പ്രേതവേഷത്തില് ലക്ഷ്മി മേനോന് എത്തുന്നു
തൃഷ (അരണ്മനൈ ടു), ഹന്സിക (അരണ്മനൈ), നയന്താര (മായ), തപ്സി (കാഞ്ചന 2) തുടങ്ങി തമിഴകത്തെ ഒരുവിധ എല്ലാ നടിമാരും ഇപ്പോള് പ്രേതവേഷം കെട്ടി നടക്കുമ്പോഴാണ് അടുത്ത ചിത്രത്തില് ലക്ഷ്മി മേനോനും പ്രേതമായി എത്തുന്നുത്. നാണയം, നായ്ക്കള് ജാഗ്രതൈ എന്നീ ചിത്രങ്ങളിലൂടെ ശ്രദ്ധേയനായ ശക്തി സുന്ദര്രാജ് സംവിധാനം ചെയ്യുന്ന ചിത്രത്തിലാണ് ലക്ഷ്മി പ്രേതമാകുന്നതെന്നായിരുന്നു വാര്ത്തകള്.
ഇപ്പോള് തമിഴകത്ത് അധികവും പ്രേത ചിത്രങ്ങളാണ് ഇറങ്ങുന്നത്. അരണ്മനൈ, കാഞ്ചന, മാസ്, ഡാര്ലിങ്...അങ്ങനെ നീളുന്നു. എന്നാല് വാര്ത്ത നിഷേധിച്ച് ചിത്രത്തിന്റെ സംവിധായകന് ശക്തി സുന്ദര്രാജ് രംഗത്തെത്തിയിരിക്കുകയാണ്. ചിത്രത്തില് ലക്ഷ്മി മേനോന് ഒരു സാധാരണ പെണ്കുട്ടിയായിട്ടാണ് അഭിനയിക്കുന്നതെന്ന് അദ്ദേഹം വ്യക്തമാക്കി.
ഇനിയും പേരിട്ടിട്ടില്ലാത്ത ചിത്രം ഹൊറര് ഫിലിം കാറ്റഗറിയാണെന്നും കേട്ടിരുന്നു. എന്നാല് അതും സംവിധായകന് നിഷേധിച്ചു. ജയം രവിയാണ് ചിത്രത്തില് ലക്ഷ്മി മേനോന്റെ നായകനായി എത്തുന്നത്. ഇതാദ്യമായാണ് ജയം രവിയും ലക്ഷ്മി മേനോനും ഒന്നിച്ചഭിനയിക്കുന്നത്. ചിത്രത്തിന്റെ ആദ്യഘട്ട ഷൂട്ടിങ് ഊട്ടിയില് പൂര്ത്തിയാക്കി.
രണ്ടാം ഘട്ട ഷൂട്ടിങ് അധികം താമസിയാതെ ചെന്നൈയില് ആരംഭിയ്ക്കുമെന്ന് സംവിധായകന് അറിയിച്ചിട്ടുണ്ട്. നിലവില് ലക്ഷ്മി മേനോന് അജിത്ത് നായകനാകുന്ന പുതിയ ചിത്രത്തില് നടന്റെ പെങ്ങളായി അഭിനയിച്ചുകൊണ്ടിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha