യുഎഇയിലെ ഉയർന്ന ശമ്പളം, നികുതിയില്ലാത്ത വരുമാനം, മികച്ച ജീവിതനിലവാരം, സുരക്ഷ എന്നിവയാണ് പ്രധാന ആകർഷണങ്ങൾ. ഗോൾഡൻ വിസ, ദീർഘകാല താമസ സൗകര്യങ്ങൾ എന്നിവ നൽകുന്നത് യുഎഇയിൽ സ്ഥിരതാമസമാക്കാൻ ഇവരെ പ്രോത്സാഹിപ്പിക്കുന്നു. നാട്ടിലെ തൊഴിൽ വിപണിയിലെ അനിശ്ചിതത്വവും, യുഎഇയിലെ വേഗത്തിലുള്ള കരിയർ വളർച്ചാ സാധ്യതകളും യുവതലമുറയെ ഇവിടെത്തന്നെ തുടരാൻ പ്രേരിപ്പിക്കുന്നു.

യുഎഇയിലെ റിയൽ എസ്റ്റേറ്റ് വിപണിയിൽ 25 മുതൽ 35 വയസ്സുവരെയുള്ള യുവ പ്രൊഫഷണലുകളുടെ കടന്നുവരവ് വർധിച്ചിരിക്കുകയാണ്. ഉയർന്ന വാടക, തിരിച്ചടവുകൾ എന്നിവ വാടകയ്ക്ക് തുല്യമാകുന്നത്, ഗോൾഡൻ വിസ പോലുള്ള ദീർഘകാല താമസ സൗകര്യങ്ങൾ, ഉടമസ്ഥാവകാശം ഒരു വരുമാന സ്രോതസ്സായി കാണുന്നത് എന്നിവയാണ് ഇതിന് പിന്നിലെ പ്രധാന കാരണങ്ങൾ




അൽ ഹമ്മാദി, IAH ഗ്രൂപ്പ് സ്ഥാപകനും സിഇഒയുമായ ഇസ്മായിൽ പറയുന്നതനുസരിച്ച്, 35 വയസ്സിൽ താഴെയുള്ള ആളുകൾ വീട് വാങ്ങുന്ന എണ്ണത്തിൽ ശ്രദ്ധേയമായ വർദ്ധനവുണ്ടായിട്ടുണ്ട്, പ്രത്യേകിച്ച് ദുബായിൽ. വീട് ഉടമസ്ഥാവകാശം എന്ന ആശയം യുവ തലമുറയുടെ ദീർഘകാല സാമ്പത്തിക ചിന്തയുടെ ഭാഗമായി മാറിയിരിക്കുന്നു.

സർക്കാർ പരിഷ്കാരങ്ങളും ഇതിന് സഹായകമായിട്ടുണ്ടെന്ന് പറയാം. സുതാര്യത വർദ്ധിപ്പിക്കുന്നതിനുള്ള നടപടികൾ, ഡിജിറ്റൽ സംവിധാനങ്ങൾ എളുപ്പമാക്കിയത്, താമസാനുമതിയുമായി ബന്ധിപ്പിച്ചുള്ള പ്രോപ്പർട്ടി വാങ്ങൽ എന്നിവ യുവ തലമുറയെ വീട് വാങ്ങാൻ പ്രേരിപ്പിക്കുന്ന ഘടകമായി. വീട് വാങ്ങാൻ പോകുന്ന പലരും ഉയർന്ന വിദ്യാഭ്യാസം ഉള്ളവർ ആണ് അതിനാൽ റിയൽ എസ്റ്റേറ്റിനെ കുറിച്ച് പ്രത്യേകിച്ച് ദുബായിലെ റിയൽ എസ്റ്റേനിനെ കുറിച്ച് അവർക്ക് നല്ല ധാരണയുണ്ട്.

വാടക വർദ്ധനവ് പലരെയും ആശങ്കയിൽ ആക്കിയിരുന്നു. അപ്പോഴാണ് സ്വന്തമായി പ്രോപ്പർട്ടി വാങ്ങുന്ന രീതിയിലേക്ക് കാര്യങ്ങൽ എത്തിച്ചത്. ദുബായിലെ പലയിടത്തും ഇന്ന് വാടകയ്ക്ക് എടുക്കുന്നതിനേക്കാൾ വാങ്ങുന്നത് കൂടുതൽ ലാഭകരമാണെന്ന് പലരും മനസ്സിലാക്കുന്നു. മറ്റ് ലോക നഗരങ്ങളെ അപേക്ഷിച്ച് ദുബായിൽ വീട് വാങ്ങുന്നത് നല്ലതാണെന്ന് യുവ തലമുറ മനസ്സിലാക്കുന്നു. പലരും നിക്ഷേപം എന്ന ലക്ഷ്യത്തോടെയാണ് വാങ്ങുന്നത്. ഇപ്പോൾ വാങ്ങുന്നതിന്റെ ഇരട്ടി ലാഭം വിൽക്കുമ്പോൾ ഭാവിയിൽ ലഭിക്കും. പലരും താമസിക്കാൻ വേണ്ടിയല്ല വാങ്ങുന്നത്. ഇപ്പോൾ റിയൽ എസ്റ്റേറ്റിൽ വിൽപ്പന നടത്തിയാൽ ഭാവിയിൽ ഉപകരിക്കും എന്ന ചിന്തയാണ്.


യുവ പ്രൊഫഷണലുകൾ പലരും സ്ഥിരമായി യുഎഇയിൽ തങ്ങാൻ ഇപ്പോൾ ഇഷ്ട്ടപ്പെടുന്നു. പുതിയ കാലത്തിന് അനുസരിച്ച് ചെലവ് കുറഞ്ഞ് ജീവിക്കാൻ സാധിക്കുന്ന ഒരു നഗരമായി ദുബായ് മാറിയിരിക്കുന്നു. സ്റ്റുഡിയോകളും ഒരു ബെഡ്റൂം അപ്പാർട്ട്മെന്റുകളുമാണ് കൂടുതൽ ആളുകളും നോക്കുന്നത്. മാത്രമല്ല, നല്ല ഗതാഗത സൗകര്യങ്ങൾ ഉള്ള സ്ഥലങ്ങളും അവർ ഉന്നം വെക്കുന്നു. നഗരപരിധിക്കുള്ളിൽ നന്നെയാണ് യു പ്രവാസികൾക്ക് ഇഷ്ട്ടം.

വ്യവസായ പ്രമുഖർ പറയുന്നത്, 25–35 വയസ്സ് പ്രായമുള്ളവർ വിപണിയുടെ അടുത്ത ഘട്ട വളർച്ചയ്ക്ക് നേതൃത്വം നൽകുമെന്നും എന്നാണ്, ഭാവിയിലെ പ്രോജക്റ്റുകൾ എങ്ങനെ രൂപപ്പെടുത്തണം എന്നതിനെ അവർ സ്വാധീനിക്കും.