മലയാളത്തിലെ എക്കാലത്തെയും സൂപ്പര്‍ഹിറ്റ് ചിത്രമായ പ്രേമത്തിന്റെ അണിയറപ്രവര്‍ത്തകരുടെ കുട്ടത്തില്‍ ഒരുങ്ങുന്ന രണ്ടാം ചിത്രം റിലീസിനൊരുങ്ങുന്നു . ഞണ്ടുകളുടെ നാട്ടില്‍ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ എത്തി. നിവിന്‍ പോളി നായകനാകുന്ന ചിത്രം സംവിധാനം ചെയ്യുന്നത് അല്‍ത്താഫാണ്. പ്രേമത്തിലും അടുത്തിറങ്ങിയ സഖാവിലും അല്‍ത്താഫ് നിവിനൊപ്പം അഭിനേതാവായി എത്തിയിരുന്നു. നിവിന്‍ തന്നെയാണ് പോസ്റ്റര്‍ ഫേസ്ബുക്ക് പേജിലൂടെ പുറത്തുവിട്ടത്.

അഹാന കൃഷ്ണകുമാറും ഐശ്വര്യ ലക്ഷ്!മിയുമാണ് നായികമാര്‍. ഇവരെ കൂടാതെ ലാല്‍, സിജു വില്‍സന്‍, ശ്രന്ദ, ദിലീഷ് പോത്തന്‍, കൃഷ്ണ ശങ്കര്‍ എന്നിവരും പ്രധാന കഥാപാത്രങ്ങളാകുന്നു. ഒരിടവേളയ്ക്ക് ശേഷം ശാന്തി കൃഷ്ണ മലയാളത്തിലേക്ക് എത്തുന്നു എന്ന പ്രത്യേകത കൂടി ചിത്രത്തിനുണ്ട്. ആക്ഷന്‍ ഹീറോ ബിജുവിന് ശേഷം നിവിന്‍ പോളി നിര്‍മിക്കുന്ന ചിത്രം കൂടിയാണ് ഞണ്ടുകളുടെ നാട്ടില്‍ ഒരിടവേള. പോളി ജൂനിയറിന്റെ ബാനറില്‍ ഒരുങ്ങുന്ന ചിത്രം ഓണത്തിന് തിയറ്ററിലെത്തും.