ശ്രീകുമാര്‍മേനോനില്‍ വിശ്വാസമില്ല; എം.പത്മകുമാറിനെ ഒടിയന്റെ ലൊക്കേഷനിലിറക്കി
ഏറെ പ്രതീക്ഷയോടെ പ്രക്ഷകര്‍ കാത്തിരിക്കുന്ന മോഹന്‍ലാലിന്റെ ഒടിയന്റെ സംവിധായകന്‍ ശ്രീകുമാര്‍ മേനോനും നിര്‍മാതാവ് ആന്റണി പെരുമ്പാവൂരം ശീതസമരത്തില്‍. ഇതേ തുടര്‍ന്ന് പ്രശസ്ത സംവിധായകന്‍ എം. പത്മകുമാറിനെ നിര്‍മാതാവ് ലൊക്കേഷനിലെത്തിച്ചു.
പരസ്യചിത്ര സംവിധാനരംഗത്തെ പുലിയായ ശ്രീകുമാര്‍ മേനോന് ആദ്യമായി സംവിധാനം ചെയ്യുന്ന സിനിമയാണ് ഒടിയന്‍. മോഹന്‍ലാലിനെയും അമിതാഭ് ബച്ചനെയും ഉള്‍പ്പെടെ നിരവധി പ്രതിഭകളെ പരസ്യചിത്രങ്ങളിലൂടെ വിസ്മയിപ്പിച്ച ശ്രീകുമാര്‍ മേനോന് ബിഗ് സ്‌ക്രീന്‍ മേക്കിംഗില്‍ പതറുന്നെന്നാണ് മറ്റ് അണിയറപ്രവര്‍ത്തകരുടെ ആശങ്ക.
വാരണാസിയിലെ രണ്ട് ദിവസത്തെ സംഘട്ടന ചിത്രീകരണ ശേഷം തെങ്കാശിയിലെത്തിയപ്പോഴാണ് സംവിധായകന്റെ പൂച്ച് പുറത്തായതെന്ന് സെറ്റിലുള്ളവര്‍ അടക്കം പറയുന്നു. എന്നാല്‍ സിനിമാ ഷൂട്ടിംഗില്‍ വേണ്ടത്ര എക്‌സ്പീരിയന്‍സ് ഇല്ലാത്തതാണ് പ്രശ്‌നമെന്നും അല്ലാതെ വേറെ കാര്യങ്ങളൊന്നുമില്ലെന്നും സംവിധായകനുമായി അടുത്ത വൃത്തങ്ങള്‍ പറയുന്നു. ശ്രീകുമാറിന്റെ ടേക്കിംഗിസും മേക്കിംഗിലും സംശയമുള്ള മോഹന്‍ലാല്‍ ഇടപെട്ടാണ് പത്മകുമാറിനെ ലൊക്കേഷനിലെത്തിച്ചതെന്നും സിനിമാവൃത്തങ്ങള്‍ പറയുന്നു. പത്മകുമാറിനെ ചീഫ് അസോസിയേറ്റ് ഡയറക്ടര്‍ എന്ന നിലയില്‍ ശ്രീകുമാറിനെ സഹായിക്കാനാണ് വിളിച്ചുവരുത്തിയത്. എന്നാല്‍ നായകനും നിര്‍മാതാവും സംവിധായകനുമായല്ല പത്മകുമാറുമായാണ് ആശയവിനിമയം നടത്തുന്നത്. ഇത് ശ്രീകുമാര്‍ മേനോന് അത്ര ഇഷ്ടപ്പെടുന്നില്ല.
ശ്രീകുമാറില്‍ മോഹന്‍ലാലിലുള്ള വിശ്വാസക്കുറവ് രണ്ടാമൂഴം എന്ന ബിഗ് ബജറ്റ് സിനിമയേയും ബാധിക്കുമെന്ന് ഉറപ്പാണ്. ഒടിയന്‍ പോലൊരു സിനിമ ചെയ്യാന്‍ പാടുപെടുന്ന സംവിധായകന്‍ എങ്ങനെ ആയിരം കോടി മുതല്‍മുടക്കുള്ള, മൂവായിരത്തോളം ആര്‍ടിസ്റ്റുകള്‍ അഭിനയിക്കേണ്ട രണ്ടാമൂഴം കൈകാര്യം ചെയ്യും. ഏതാനും മിനുറ്റുകളോ, സെക്കന്‍ഡുകളോ നീണ്ടുനില്‍ക്കുന്ന പരസ്യങ്ങള്‍ ഒരുക്കുന്നത് പോലെയല്ല സിനിമ. അതിന് ഒരുപാട് പ്ലാനിംഗും അനുഭവ പരിചയവും വേണം. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിക്കുന്ന ചിത്രത്തില്‍ മഞ്ജുവാര്യരാണ് നായിക.
https://www.facebook.com/Malayalivartha
