ദിലീപ്കാവ്യ വിവാഹത്തിന് മമ്മൂട്ടി എല്ലാവിധ പിന്തുണയും നല്‍കിയതില്‍ പ്രതിഷേധിച്ച് ചിലര്‍ അദ്ദേഹത്തിന്റെ പുതിയ ചിത്രമായ ദ ഗ്രേറ്റ് ഫാദറിന്റെ പോസ്റ്ററുകള്‍ വ്യാപകമായി വലിച്ച് കീറിയെന്ന് പരാതി. ഇത് കൂടി കണക്കിലെടുത്താണ് ചിത്രത്തിന്റെ ക്രിസ്മസിന് റിലീസ് ചെയ്യാതെ ജനുവരിയിലേക്ക് മാറ്റിയതെന്നും അറിയുന്നു. ദമ്പതികള്‍ക്ക് ആദ്യം വിരുന്ന് നല്‍കിയത് മമ്മൂട്ടിയായിരുന്നു. അതാണ് പല സിനിമാ പ്രേമികളെയും ഏറെ ചൊടിപ്പിച്ചത്. ഇവര്‍ സമൂഹമാധ്യമങ്ങളിലൂടെ ധാരാളം ട്രോളുകളും മമ്മൂട്ടിക്കെതിരെ അഴിച്ചുവിട്ടു. ആളുകളുടെ പ്രതിഷേധം തണുത്ത ശേഷം റിലീസ് മതിയെന്ന് അണിയറപ്രവര്‍ത്തകര്‍ തീരുമാനിക്കുകയായിരുന്നു. പിന്നീട് താരം ആ ചടങ്ങിന് പോകേണ്ടിയിരുന്നില്ല എന്ന വിധം സംസാരിക്കുകയും ചെയ്തത്രെ. അത് കണക്കിലെടുത്താണ് ലാല്‍ ഒഴിവായതെന്നും സംസാരമുണ്ടായിതായ് പറയുന്നു.
എന്നാല്‍ സത്യമതല്ലെന്ന് അണിയറപ്രവര്‍ത്തകര്‍ പറയുന്നു. ചിത്രത്തിന്റെ ചിത്രീകരണം ഏറെ വൈകിയാണ് തീര്‍ന്നത്. അതുകൊണ്ട് പോസ്റ്റ് പ്രൊഡക്ഷന്‍ ജോലികള്‍ തീരാന്‍ സമയമെടുക്കും. ഇതാണ് റിലീസ് ജനുവരിയിലാക്കാന്‍ കാരണം. എടിപിടീന്ന് ജോലികള്‍ തീര്‍ത്താല്‍ പെര്‍ഫക്ഷന്‍ കുറയും. നവാഗത സംവിധായകന്റെ സിനിമയാണ്. അതിന്റെ ടെന്‍ഷനുണ്ട്. മാത്രമല്ല നിര്‍മാതാക്കളായ ഓഗസ്റ്റ് സിനിമയുടെ കഴിഞ്ഞ രണ്ട് ചിത്രങ്ങള്‍ പരാജയമായിരുന്നു. ഡി.ഐക്ക് ഏറെ പ്രാധാന്യമുള്ളതിനാല്‍ സമയമെടുത്താണ് ജോലികള്‍ പുരോഗമിക്കുന്നത്. ബാക്കിയെല്ലാം കിംവദന്തികളാണെന്നും അണിയറപ്രവര്‍ത്തകര്‍ പറഞ്ഞു.

മമ്മൂട്ടിയുടെ ഗ്രേറ്റ്ഫാദറും ദുല്‍ഖറിന്റെ ജോമോന്റെ സുവിശേഷവും ക്രിസ്മസ് റിലീസായിരുന്നു പ്രഖ്യാപിച്ചത്. എന്നാല്‍ ആദ്യമേ മമ്മൂട്ടി ചിത്രം പിന്‍മാറി. പിന്നീട് സിനിമാ സമരം വന്നതോടെ ദുല്‍ഖര്‍ ചിത്രവും തിയേറ്ററുകളിലെത്തില്ല. ഇതോടെ അച്ഛന്‍ മകന്‍ പോരിന് കാത്തിരുന്ന ആരാധകരെല്ലാം നിരാശരാണ്. എന്തായാലും അടുത്ത വര്‍ഷം ആദ്യം താരപ്പോര് ഉണ്ടാകുമെന്നുറപ്പാണ്.