങ്കില്‍ ഫ്‌ളോറില്‍ സന്നിഹിതരായിരിക്കുന്നവരോട് ചോദിക്കാം സഹായം തേടാം. ശരിയുത്തരത്തിന് വിലപേശി സഹായി കയ്യടിച്ചു മുന്‍പോട്ടു വഴി തെളിക്കാം.
അന്താരാഷ്ട്ര നിലവാരത്തിലാണ് ഏഷ്യാനെറ്റ് \'സെല്‍ മി ദ ആന്‍സര്‍\' ഒരുക്കുന്നത്. പരിപാടിയില്‍ പങ്കെടുക്കാനുള്ളവരെ കേരളമൊട്ടാകെ നടത്തിയ ഒഡിഷനിലൂടെ തെരഞ്ഞെടുത്തതായി പരിപാടിയുടെ അണിയറക്കാര്‍ അറിയിച്ചിട്ടുണ്ട്. തിങ്കള്‍ മുതല്‍ വെള്ളി വരെ രാത്രി എട്ടിനും ഒമ്പതിനും ഇടെയുള്ള സമയത്തിനിടെയാണ് ഈ പരിപാടി സംപ്രേഷണം ചെയ്യുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha