നിരോധനാജ്ഞ ലംഘിച്ച് ജന്തർ മന്ദറിൽ കടന്നുകയറി ദേശീയ പതാക വീശിയ സി.ജെ.പി നേതാക്കളായ സൗരവ് ദാസ്, അശുതോഷ് റാങ്ക എന്നിവർക്ക് എട്ടാം നാൾ ജാമ്യം. രാത്രിയോടെ തീഹാർ ജയിലിൽ നിന്ന് പുറത്തിറങ്ങി. ഇരുവരും ഹാജരാക്കിയ ജാമ്യബോണ്ടുകൾ സ്വീകരിച്ച് ഡൽഹി സ്‌പെഷ്യൽ എക്‌സിക്യൂട്ടീവ് മജിസ്ട്രേട്ട് മോചന ഉത്തരവിടുകയായിരുന്നു. ഫ്രാൻസിലെ വിദ്യാർത്ഥി പ്രതിഷേധം വ്യാപക അക്രമങ്ങളിൽ കലാശിച്ചത് ചൂണ്ടിക്കാട്ടി കോടതി ഇരുവരെയും വിമർശിച്ചുസിജേപി നേതാക്കൾക്ക് ജാമ്യം കിട്ടിയത് കോടതിയിൽ നിരവധി തവണ മാപ്പ് പറഞ്ഞിട്ട്.

ജന്തർ മന്തർ അംഗീകൃത സമര കേന്ദ്രമമാകുന്നത് വരെ അവിടെ പ്രതിഷേധങ്ങൾ സംഘടിപ്പിക്കില്ലെന്നും സമാധാനാന്തരീക്ഷവും ക്രമസമാധാനവും തകർക്കുന്ന പ്രവർത്തനങ്ങളിൽ ഏർപ്പെടില്ലെന്നും ഇരുവരും കോടതിയിൽ എഴുതി നൽകിയ സത്യവാങ്മൂലത്തിൽ വ്യക്തമാക്കി. ഭാവിയിൽ നടത്തുന്ന എല്ലാ പ്രതിഷേധങ്ങളും ഭരണഘടനാപരമായ അതിരുകൾക്കുള്ളിൽ നിന്നുകൊണ്ട് മാത്രമായിരിക്കുമെന്നും ഇരുവരും ഉറപ്പുനൽകി.കൂടാതെ, ജയിലിലേക്ക് കൊണ്ടുപോകുന്നതിനിടെ മാധ്യമങ്ങളോട് മജിസ്‌ട്രേറ്റ് കോടതിയെ അധിക്ഷേപിക്കുന്ന രീതിയിൽ നടത്തിയ പ്രതികരണങ്ങളിൽ ഇരുവരുടെയും അഭിഭാഷകർ കോടതിയിൽ മാപ്പപേക്ഷിച്ചു.

ഇനിമേലിൽ ഇത്തരത്തിലുള്ള പെരുമാറ്റം ആവർത്തിക്കില്ലെന്നും കോടതിക്ക് ഉറപ്പുനൽകിയിട്ടുണ്ട്.26 വയസുള്ള സൗരവും 31 വയസുള്ള റാങ്കയും ജെൻസികളല്ലെന്നും മില്ലെനിയൽസാണെന്നും പരിഹസിച്ചു.‘‘സമാധാനപരമെന്ന് പറയുന്ന ഒന്ന് നിങ്ങൾ തുടങ്ങിയാലും വേറെയുള്ളവർ മറ്റെന്തെങ്കിലും ചെയ്‌തേക്കാം. വിദേശത്ത് നടക്കുന്നത് നമ്മൾ കണ്ടുകൊണ്ടിരിക്കുകയാണ്. മറ്റുള്ളവർ നിങ്ങളുടെ കൂട്ടത്തിൽ കടന്നുകൂടി ദുഷ്‌പേരുണ്ടാക്കാതിരിക്കാനാണ് പോലീസിന്റെ അനുമതി തേടുന്നത്. നേരത്തേ ഒപ്പിട്ടുനൽകിയ സമാധാന ബോണ്ടിന്റെ ലംഘനമാണ് സംഭവിച്ചിരിക്കുന്നത്. സ്‌പെഷ്യൽ എക്‌സിക്യുട്ടീവ് മജിസ്‌ട്രേറ്റ് ബുധനാഴ്ച കേസ് പരിഗണിക്കാനിരിക്കെ, ഹൈക്കോടതിയിലേക്ക് ഓടിവരേണ്ട കാര്യമെന്താണ്?.

