ആ ദിവസം എനിക്ക് മറക്കാന് കഴിയില്ല.... ഞാന് ഞെട്ടിപ്പോയി
പോണ് സിനിമാ ലോകത്തു നിന്നും ബോളിവുഡിലേക്ക് എത്തിയ താരമാണ് സണ്ണി ലിയോണ്. കുറച്ചു നാളുകള്ക്കുമുമ്പ് താരം കേരളത്തില് എത്തിയിരുന്നു. സണ്ണി കേരളത്തില് എത്തിയതിന്റെ സന്തോഷം ഓര്ത്തെടുക്കുകയാണ്. ഒരു മൊബൈല് ഷോപ്പ് ഉദ്ഘാടനത്തിനായിരുന്നു താരം കൊച്ചിയിലെത്തിയത്. ആരാധകര് വലിയ വരവേല്പ്പാണ് താരത്തിനു നല്കിയത്. കൊച്ചിയിലെ ഗതാഗതം സ്തംഭിപ്പിക്കുന്ന ജനക്കൂട്ടമായിരുന്നു സണ്ണിയെ കാണാന് കഴിഞ്ഞ ഓഗസ്റ്റില് കൊച്ചിയിലെത്തിയത്.
'ആ ദിവസം എനിക്ക് മറക്കാന് കഴിയില്ല. എന്നെക്കാണാനെത്തിയ ജനക്കൂട്ടം കണ്ട് കണ്ണു നിറഞ്ഞു പോയി. അത് തികച്ചും ഭ്രാന്തമായ ഒന്നായിരുന്നു, ഞാന് കൊച്ചിയിലെത്തിയത് സിനിമാ പ്രചാരണത്തിനോ ടെലിവിഷന് പ്രചാരണത്തിനോ ആയിരുന്നില്ല. ഒരു ഇലക്ട്രോണിക് മൊബൈല് ഷോപ്പിന്റെ ഉദ്ഘാടനത്തിനായിരുന്നു.
ഒരു സാധാരണ പരിപാടിയായിരിക്കുമെന്നാണ് ഞാന് കരുതിയത്. കൊച്ചിയില് പോകുന്നതില് സന്തോഷമായിരുന്നു. എന്റെ കാറിനു ചുറ്റും തിങ്ങിക്കൂടി നില്ക്കുന്ന ആളുകളെയാണ് ഞാനാദ്യം ശ്രദ്ധിച്ചത്. പിന്നെ ആളുകള് കൂടിക്കൂടി വന്നു. പരിപാടി നടക്കുന്ന സ്ഥലത്ത് ചെറിയൊരു സ്റ്റേജായിരുന്നു.
അതില് കയറി നിന്നപ്പോള് എനിക്കു വിശ്വസിക്കാനായില്ല. എന്റെ ദൈവമേ എന്തൊരു ജനക്കൂട്ടമായിരുന്നു, എന്റെ ശ്വാസം നിലച്ച പോലെയായി. എനിക്ക് കരയാന് തോന്നി. എന്തൊരു ഊര്ജ്ജമായിരുന്നു അത്.
എനിക്കു ചുറ്റും ഒരുപാട് ആളുകള്. അവര് എനിക്കുവേണ്ടി ആര്പ്പുവിളിക്കുന്നു.' ഉദ്ഘാടന ചടങ്ങ് കഴിഞ്ഞ് തിരികെ കാറിലെത്തിയ താന് സോഷ്യല് മീഡിയയിലൂടെയാണ് ഈ ജനക്കൂട്ടത്തിന്റെ വലിപ്പം മനസിലാക്കിയത്. പരിപാടിയുടെ ആകാശച്ചിത്രം കണ്ടപ്പോള് അക്ഷരാര്ത്ഥത്തില് ഞെട്ടിപ്പോയെന്നും സണ്ണി ലിയോണ് കൂട്ടിച്ചേര്ത്തു.
https://www.facebook.com/Malayalivartha