മലയാളത്തിന്റെ പ്രിയ നടി സംവൃത സുനില്‍ വിവാഹമോചിതയാകുന്നുവെന്ന് ഇന്നലെയാണ് മാധ്യമങ്ങളില്‍ വാര്‍ത്ത വന്നത്. എന്നാല്‍ തൊട്ടുപിന്നാലെ വാര്‍ത്ത നിഷേധിച്ച് സംവൃത രംഗത്തെത്തി. മാധ്യമങ്ങള്‍ തെറ്റായ രീതിയിലുള്ള വാര്‍ത്തകള്‍ ഉണ്ടാക്കുകയാണെന്നാണ് സംവൃത ഈ സംഭവത്തോട് പ്രതികരിച്ചു. വ്യാജ വാര്‍ത്തകള്‍ നല്‍കിയ കുടുംബം തകര്‍ക്കുകയാണ് എല്ലാ മാധ്യമങ്ങളും ഇപ്പോള്‍ ചെയ്യുന്നതെന്നും സംവൃത കൂട്ടിച്ചേര്‍ത്തു.

സംവൃത തന്റെ ഫെയ്‌സ് ബുക്കിലൂടെയാണ് ഇക്കാര്യം അറിയിച്ചത്. വിവാഹം കഴിഞ്ഞ് താനും ഭര്‍ത്താവും കുഞ്ഞും സന്തോഷത്തോടെ ജീവിച്ച് പോവുകയാണ്. അതിനിടെയിലാണ് ഇത്തരത്തിലൊരു വ്യാജ വാര്‍ത്തകള്‍ മാധ്യമങ്ങള്‍ പ്രചരിപ്പിക്കുന്നതെന്നും സംവൃത പോസ്റ്റില്‍ പറയുന്നു. ഓണ്‍ലൈന്‍ മാധ്യമങ്ങളില്‍ വന്ന വാര്‍ത്ത നിഷേധിച്ച് സംവൃതയുടെ മാതാപിതാക്കള്‍ രംഗത്തെത്തിയിരുന്നു.

മൂന്നു വര്‍ഷം മുമ്പാണ് സംവൃത വിവാഹിതയായത്. കണ്ണൂര്‍ സ്വദേശിയായ ചാലോത്ത് സുനില്‍കുമാറിന്റെയും സാധനയുടെയും മകളായ സംവൃത 2004ല്‍ ലാല്‍ജോസിന്റെ രസികന്‍ എന്ന ചിത്രത്തിലൂടെയാണ് സിനിമാലോകത്ത് എത്തുന്നത്. 2012 നവംബര്‍ ഒന്നിനാണ് കാലിഫോര്‍ണിയയതില്‍ വാള്‍ട്ട് ഡിസ്‌നി കമ്പനിയില്‍ എന്‍ജിനിയറായ കോഴിക്കോട് സ്വദേശി അഖില്‍ ജയരാജിനെ വിവാഹം ചെയ്തതു. ഷാഫി സംവിധാനം ചെയ്ത 101 വെഡിംഗ് ആയിരുന്നു അവസാനം സംവൃത അഭിനയിച്ച ചിത്രം.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha