മലയാളത്തിലെ പ്രമുഖ നടി മൈഥിലിയുടെ  പേരില്‍ സമൂഹ മാധ്യമങ്ങളില്‍ പ്രചരിക്കുന്ന ചിത്രങ്ങള്‍ വ്യാജം. നടിയും ഒരു യുവാവും ഒരുമിച്ചുള്ള ചിത്രങ്ങളാണ് വാട്ട്‌സാപ്പിലും ഫേസ്ബുക്ക് ട്വിറ്റര്‍ പോലുള്ള സാമൂഹ മാധ്യമങ്ങളില്‍ വന്‍ തോതില്‍ പ്രചരിച്ചത്. ഇതിനെതിരെ നടി പരാതി നൽകിയിരുന്നു. കൊച്ചിയില്‍ പ്രമുഖ നടിയെ വാഹനത്തില്‍ കടത്തിക്കൊണ്ടുപോയി പീഡിപ്പിക്കാന്‍ ശ്രമിച്ചത് വന്‍ വിവാദമായതിന് പിന്നാലെയാണ്  മൈഥിലിയുടെ ചിത്രങ്ങള്‍ പ്രചരിപ്പിച്ചത്.

ഇത് ഓൺലൈൻ മാധ്യമങ്ങൾ കഴിഞ്ഞ ദിവസം റിപ്പോർട്ട് ചെയ്തിരുന്നു. തുടർന്ന് പോലീസ് ശക്തമായി ഇടപെടുകയും വാട്സ് ആപ്പ് ഗ്രൂപ്പിലൂടെ നടിയുടെ അശ്ലീല ചിത്രങ്ങള്‍ പ്രചരിപ്പിച്ചയാളെ അറസ്റ്റ് ചെയുകയും ചെയ്തു. ചിത്രങ്ങൾ മോർഫ് ചെയ്തതാണോ എന്നും സംശയമുണ്ട്. പാലക്കാട് സ്വദേശി കിരണ്‍ എന്നയാളാണ് പിടിയിലായത്. ചിത്രങ്ങള്‍ ഉപയോഗിച്ച്‌ ബ്ലാക്മെയില്‍ ചെയ്ത് പണം തട്ടുകയായിരുന്നു ലക്ഷ്യമെന്ന് പോലീസ് പറഞ്ഞു. സംഭവത്തില്‍ കൂടുതല്‍ അറസ്റ്റ് ഉണ്ടായേക്കും.