സിനിമാ ലോകത്തെ ഞെട്ടിപ്പിക്കുന്ന വെളിപ്പെടുത്തലുമായി ആഷ് ലി ജൂഡ്
മീ ടു ക്യാംപെയ്നിലൂടെ ചലച്ചിത്ര ലോകത്തെ ലൈംഗികാതിക്രമങ്ങളുമായി ബന്ധപ്പെട്ട് നിരവധി കഥകളായിരുന്നു പുറം ലോകത്ത് എത്തിയത്. അത് പലതും ഞെട്ടിപ്പിക്കുന്നതായിരുന്നു. ഹോളിവുഡിലെ മിടു ക്യാപെയ്ന് ഇന്ത്യന് സിനിമയിലും ചില ചലനങ്ങള് സൃഷ്ടിച്ചിരുന്നു.
ബോളിവുഡില് നിന്നും തെന്നിന്ത്യന് സിനിമ ലോകത്തില് നിന്നും നിരവധി ഞെട്ടിപ്പിക്കുന്ന കഥകളായിരുന്നു താരങ്ങള് പുറത്ത് വിട്ടത്. പ്രേക്ഷകരുടെ ആരാധന മൂര്ത്തികള്ക്ക് നേരെയായിരുന്നു നടിമാര് വിരല് ചൂണ്ടിയത്. ഇപ്പോഴിത പുതിയ വെളിപ്പെടുത്തലുമായി ഹോളിവുഡ് നടി ആഷ് ലി ജൂഡ് രംഗത്തെത്തിയിട്ടുണ്ട്. മി ടു ക്യാപെയ്നിന്റെ മുന്നിര പോരാളി കൂടിയാണ് നടി ആഷ് ലി.
മി ടു ക്യാപെയ്നു ശേഷം പുതിയ വെളിപ്പെടുത്തലുമായി ആഷ് ലി രംഗത്തെത്തിയിരിക്കുകയാണ്. താരത്തിന് ബാല്യ കാലത്തില് തന്നെ മോശമായ അനുഭവങ്ങള് നേരിടേണ്ടി വന്നിരുന്നു. എന്നാല് അത് വളരെ വൈകിയായിരുന്നു താരം പുറലോകത്തിനു മുന്നില് എത്തിച്ചത്. തനിയ്ക്കുണ്ടായ മോശനുഭവത്തെ കുറിച്ച് നടി വെളിപ്പെടുത്തിയപ്പോള് എന്ത് കൊണ്ട് വൈകി പോയി എന്നുള്ള ചോദ്യം ഉയര്ന്നിരുന്നു. എന്നാല് ആ ഉയര്ന്ന ചോദ്യത്തിനുളള മറുപടിയുമായിട്ടാണ് ആഷ് ലി രംഗത്തെത്തിയിരിക്കുകയാണ്.'' വൈ ഐ ഡിസിന്റേ റിപ്പോര്ട്ട്'' എന്ന ഹാഷ്ടാഗിലൂടെയായിരുന്നു താരത്തിന്റെ വെളിപ്പെടുത്തല്.
ഏഴാം വയസ്സിലാണ് തനിയ്ക്ക് ആദ്യമായി പീഡനാനുഭവം ഉണ്ടായത്. എന്നാല് താന് ഈ സംഭവം ഒരു മുതിര്ന്ന് ആളുമായി പങ്കുവെയ്ക്കുകയും ചെയ്തിരുന്നു. തനിയ്ക്ക് വളരെ തണുത്ത പ്രതികരണമായിരുന്നു ലഭിച്ചത്. ഒ ആയാള് വളരെ നല്ല മനുഷ്യനാണെന്നും അദ്ദേഹം ഇങ്ങനെയൊന്നും ഉദ്യേശിച്ചിട്ടുണ്ടാകില്ലെന്നും അവര് തന്നോട് പറഞ്ഞിരുന്നു.
പതിനഞ്ചാം വയസ്സിലും ഇത്തരത്തിലുളള ഒരു അനുഭവം തനിയ്ക്ക് വീണ്ടും ഉണ്ടായിരുന്നു . എന്നാല് 7ാം വയസ്സില് തനിയ്ക്ക് ലഭിച്ച് നെഗറ്റീവ് അനുഭവം കാരണം ഇക്കാര്യം മൂടി വയ്ക്കുകയായിരുന്നു. 15ാം വയസ്സില് പീഡനത്തിനിരയായപ്പോള് അത് താന് ഡയറിയില് മാത്രം ഒതുക്കി നിര്ത്തുകയായിരുന്നു. എന്നാല് ഈ ഡയറി വായിച്ച് ഒരാള് അന്ന് പറഞ്ഞത് ഞാന് മുതിര്ന്ന് ഒരാളുമായി സെക്സ് ചെയ്യുകയായിരുന്നു എന്നായിരുന്നുആഷ് ലി ട്വിറ്ററില് കുറിച്ചു.
https://www.facebook.com/Malayalivartha