കളി മാറുകയാണ് മക്കളെ... വേദികയും ഇന്ദ്രജയും സുമിത്രയ്ക്ക് പണികൊടുക്കാൻ വേണ്ടി ഒന്നിക്കുന്നു!! ശ്രീകുമാറിന്റെ ഒത്തുകൂടലൊക്കെ കൊള്ളാം... എന്തിനാ സിദ്ധുവിനെയും സുമിത്രയെയും ഒന്നിപ്പിക്കുന്നത്
അടുക്കളയിൽ നിന്നും അരങ്ങത്ത് എത്തിയ വീട്ടമ്മ സകലരെയും തകർത്തുകൊണ്ട് മുന്നേറുകയായിരുന്നു. ശ്രീനിലയത്തിലെ പ്രധാന എതിരാളികളായ വേദികയെയും ഇന്ദ്രജയെയും തകർത്തിരിക്കുകയാണ്. ഇന്ദ്രജയുടെ ചെകിടത്ത് നല്ലൊരു അടി കിട്ടിയതും, വേദികയ്ക്ക് അവസാനമായി കിട്ടിയ പണിയും കിടിലൻ തന്നെ ആയിരുന്നു. ഇത് രണ്ടുപേരെയും, ചെറുതായിട്ടൊന്നുമല്ല ചൊടിപ്പിച്ചിരിക്കുന്നത്.
രണ്ടു വില്ലത്തികൾക്കും സുമിത്രയ്ക്ക് നല്ലൊരു പണികൊടുക്കണമെന്ന് അതിയായ ആഗ്രഹമുണ്ട്... അങ്ങനെ ഇന്നത്തെ എപ്പിസോഡിൽ രണ്ടുപേരും കൈകോർക്കുകയാണ് സുമിത്രയുടെ പതനത്തിന് വേണ്ടി... മെയിൻ വില്ലത്തിയായ വേദികയാണ്, ഇന്ദ്രജയെ പോയി കണ്ട് സുമിത്രയെ തകർക്കാനുള്ള പദ്ധതി ഒരുക്കുന്നത്.
എനിക്ക് തോന്നുന്നത്... രണ്ടു പേരും ഒന്നിക്കുന്നത്, ഒരുമിച്ചൊരു മുട്ടൻ പണി വാങ്ങാനായിരിക്കുമെന്നാണ്. മുൻപ്, സുമിത്രയുടെ ഷോപ്പിൽ ജോലി ചെയ്തിരുന്ന പെൺകുട്ടിയെകൊണ്ട് കള്ളക്കേസുണ്ടാക്കിയപ്പോഴും, സഞ്ജനയുടെ അച്ഛനുമായി ചേർന്ന് സുമിത്രയെ തകർക്കാൻ നോക്കിയപ്പോഴുമൊക്കെ വേദികയ്ക്ക് പണികൾ മാത്രമാണ്, അവസാനം കിട്ടിയത്. ഇവിടെ ചെറിയൊരു സംശയമുള്ള കാര്യം...
കൂടെയുള്ള ഇന്ദ്രജ സുമിത്രയോട് തീർത്താൽ തീരാത്ത പകയുള്ള ആളാണ്. അതുപോലെ, വേദികയുടെ കൂടെ നിൽക്കുന്ന സ്വാഭാവികാരിയും. എന്തൊക്കെ ആയാലും വില്ലത്തികൾ രണ്ടുപേരും ഒത്തു ചേരുന്നതോടുകൂടി സുമിത്രയെ തകർക്കാൻ പറ്റുമോ?? എന്നും, അതോ.. അവരുടെ അന്ത്യം ആയിരിക്കുമോ എന്നും കാത്തിരുന്ന് തന്നെ കാണേണ്ടതാണ്.
