മലയാളികളുടെ പ്രിയ ഹാസ്യ താരം ജഗതി ശ്രീകുമാര്‍ തിരിച്ച് വരുമോ എന്നാണ് പലരുടെയും മുന്നിലെ ചോദ്യം? . ഈ ചോദ്യത്തിന് ജഗതിയുടെ മകള്‍ പാര്‍വ്വതി ഒരു വാരികയ്ക്ക് നല്‍കിയ അഭിമുഖത്തിന് അടുത്തിടെ ഉത്തരം നല്‍കിയിരുന്നു. എന്റെ അച്ഛന്‍ വീണ്ടും പൂര്‍ണ ആരോഗ്യത്തോടെ തിരിച്ച് വരും. അത് ഉറപ്പ്. ഇപ്പോള്‍ തന്നെ സ്വന്തമായി ഭക്ഷണം കഴിക്കാനും വര്‍ത്തമാനം പറയാനും എഴുന്നേല്‍ക്കാനും ശ്രമിക്കുന്നു. ഇതൊന്നും പ്രതീക്ഷിച്ചിരുന്നില്ലെന്നും മകള്‍ പാര്‍വ്വതി പറയുന്നു. അച്ഛന് ഇപ്പോള്‍ ആത്മവിശ്വാസം കൂടിയിട്ടുണ്ടെന്നും പാര്‍വ്വതി പറയുന്നു.
ജഗതിയുടെ സവിശേഷ സ്വഭാവ ഗുണങ്ങളെ കുറിച്ചും പാര്‍വ്വതി വാതോരാതെ പറയുന്നു. ഒരു മൊബൈല്‍ ഫോണ്‍ പോലും ഉപയോഗിക്കാത്ത വ്യക്തിയായിരുന്നു എന്റെ അച്ഛന്‍. ഒരിക്കല്‍ ഞാന്‍ ദേഷ്യം വന്ന് പപ്പയോട് ചോദിച്ചു. അച്ഛനെന്താ ഒരു മൊബൈല്‍ ഫോണ്‍ വാങ്ങിച്ച് കൂടെ? ഉടന്‍ പപ്പ പറഞ്ഞ ഉത്തരം എന്നെ അതിശയിപ്പിച്ചു. ഇവയൊക്കെ മെയിന്റയിന്‍ ചെയ്യാന്‍ എനിക്ക് സമയമില്ല ഇതായിരുന്നു പപ്പ പറഞ്ഞ മറുപടി. സ്വന്തമായി മൊബൈല്‍ ഫോണോ മാനേജരോ മേക്കപ്പ് മാനോ ഇല്ലാത്ത ആദ്യത്തെ നടനായിരിക്കും എന്റെ പപ്പയെന്നും പാര്‍വ്വതി പറയുന്നു.
പാറൂ, നീ എല്ലാം സ്വയം ചെയ്തു പഠിക്കണം, എന്നാല്ലേ ജീവിക്കാന്‍ കഴിയൂവെന്നും പപ്പ തന്നോട് പറഞ്ഞിരുന്നതായി പാര്‍വ്വതി പറയുന്നു. അഭിനയം കഴിഞ്ഞാല്‍ പപ്പയുടെ പാഷന്‍ കുക്കിങ്ങിലാണ്. ഷൂട്ട് കഴിഞ്ഞ് വൈകിട്ട് നേരത്തെ വീട്ടിലെത്തിയാല്‍ അടുക്കളയിലേക്ക പപ്പ കയറുമെന്നും പാര്‍വ്വതി നിറഞ്ഞ ചിരിയോടെ പറഞ്ഞു. പാചകം ഒരു കലയാണെന്ന് പപ്പ പലപ്പോഴും പറയാറുണ്ടായിരുന്നുവെന്നും പാര്‍വ്വതി പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha