മുകേഷും ഭാര്യ ദേവികയും നാടകത്തിലേക്ക്. ഗിരീഷ് കര്‍ണാടിന്റെ നാഗമണ്ഡാല എന്ന നാടകം നാഗ എന്ന പേരിലാക്കിയാണ് മലയാളത്തില്‍ ഒരുക്കുന്നത്. ദേവികയുടെ ആശയമാണ് ഈ നാടകം മലയാളത്തിലേക്ക് മാറ്റുന്നതിന് പിന്നില്‍. ദേവിക നര്‍ത്തകിയാണെങ്കിലും തിയറ്റര്‍ രംഗത്ത് ആദ്യമായാണ് പ്രവേശിക്കുന്നത്.

മുകേഷിന്റെ സഹോദരിയും നടിയുമായ സന്ധ്യയും നാടക പ്രവര്‍ത്തകന്‍ ദര്‍ശനും പ്രധാനകഥാപാത്രങ്ങളെ അവതരിപ്പിക്കുന്നു. മുകേഷിനെ സംബന്ധിച്ച് സിനിമയാണ് നാടകത്തെ നിലനിര്‍ത്തുന്നത്.കാരണം സിനിമയില്‍ നിന്ന് ലഭിക്കുന്ന പണം കൊണ്ടാണ് നാടകം നിര്‍മിക്കുന്നത്.
ആദ്യകാലത്ത് കേരള നവോത്ഥാന രംഗത്ത് നിര്‍ണായക സ്വാധീനം ഉണ്ടായിരുന്ന കലയായിരുന്നു നാടകം. എന്നാല്‍ ഇന്ന് കാലം മാറി. ജനങ്ങളെ തിയറ്ററിലേക്ക് കൊണ്ടുവരാനുള്ള ശ്രമത്തിന്റെ ഭാഗമായാണ് ഛായാമുഖി ചെയ്തത്. എട്ട് വേദികളില്‍ നിറഞ്ഞ സദസിലാണ് ഛായാമുഖി കളിച്ചത്. ദേവിക സംഭാഷണങ്ങളും അതിന്റെ മോഡുലേഷനും നല്ല പോലെ പഠിക്കുന്നുണ്ട്. അത് കാണുമ്പോള്‍ കൂടുതല്‍ എനര്‍ജി ഉണ്ടാകുമെന്ന് താരം പറഞ്ഞു.

ഗിരീഷ് കര്‍ണാട് ചെയ്തതില്‍ നിന്ന് വ്യത്യസ്തമായാണ് മലയാളത്തില്‍ ചെയ്യുന്നത്. ലൈറ്റിന്റെയും കോസ്റ്റിയൂമിന്റെയും പ്രത്യേകത നാടകത്തെ മാറ്റിമറിക്കും. നര്‍ത്തകിയായ മേതില്‍ ദേവികയും മുകേഷും പ്രണയിച്ചാണ് വിവാഹം കഴിച്ചത്.
ടി.വി പരിപാടികളില്‍ വിധികര്‍ത്താവായി ഇരിക്കാന്‍ താല്‍പര്യമില്ലെന്ന് മുകേഷ് പറഞ്ഞു. അത് കൊണ്ടാണ് ബഡായി ബംഗ്ലാവ് പോലുള്ള പരിപാടികള്‍ അവതരിപ്പിക്കുന്നത്. ആളുകളെ സംസാരത്തിലൂടെ രസിപ്പിക്കാനാണ് മുകേഷിന് ഇഷ്ടം. നടന്‍ വി.കെ ശ്രീരാമന്‍ മുകേഷ് ലിസ്‌ണേഴ്‌സ് അസോസിയേഷന്‍ എന്നൊരു ചെറിയ സംഘടന തന്നെ മുകേഷിന്റെ പേരില്‍ ഉണ്ടാക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha