സിനിമാതാരം അര്‍ച്ചനകവിയുടെ വിവാഹം അടുത്ത കൊല്ലം. കൊമേഡിയന്‍ ആബിഷ്മാത്യുവാണ് വരന്‍. ലാല്‍ ജോസിന്റെ നീലത്താമരയിലൂടെയാണ് അര്‍ച്ചനകവി ചലച്ചിത്രരംഗത്തെത്തുന്നത്. സുഖമായിരിക്കട്ടെ എന്ന ചിത്രം അര്‍ച്ചന അടുത്ത സമയത്താണ് പൂര്‍ത്തിയാക്കിയത്.
അര്‍ച്ചനകവിയും ആബിഷ്മാത്യുവും കുട്ടികളായിരിക്കുന്ന കാലം മുതലേ പരിചയക്കാരാണ്. ഇരു കുടുംബങ്ങള്‍ തമ്മിലും അടുപ്പമുണ്ടായിരുന്നു. യഥാര്‍ത്ഥത്തില്‍ നാലാംക്ലാസില്‍ പഠിക്കുമ്പോഴാണ് അര്‍ച്ചന മാത്യുവിനെ ആദ്യമായി കാണുന്ന. അര്‍ച്ചനയുടെ ഏറ്റവും അടുത്ത സുഹൃത്ത് കൂടിയാണ് ആബിഷ്മാത്യു. കുടുംബങ്ങള്‍ ചേര്‍ന്നാണ് വിവാഹം തീരുമാനിച്ചത്. എട്ടു മാസങ്ങള്‍ക്ക് മുമ്പാണ് വിവാഹ തീരുമാനത്തിലെത്തി ചേര്‍ന്നത്.
ആബിഷ് മാത്യു കരിയറില്‍ മാത്രമല്ല കൊമേഡിയന്‍ ജീവിതത്തിലും ഇത്രയധികം തമാശകള്‍ പറയുന്ന ഒരാളെ കണ്ടിട്ടില്ലെന്നാണ് അര്‍ച്ചന കവി പറയുന്നത്. ജീവിക്കുന്ന കാര്‍ട്ടൂണ്‍ എന്നാണ് അര്‍ച്ചന പ്രതിശ്രൂതവരനെ വിശേഷിപ്പിക്കുന്നത്. വിവാഹതീയതിയും സ്ഥലവും തീരുമാനിച്ചിട്ടില്ലെങ്കിലും അടുത്ത വര്‍ഷം വിവാഹിതരാകാനാണ് തീരുമാനം.
വിവാഹശേഷം അര്‍ച്ചന സിനിമയില്‍ തുടരുന്നതിനോട് ആബിഷിന് വിരോധമൊന്നുമില്ല. എന്നിരുന്നാലും ഭര്‍ത്താവ് തീരുമാനിക്കട്ടെ എന്നാണ് അര്‍ച്ചന പറയുന്നത്. കാരണം സിനിമയെക്കള്‍ വലുത് ജീവിതമാണ്. ആബിഷ്മാത്യുവിന്റെ അഭിപ്രായം നേരെ മറിച്ചാണ്. അര്‍ച്ചനയുടെ ജോലി അഭിനയമാണ് അതു തുടരുക തന്നെ വേണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha