എം.എല്.എ തല്ലിച്ചതച്ച മകനെയും മകനെ തല്ലുന്നത് കണ്ട് ഹൃദയം നുറുങ്ങിയ അമ്മയേയും കാര്യങ്ങള് പറഞ്ഞ് മനസിലാക്കി, പരാതി പിന്വലിപ്പിച്ച് കേരളാ പൊലീസ് വിപ്ലവം സൃഷ്ടിച്ചിരിക്കുകയാണെന്ന് ജോയിമാത്യു
കേസുകള് ഒതുക്കിത്തീര്ക്കാനും ഉന്നതരെ രക്ഷിക്കാനും കേരളാ പൊലീസ് നടത്തുന്ന ശ്രമങ്ങളെ പരിസഹസിച്ച് നടനും സംവിധായകനുമായ ജോയി മാത്യു രംഗത്തെത്തി. ഇത്തരം വിപ്ലവകരമായ അഴിച്ചുപണികളിലൂടെ കേരളാ പൊലീസും പൊലീസ് സ്റ്റേഷനുകളും ലോകത്തിന് തന്നെ മാതൃകയാണെന്നും അദ്ദേഹം സോഷ്യല് മീഡിയയിലൂടെ കളിയാക്കുന്നു. അദ്ദേഹം അംഗമായ അമ്മയുടെ വൈസ്പ്രസിഡന്റ് ഗണേഷ്കുമാറിനെതിരെ അഞ്ചല് സ്വദേശിയായ വീട്ടമ്മയും മകനും പരാതി നല്കിയത്.
ഫെയിസ്ബുക്ക് പോസ്റ്റ് പൂര്ണമായി വായിക്കാം...
അഴിച്ചുപണി എന്ന് പറഞ്ഞാല് ഇതാണ്, എത്രവേഗമാണ് എം എല് എ തല്ലിച്ചതച്ചെന്ന് പറഞ്ഞ മകനെയും കണ്മുന്നിലിട്ടു മകനെ തല്ലിയത് കണ്ടു ഹൃദയം നുറുങ്ങിയ ഒരമ്മയെയും കാര്യങ്ങള് പറഞ്ഞു മനസ്സിലാക്കിക്കാനും തെറ്റുകാരനെന്ന് ആരോപിക്കപ്പെട്ട പാവം എം എല് എ ക്കെതിയുള്ള പരാതി പിന്വലിക്കാനും അതിന് മകനെയും അമ്മയെയും പ്രേരിപ്പിക്കാനും മുന്കൈയെടുത്ത കേരളാ പോലീസിന്റെ മാതൃകാ പരമായ പ്രവര്ത്തനം ശ്ലാഘനീയം തന്നെ . ഉയര്ന്ന ഉദ്യോഗസ്ഥന്റെ മകളുടെ തല്ലുകൊണ്ടു എന്ന് പരാതിപ്പെട്ട പോലീസുകാരന്
ഗവാസ്കറുടെ കാര്യത്തിലും കേരളാ പോലീസ് ഇങ്ങിനെ ഉണര്ന്ന് പ്രവര്ത്തിക്കുമെന്ന് നമുക്ക് പ്രതീക്ഷിക്കാം
അതിനാല് ടി വിയിലും പത്രങ്ങളിലും വാവിട്ട് നിലവിളിച്ചു പരാതിപറയുന്ന അമ്മമാര്ക്കും തല്ലുകൊള്ളികളായ മക്കള്ക്കും 'നീതി കൊടുക്കൂ 'എന്ന് പറഞ്ഞ് പ്രതികരിക്കാന് ആരും മിനക്കെടേണ്ട, വെയ്സ്റ്റുകള്ക്കു വേണ്ടിയുള്ള വെയിസ്റ് ആണത് . പൊലീസിലെ വിപ്ലവകരമായ ഇത്തരം അഴിച്ചുപണിയിലൂടെയാണ് കേരളത്തിലെ പൊലീസ് സ്റ്റേഷനുകള് ലോകത്തിന് തന്നെ മാതൃകയാകുന്നത് .
https://www.facebook.com/Malayalivartha
