ഈ വര്‍ഷത്തെ സംസ്ഥാന അവാര്‍ഡ് പ്രഖ്യാപിച്ചപ്പോള്‍ മമ്മൂട്ടി ആരാധകര്‍ക്കും ജയസൂര്യ ആരാധകര്‍ക്കും ഏറെ തിരിച്ചടിയായി എന്ന് വേണം പറയാന്‍. മികച്ച നടനായി മമ്മൂട്ടിയെ തിരഞ്ഞെടുക്കുമെന്നാണ് ആരാധകര്‍ പ്രതീക്ഷിച്ചിരുന്നത്. ഏറെ വിവാദങ്ങള്‍ സൃഷ്ടിച്ചതായിരുന്നു ഈ വര്‍ഷത്തെ സംസ്ഥാന അവാര്‍ഡ്.

തീരെ പ്രതീക്ഷിക്കാതെ നിവിനെ നടനായി പ്രഖ്യാപിച്ചപ്പോള്‍ മലയാളികള്‍ ഒന്നടങ്കം ഞെട്ടി എന്ന് വേണം പറയാന്‍. മമ്മൂട്ടിയ്ക്ക് അവാര്‍ഡ് നല്‍കാത്തതിന് പിന്നില്‍ ഒരാളുണ്ടെന്ന് അടുത്തിടെ പല മാധ്യമങ്ങളിലും വാര്‍ത്ത വന്നിരുന്നു. എന്നാല്‍ അതിന് പിന്നില്‍ ആരാണെന്നാണ് പലരും ചോദിച്ചതും. ആ കറുത്ത കൈകള്‍ ആരുടെയാണെന്ന് ഒടുവില്‍ പുറത്ത് വന്നിരിക്കുന്നു. അവാര്‍ഡ് നിര്‍ണയിക്കുന്നതിന് അവസാന നിമിഷം വരെ മമ്മൂട്ടി എതിരില്ലാതെ നിന്നിരുന്നു.
എന്നാല്‍ മമ്മൂട്ടിയെ എന്ത് വില കൊടുത്തും ഒഴിവാക്കണമെന്ന കര്‍ശന നിര്‍ദേശം ജൂറി ചെയര്‍മാന് സര്‍ക്കാര്‍ നല്‍കിയിരുന്നതായാണ് സൂചന. നടന്‍ മമ്മൂട്ടി ഒരു ഇടത് പക്ഷക്കാരനായതോടൊപ്പം തന്നെ അടുത്തിടെയുണ്ടായ നിലവിളക്ക് വിവാദമാണ് വിനയായി മാറിയതെന്നാണ് സൂചന. മന്ത്രി നിലവിളക്ക് കൊളുത്താതിരുന്നതിനെ വേദിയില്‍ വച്ചു തന്നെ മന്ത്രിക്കെതിരെ തിരിഞ്ഞ മമ്മൂട്ടി മുസ്ലീം ലീഗിന്റെയും സര്‍ക്കാരിന്റെയും വിരോധം ചോദിച്ചു വാങ്ങുകയായിരുന്നു ചെയ്തതു.
നിലവിളക്ക് വിവാദം എന്ന പേരില്‍ പിന്നീട് സംസ്ഥാന രാഷ്ട്രീയത്തെ പിടിച്ചു കുലുക്കുകയും മുസ്ലീം ലീഗില്‍ പ്രതിസന്ധി സൃഷ്ട്ടിക്കുകയും ചെയ്തതിനു കാരണക്കാരന്‍ എന്ന നിലയില്‍ ആണ് മമ്മൂട്ടി ഒഴിവാക്കപ്പെട്ടത് എന്ന വാര്‍ത്തകള്‍ വരുകയും അത് വിശ്വസനീയമായത് കൊണ്ട് പ്രേക്ഷകര്‍ അത് വിശ്വസിക്കുകയും ചെയ്തിരുന്നു. സംസ്ഥാന അവാര്‍ഡിന് പിന്നില്‍ മമ്മൂട്ടിയെക്കതിരെ കളിച്ച വ്യക്തി ആരാണെന്ന് ഇപ്പോള്‍ പുറത്ത് വന്നിരിക്കുകയാണ്. എറണാകുളം എം എല്‍ എ ഹൈബി ഈഡന്‍ ആണ് ആ വില്ലനെന്നാണ് സൂചന. ഈ സത്യം കോണ്‍ഗ്രസിലെ പല നേതാക്കന്മാര്‍ക്കും പച്ചവെള്ളം പോലെ അറിയാം. നടന്‍ നിവിന്‍ പോളി ഹൈബിയുടെ അടുത്ത സുഹ്യത്ത് കൂടിയാണ്.
ആ സൗഹൃദം ആണ് എറണാകുളത്തു നടന്ന വിദ്യാഭ്യാസ അവാര്‍ഡ് ദാന ചടങ്ങില്‍ നിവിന്‍ മുഖ്യ അതിഥി ആയെത്തുന്നതിനു കാരണമായത്. ഈ അവാര്‍ഡ് ദാന ചടങ്ങാണ് എം എല്‍ എ യെ ഫോട്ടോഗ്രാഫര്‍ ആക്കി എ എസ് പി ട്രെയിനി മെറിന്‍ ജോസഫ് നിവിനുമായി ചേര്‍ന്ന് ഫോട്ടോ എടുത്തതിനും പിന്നീട് അത് വന്‍ വിവാദമായപ്പോള്‍ ഡി ജി പി ആഭ്യന്തര സെക്രട്ടറിയോട് വിശദീകരണം നല്‍കാന്‍ ആവശ്യപ്പെട്ടതിനും കാരണമായത്. ഹൈബിയാണ് മമ്മൂട്ടിയ്ക്ക് വില്ലനായതെങ്കില്‍ ജയസൂര്യയ്ക്ക് ആരാകും വില്ലനായത്? .
അപ്പോത്തിക്കിരിയിലെ ജയസൂര്യയുടെ അഭിനയം അവാര്‍ഡ് കിട്ടാന്‍ അഹര്‍നാക്കിയിരുന്നു. എന്നാല്‍ ജൂറി അതൊന്നും കണ്ടില്ലെന്ന് നടിച്ചു. നിവിനും ഹൈബിയും തമ്മിലുള്ള സൗഹൃദം തന്നെയാണ് ജയസൂര്യയ്ക്ക വിനയായതെന്നാണ് സൂചന. മമ്മൂട്ടി അവതരിപ്പിച്ച മുന്നറിയിപ്പിലെ രാഘവനെ ജൂറി കണുതുറന്ന് കണ്ടില്ല.

ഈ വര്‍ഷത്തെ സംസ്ഥാന അവാര്‍ഡിനെ പുച്ഛത്തോടെയാണ് മലയാളികള്‍ വിലയിരുത്തിത്. ജൂറിക്കെതിരെ ഘോരം പരാര്‍ശങ്ങള്‍ നടത്തി പ്രമുഖരായ പലരും രംഗത്തെത്തിയിരുന്നു. നിവിന്‍ പോളിയെ മികച്ച നടനായി തിരഞ്ഞെടുത്തതിന് നിരവധി പേര്‍ സോഷ്യല്‍ മീഡിയയില്‍ എതിര്‍ത്ത് കൊണ്ട് പോസ്റ്റുകളിട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha