സുരേഷ് ഗോപി ചിത്രം 'ജെ എസ് കെ ജാനകി വേഴ്സസ് സ്റ്റേറ്റ് ഓഫ് കേരള' റിലീസ് ജൂണ് 27ന്
സുരേഷ് ഗോപിയെ നായകനാക്കി പ്രവീണ് നാരായണന് രചിച്ചു സംവിധാനം ചെയ്ത 'ജെ എസ് കെ ജാനകി വേഴ്സസ് സ്റ്റേറ്റ് ഓഫ് കേരള' എന്ന ചിത്രം ജൂണ് 27ന് ആഗോള റിലീസായി എത്തും. കാര്ത്തിക് ക്രിയേഷന്സുമായി സഹകരിച്ച് കോസ്മോസ് എന്റര്ടൈന്മെന്റ് നിര്മ്മിക്കുന്ന ചിത്രത്തിന്റെ നിര്മ്മാതാവ് ജെ. ഫാനീന്ദ്ര കുമാര് ആണ്. സേതുരാമന് നായര് കങ്കോള് ആണ് ചിത്രത്തിന്റെ സഹനിര്മ്മാതാവ്. അനുപമ പരമേശ്വരന്, ദിവ്യ പിള്ള, ശ്രുതി രാമചന്ദ്രന് എന്നിവരാണ് ചിത്രത്തിലെ നായികാ കഥാപാത്രങ്ങള്ക്ക് ജീവന് നല്കുന്നത്. ഒരു ഇടവേളക്ക് ശേഷം അനുപമ പരമേശ്വരന് നായികാ വേഷം ചെയ്തു കൊണ്ട് മലയാളത്തിലെത്തുന്ന ഈ ചിത്രം ഒരു കോര്ട്ട് റൂം ഡ്രാമ ആയാണ് ഒരുക്കിയിരിക്കുന്നത് എന്നാണ് ഇതിന്റെ ടീസര് സൂചിപ്പിക്കുന്നത്.
പ്രേമം എന്ന ചിത്രത്തിലൂടെ മലയാളി പ്രേക്ഷകരുടെ പ്രിയങ്കരിയായ അനുപമ പരമേശ്വരന്, അതിന് ശേഷം ഒരുപിടി വമ്പന് തമിഴ്, തെലുങ്ക് ചിത്രങ്ങളിലെ നായികാ വേഷങ്ങളിലൂടെ തെന്നിന്ത്യയില് മുഴുവന് പ്രശസ്തയായി മാറിയിരുന്നു. പ്രേമത്തിന് ശേഷം ഏതാനും മലയാള ചിത്രങ്ങള് ചെയ്തെങ്കിലും ഒരു വലിയ ഇടവേളക്ക് ശേഷമാണ് അതിശക്തമായ ഒരു കഥാപാത്രവുമായി ജെഎസ്കെയിലൂടെ താരം തിരിച്ചെത്തുന്നത്.
ടീസര് കൂടാതെ, നേരത്തേ പുറത്ത് വന്ന ചിത്രത്തിന്റെ മോഷന് പോസ്റ്ററും മികച്ച പ്രേക്ഷക ശ്രദ്ധ നേടിയിരുന്നു. സുരേഷ് ഗോപിയുടെ 253 മത് ചിത്രമായാണ് 'ജെ എസ് കെ ജാനകി വേഴ്സസ് സ്റ്റേറ്റ് ഓഫ് കേരള' പുറത്ത് വരുന്നത്. കേസ് അന്വേഷണം, കോടതി വ്യവഹാരം എന്നിവയുള്പ്പെടുന്ന ഒരു ലീഗല് ത്രില്ലര് ആയാണ് ചിത്രം ഒരുക്കിയിരിക്കുന്നതെന്ന് ടീസര് സൂചിപ്പിക്കുന്നു. കോടതിയില് അരങ്ങേറുന്ന നിയമയുദ്ധത്തിന്റെ സൂചനയാണ് ടീസര് നല്കുന്നത്. അതിശക്തമായ പ്രമേയം കൈകാര്യം ചെയ്യുന്ന ഒരു കോര്ട്ട് റൂം/ലീഗല് ത്രില്ലര് ആയിരിക്കും ചിത്രമെന്നാണ് റിപ്പോര്ട്ട്.
