ദിലീപാണ് എക്സിബിറ്റേര്സ് ഫെഡറേഷനെ തകര്ക്കുന്നതെന്ന് ലിബര്ട്ടി ബഷീര്
കേരള എക്സിബിറ്റേര്സ് ഫെഡറേഷനെ തകര്ക്കുന്നതിനായി നടന് ദിലീപ് ശ്രമം നടത്തുന്നതായി ലിബര്ട്ടി ബഷീറിന്റെ ആരോപണം. മലയാള സിനിമ റിലീസ് ചെയ്യുന്നതിന് സര്ക്കാരുമായുള്ള ചര്ച്ചയില് ധാരണയായിരുന്നുവെന്നും എന്നാല് മറുഭാഷ ചിത്രം പുറത്തിറക്കാനായിരുന്നു നിര്മാതാക്കള്ക്ക് താല്പ്പര്യമെന്നും ലിബര്ട്ടി ബഷീര് പറയുന്നു. ഭൈരവ് റിലീസ് ചെയ്ത ഫെഡറേഷനില് ഉള്പ്പെട്ട 12 തിയറ്ററുകള്ക്കെതിരേ നടപടി ഉണ്ടാകും.
എന്നാല് മറുഭാഷാ ചിത്രം പുറത്തിറക്കാനായിരുന്നു നിര്മാതാക്കളുടെ തിടുക്കമെന്നും ലിബര്ട്ടി ബഷീര് തലശേരിയില് പറഞ്ഞു. ഭൈരവ റീലീസ് ചെയ്ത ഫെഡറേഷനിലുള്ള 12 തിയറ്ററുകള്ക്കെതിരെ നടപടിയുണ്ടാകുമെന്നും ലിബര്ട്ടി ബഷീര് അറിയിച്ചു. കേരളത്തിലെ സിനിമാപ്രതിസന്ധി സര്ക്കാര് ഇടപെട്ട് പരിഹരിക്കണം. മലയാള ചിത്രം പ്രദര്ശിപ്പിക്കാതെ അന്യഭാഷാ ചിത്രം പ്രദര്ശിപ്പിക്കുന്നതിനെ കുറിച്ച് സിദ്ദിഖ്, ഇന്നസെന്റ്, അടൂര് ഗോപാലകൃഷ്ണന്, ലെനിന് രാജേന്ദ്രന് തുടങ്ങിയവര് മറുപടി പറയണം. കോര്പ്പറേറ്റുകളുടെ പിടിയിലാണ് ഇന്ന് മലയാള സിനിമ. ഇപ്പോഴത്തെ പ്രതിസന്ധിക്കു പുറകില് സൂപ്പര് സ്റ്റാറുകള്ക്ക് പങ്കുണ്ട്. ദിലീപ് കേരളത്തിലെ പല തിയറ്റര് ഉടമകളെയും വിളിച്ചു പുതിയ സംഘടനയെ കുറിച്ചു സംസാരിച്ചതിന്റെ തെളിവുണ്ടെന്നും ലിബര്ട്ടി ബഷീര് കൂട്ടിച്ചേര്ത്തു
പുതിയ സംഘടന ഉണ്ടാക്കാനാണ് ദിലീപിന്റെ ശ്രമമാണ് ബഷീറിനെ ചൊടിപ്പിച്ചത്. എല്ലാ പ്രശ്നങ്ങള്ക്കും കാരണം ദീലിപാണെന്ന് അദ്ദേഹം ആരോപിച്ചു. സിനിമാ സാങ്കേതിക പ്രവര്ത്തകരുടെ കീഴിലുള്ള തിയറ്ററുകളും പുതിയ സംഘടനയില് ചേരുമെന്നാണ് സൂചന. താരങ്ങളും പ്രമുഖ നിര്മാതാക്കളും ഇതില് അംഗമാകും. ഇതോടെ സിനിമാസമരം പൂര്ണമായും പൊളിയാനാണ് കൂടുതല് സാധ്യത. എക്സിബിറ്റേര്സ് ഫെഡറേഷനില് ഉള്ളവരും ഇല്ലാത്തവരുമായ ആളുകളും പുതിയ സംഘടനയില് ഉണ്ടാകും. പ്രതിസന്ധി രൂക്ഷമായ സമയത്ത് ഫിലിം എക്സിബിറ്റേഴ്സ് ഫെഡറേഷന് തങ്ങളുടെ നിലപാട് അറിയിച്ചിരുന്നു.
ജോമോന്റെ സുവിശേഷങ്ങള്, ഫുക്രി, എസ്ര മുന്തിരിവള്ളികള് തളിര്ക്കുമ്പോള് തുടങ്ങിയ ചിത്രങ്ങള്ക്കു ക്രിസ്മസ് റിലീസ് നഷ്ടപ്പെട്ടതു മൂലം മലയാള സിനിമയ്ക്ക് സംഭവിച്ചത് വന്നഷ്ടമാണ്. വെള്ളിയാഴ്ച ഈ ചിത്രങ്ങള് തീയറ്ററുകളില് റിലീസിനെത്തിക്കും.
.
https://www.facebook.com/Malayalivartha