’’സൗരവ് ദാസും അശുതോഷ് റാങ്കയും ജെൻസീകളാണോയെന്ന് കോടതി ആരാഞ്ഞു. ആരാണ് നിങ്ങളെന്നതാണ് ചോദ്യം. എന്താണ് നിങ്ങളുടെ സംഘടന? അതിന്റെ ലക്ഷ്യമെന്താണ്? നിങ്ങൾക്ക് ഗുണകരമായേക്കില്ലാത്ത ഒരു തർക്കത്തിലേക്കാണ് കോടതിയെ വലിച്ചിഴയ്ക്കുന്നതെന്ന് ഓർമ്മിക്കണമെന്നും ജസ്റ്റിസ് സുബ്രഹ്മണ്യം പ്രസാദ് പറഞ്ഞു.സമരങ്ങൾക്ക് പൊലീസിന്റെ മുൻകൂർ അനുമതി വാങ്ങണമെന്ന് നിഷ്‌കർഷിക്കുന്നതിന്റെ ഉദ്ദേശ്യം സമരക്കാരെ നിയന്ത്രിക്കൽ മാത്രമല്ല,​ നുഴഞ്ഞുകയറി അക്രമങ്ങൾ നടത്തുന്നവരെ തടയൽ കൂടിയാണ്. നേതാക്കൾ ബാരിക്കേഡുകൾ മറികടന്നാൽ അനുയായികളും പിന്തുടരുമെന്നും കോടതി പറഞ്ഞു.ന്യൂഡൽഹി ഡിസ്ട്രിക്റ്റ് എസ്.ഇ.എം ആയി പ്രവർത്തിക്കുന്നഎ.സി.പി ഋതു രാജിന് മുന്നിലാണ് നേതാക്കൾ സത്യവാങ്മൂലം സമർപ്പിച്ചത്.

ജന്തർ മന്തർ പ്രതിഷേധങ്ങൾക്കായി നിയമപരമായി പുനർവിജ്ഞാപനം ചെയ്യുന്നത് വരെ അവിടെ പ്രതിഷേധ ആഹ്വാനങ്ങൾ നടത്തുകയില്ലെന്നും, ഭരണഘടനാപരമായ അതിരുകൾക്കുള്ളിൽ നിന്ന് മാത്രമേ പ്രവർത്തിക്കുകയുള്ളൂവെന്നും ഇരുവരും ഉറപ്പുനൽകി.50,000 രൂപയുടെ വ്യക്തിഗത ബോണ്ടിലും ഉറപ്പിലുമാണ് ഇവരെ മോചിപ്പിച്ചത്.ഭാരതീയ നാഗരിക് സുരക്ഷാ സംഹിത സെക്ഷൻ 135(3) പ്രകാരമുള്ള മുൻകരുതൽ നടപടികൾ ഇനി ബോണ്ട് സമർപ്പണത്തിലൂടെ കൈകാര്യം ചെയ്യാൻ സാധിക്കുമെന്നും, തുടർന്നുള്ള ജയിൽവാസം ആവശ്യമില്ലെന്നും മജിസ്‌ട്രേറ്റ് വ്യക്തമാക്കി. കേസ് തുടർ നടപടികൾക്കായി ഒക്ടോബർ 23-ന് വൈകുന്നേരം 3 മണിക്ക് വീണ്ടും പരിഗണിക്കും.

13ന് അറസ്റ്റിലായ ഇരുവരെയും 14ന് ജുഡിഷ്യൽ കസ്റ്റഡിയിലേക്ക് റിമാൻഡ് ചെയ്യുകയായിരുന്നു. ഡൽഹി ഹൈക്കോടതിയെ സമീപിച്ചിരുന്നെങ്കിലും ഇടപെടില്ലെന്ന് ജസ്റ്റിസ് സുബ്രഹ്‌മണ്യം പ്രസാദ് കടുത്ത നിലപാടെടുത്തതോടെ ഹർജി ഇന്നലെ പിൻവലിച്ചിരുന്നു.അതിനിടെ ജെൻസിയായി യോഗ്യത നേടിയ ഒരേയൊരു വ്യക്തിയെന്ന്, പ്രധാനമന്ത്രി നരേന്ദ്ര മോദിയുടെ ചിത്രം പങ്കുവച്ച് സി.ജെ.പി വക്താവ് അഭിജീത് ദീപ്കെ പ്രതികരിച്ചു. ഇതിനിടെ ജന്തർ മന്ദറിൽ കടന്നതിന് സൗരവിനെയും റാങ്കയെയും പ്രതികളാക്കി രജിസ്റ്റ‌ർ ചെയ്‌ത രണ്ട് കേസുകൾ ക്രൈംബ്രാഞ്ചിന് വിട്ടു.