സുരേഷ് ഗോപി, അനുപമ പരമേശ്വരന്, ദിവ്യ പിള്ള, ശ്രുതി രാമചന്ദ്രന് എന്നിവരെ കൂടാതെ അസ്കര് അലി, മാധവ് സുരേഷ് ഗോപി, ബൈജു സന്തോഷ്, ജയന് ചേര്ത്തല, ജോയ് മാത്യു, അഭിലാഷ് രവീന്ദ്രന്, രജിത് മേനോന്, നിസ്താര് സേട്ട്, വൈഷ്ണവി രാജ്, മേധ പല്ലവി, കോട്ടയം രമേഷ്, ദിലീപ്, ബാലാജി ശര്മ, രതീഷ് കൃഷ്ണന്, ഷഫീര് ഖാന്, മഞ്ജു ശ്രീ നായര്, ജയ് വിഷ്ണു എന്നിവരാണ് ചിത്രത്തിലെ മറ്റു താരങ്ങള്. മലയാളം, തമിഴ്, തെലുങ്ക്, ഹിന്ദി ഭാഷകളിലാണ് ചിത്രം ആഗോള റിലീസായി എത്തുക.
എക്സിക്യൂട്ടീവ് പ്രൊഡ്യൂസേഴ്സ് സജിത് കൃഷ്ണ, കിരണ് രാജ്, ഹുമയൂണ് അലി അഹമ്മദ്, ഛായാഗ്രഹണം റെനഡിവേ, എഡിറ്റിംഗ് സംജിത് മുഹമ്മദ്, പശ്ചാത്തല സംഗീതം ജിബ്രാന്, സംഗീതം ഗിരീഷ് നാരായണന്, മിക്സ് അജിത് എ ജോര്ജ്, സൌണ്ട് ഡിസൈന് സിങ്ക് സിനിമ, കലാസംവിധാനം ജയന് ക്രയോണ്, ചീഫ് അസോസിയേറ്റ്സ് രജീഷ് അടൂര്, കെ. ജെ. വിനയന്, ഷഫീര് ഖാന്, പ്രൊഡക്ഷന് കണ്ട്രോളര് അമൃത മോഹനന്, സംഘട്ടനം – മാഫിയ ശശി, ഫീനിക്സ് പ്രഭു, രാജശേഖര്, നൃത്തസംവിധാനംഃ സജിന മാസ്റ്റര്, വരികള് സന്തോഷ് വര്മ്മ, ജ്യോതിഷ് കാശി, ഹരിത ഹരിബാബു, വസ്ത്രങ്ങള് അരുണ് മനോഹര്, മേക്കപ്പ് പ്രദീപ് രംഗന്, അസ്സോസിയേറ്റ് ഡിറക്ടര്സ് ബിച്ചു, സവിന് എസ്. എ, ഹരിപ്രസാദ് കെ, വിഎഫ്എക്സ് ഐഡന്റ് ലാബ്സ്, ഡിഐ കളര് പ്ലാനറ്റ്, സ്റ്റില്സ് ജെഫിന് ബിജോയ്, മീഡിയ ഡിസൈന് ഐഡന്റ് ലാബ്സ്, ഓണ്ലൈന് പ്രൊമോഷന് ആനന്ദു സുരേഷ്, ജയകൃഷ്ണന് ആര്. കെ., വിഷ്വല് പ്രമോഷന് സ്നേക് പ്ലാന്റ് എല്എല്സി, പിആര്ഒ വൈശാഖ് സി വടക്കേവീട്, ജിനു അനില്കുമാര്, മാര്ക്കറ്റിംഗ് & ഡിസ്ട്രിബൂഷന് ഡ്രീം ബിഗ് ഫിലിംസ്.
https://www.facebook.com/Malayalivartha