പിന്നെ, ഇന്നലത്തെ ശ്രീകുമാറിന്റെ ഒത്തുകൂടലൊക്കെ കൊള്ളാം... പക്ഷെ, നമ്മളൊക്കെ പ്രതീക്ഷച്ചതിന്റെ നേരെ വിപരീതമായാണ്, ശ്രീകുമാർ സംസാരിച്ചത്. പരസ്പരം യോജിക്കാൻ കഴിയില്ല, അടുക്കളയ്ക്കകത്ത് കിടക്കുന്ന സ്ത്രീ.. എന്നൊക്കെ പറഞ്ഞായിരുന്നല്ലോ.. സുമിത്രയെ സിദ്ധു ഒഴിവാക്കിയത്. ഇതിനൊക്കെ യോജിച്ച സ്ത്രീയല്ലേ.. വേദിക.
അടുക്കളയിൽ ഒരിക്കലും കയറുന്നത് വേദികയ്ക്ക് ഇഷ്ടമില്ല... സിദ്ധു എങ്ങനെയെങ്കിലും വേദികയെ തകർത്താൽ വേദിക ഹാപ്പിയാണ്... ഇങ്ങനെയൊക്കെയുള്ള ഒരാളെ , സിദ്ധു ആഗ്രഹിച്ച വ്യക്തിയെ തന്നെ കിട്ടിയില്ലേ.. പിന്നെന്തിനാണ് ഇപ്പോൾ സുമിത്രയോടൊരു ചായ്വ്...
കൂട്ടിന് ആരുമില്ലെങ്കിലും നന്നായി ജീവിക്കാൻ കഴിയുമെന്ന് തെളിയിച്ചത് കൊണ്ടായിരിക്കും ഇത്രയും സ്നേഹം. പക്ഷെ, സുമിത്ര അത് കണ്ടില്ലെന്ന് നടിക്കുന്നുണ്ടെങ്കിലും ശ്രീകുമാർ അത് കാണുന്നുണ്ട്. അതുകൊണ്ടല്ലേ... എല്ലാവരെയും വിളിച്ചുകൂട്ടി അച്ഛനെയും അമ്മയെയും ഒരുമിപ്പിക്കാനുള്ള പരിപാടിയ്ക്ക് തുടക്കമിട്ടിരിക്കുന്നത്.
മക്കൾക്കും മരുമക്കൾക്കും അതിനൊക്കെ താല്പര്യം കാണും. കാരണം അവരുടെ അച്ഛനും അമ്മയും ഒന്നിക്കണമെന്നൊക്കെ അവർക്കെന്തായാലും ആഗ്രഹം കാണും... എന്നാൽ, ശ്രീകുമാർ ചെയ്യുന്നത് ശെരിയായിട്ടുള്ള പ്രവൃത്തിയല്ല. ഭാര്യയെ വേണ്ടെന്നു വെച്ച് പോയതല്ലേ അപ്പോൾ വേദികയുമായുള്ള ജീവിതം അനുഭവിക്കട്ടെ.
പിന്നെ, മറ്റൊരു കാര്യം എടുത്തു പറയേണ്ട കാര്യം, കുടുംബവിളക്കിലെ ഓരോ സ്ത്രീകഥാപാത്രങ്ങളും മികച്ചതാകുകയാണ്. ഓരോരുത്തരും നന്നായിട്ട് തന്നെ അഭിനയിക്കുന്നുണ്ട്. അതിരമാധവ് പോയപ്പോൾ, അനന്യ എന്ന കഥാപാത്രത്തെ മികച്ചതാക്കാൻ കഴിയുമോ എന്ന് സംശയിച്ചിരുന്നു.
പക്ഷെ, പുതിയ അനന്യ നന്നായിട്ടു തന്നെ അഭിനയിക്കുന്നുണ്ട്. അതുപോലെ തന്നെയാണ്... ഓരോ വേദികയും ഇന്ദ്രജയും തകർത്തു അഭിനയിക്കുന്നുണ്ട്. കഥാപാത്രത്തെ അതേപോലെ പ്രേക്ഷകരിലേക്ക് എത്തിക്കുന്നുണ്ട്.
https://www.facebook.com/Malayalivartha