ഭാര്യ കുട്ടിയെ വേണമെന്ന് വാശിപിടിച്ചിട്ടും ഹോളിവുഡ് നടന്‍ ജോര്‍ജ് ക്ലൂണി സമ്മതിച്ചില്ല, ഒടുവില്‍ ഭാര്യ അമല്‍ അലാമുദ്ദീന്‍ അറ്റകൈ പ്രയോഗം നടത്തി. ഒന്നുകില്‍ കുട്ടിവേണം അല്ലെങ്കില്‍ വിവാഹമോചനം വേണമെന്ന് വക്കീലായ ഭാര്യ ആവശ്യപ്പെട്ടു. ജീവനാംശമായി 2021 കോടി നല്‍കേണ്ടിവരും എന്ന് ഭാര്യ ഭീഷണിപ്പെടുത്തി. 56കാരനായ ക്ലൂളി ആദ്യഭാര്യയെ ഉപേക്ഷിച്ച ശേഷം 21 വര്‍ഷം വിവാഹം കഴിക്കാതെ ജീവിച്ചു. അതിനിടെ പലരും കാമുകിമാരായി മാറാ മറിഞ്ഞു. അങ്ങനെയിരിക്കെയാണ് 2014ല്‍ അമലിനെ വിവാഹം കഴിച്ചത്.

വിവാഹ ശേഷം രണ്ട് വര്‍ഷം ലോകമെമ്പാടും ഓടിനടന്ന് മധുവിധു ആഘോഷിച്ചു. അതിന് ശേഷമാണ് കുട്ടി വേണമെന്ന് അമല്‍ ആവശ്യപ്പെട്ടത്. കുഞ്ഞുണ്ടായാല്‍ ഭര്‍ത്താവിന്റെ സ്വത്തിന്റെ പാതി കിട്ടുമല്ലോ. പിന്നെ ക്ലൂണിയെ പോലുള്ളവര്‍ ഏത് നിമിഷവും മറുകണ്ടം ചാടാന്‍ മിടുക്കന്‍മാരാണ്. അങ്ങനെ കുഞ്ഞിനെ ചൊല്ലി ഇരുവരും തമ്മില്‍ വഴക്കായി. അതിന് ശേഷമാണ് അമല്‍ വിവാഹമോചനം, ജീവനാംശം എന്നീ ഭീഷണികളുമായി രംഗത്തെത്തിയത്. അഭിഭാഷകയായ അമലിന് മുന്നില്‍ വേറെ വഴിയില്ലാതെ ക്ലൂണി വഴങ്ങി്. ഭാര്യ ഗര്‍ഭിണിയായി. അടുത്തിടെ പ്രസവിച്ചു. അതും ഇരട്ടക്കുട്ടികളെ!