എണ്‍പതുകളില്‍ പ്രിയപ്പെട്ട നടിമാരില്‍ ഒരാളായിരുന്നു നടി നാദിയ മൊയ്തു. നോക്കെത്താദൂരത്ത് കണ്ണുംനട്ട് എന്ന ചിത്രത്തിലൂടെയാണ് നാദിയ മലയാളികളുടെ മനസിനെ കീഴടക്കിയത്.നിരവധി തെന്നിന്ത്യന്‍ ചിത്രങ്ങളില്‍ അഭിനയിച്ച താരം മുംബൈയിലാണ് താമസിക്കുന്നത്. സിനിമയില്‍ തിളങ്ങിനിന്ന കാലത്ത് സല്‍മാന്‍ ഖാന്റെ നായികയായി അഭിനയിക്കാന്‍ ക്ഷണം വന്നിരുന്നു. എന്നാല്‍ താരം അത് ഉപേക്ഷിക്കുകയായിരുന്നു.

നദിയയുടെ വാക്കുകള്‍:

കല്യാണം തീരുമാനിച്ച വേളയിലാണ് മേനെ പ്യാര്‍ കിയായിലേക്ക് വിളിവന്നത്. അതുകൊണ്ട് ആ ക്ഷണം സ്വീകരിച്ചില്ല. അതിനുമുമ്പും ഒന്നുരണ്ട് ഹിന്ദി പടങ്ങള്‍ വന്നിരുന്നു. പക്ഷേ, സൗത്തില്‍ ബിസിയായിരുന്നതിനാല്‍ സ്വീകരിക്കാനൊത്തില്ല. സൗത്തില്‍ എന്റെ ടേംസ് ആന്‍ഡ് കണ്ടീഷന്‍ അനുസരിച്ച് എനിക്ക് പടങ്ങള്‍ കിട്ടുന്നുണ്ടായിരുന്നു. അതൊക്കെ വിട്ട് എന്തിന് ഹിന്ദിയിലേക്ക് വരണം എന്നായിരുന്നു ചിന്ത. അതുകൊണ്ട് ഹിന്ദിയില്‍ വലിയ താത്പര്യമെടുത്തില്ല.

സല്‍മാനൊപ്പം അഭിനയിക്കാന്‍ സാധിച്ചില്ലല്ലോ എന്ന വിഷമം എനിക്കൊട്ടുമില്ല. അപ്പോള്‍ എനിക്കുതോന്നി വിവാഹമാണ് മുഖ്യമെന്ന്. എല്ലാറ്റിനും ഒരു സമയമുണ്ട്. ആ സമയത്തിനനുസരിച്ച് നമ്മളത് ചെയ്യണം. സമയം പോയിക്കഴിഞ്ഞാല്‍ അത് തിരിച്ചുകിട്ടില്ല. ജീവിതത്തില്‍ എല്ലാം കിട്ടുകയില്ല, കിട്ടുന്നതുവച്ച് നമ്മള്‍ സന്തോഷിക്കുകയാണ് വേണ്ടത്.

പുതിയ ചി്ത്രങ്ങള്‍ ഒന്നും കമിറ്റ് ചെയ്തിട്ടില്ല. ഒരു മലയാളം സിനിമയുടെ ചര്‍ച്ച നടന്നിരുന്നു. അന്തിമ തീരുമാനമായില്ല. സ്‌ക്രിപ്റ്റുകള്‍ വരുന്നവയില്‍ അധികവും എനിക്ക് കാര്യമായൊന്നും ചെയ്യാനില്ലാത്തവയാണ്. എന്റെ ഇന്നത്തെ പ്രായത്തിനനുസരിച്ച് റോളുള്ള നല്ല സ്‌ക്രിപ്റ്റ് വരാനും ബുദ്ധിമുട്ടാണ്.