കമലാഹാസന്‍ ടിപ്പൂസുല്‍ത്താനാകുന്നു. ചരിത്ര കഥാപാത്രങ്ങളെ അവതരിപ്പിക്കുന്നത് ഉലകനായകന് വലിയ ഇഷ്ടമാണ്. കമല്‍ തന്നെയായിരിക്കും ചിത്രം സംവിധാനം ചെയ്യുക. ഓസ്‌ട്രേലിയയിലായിരിക്കും ചിത്രീകരണം. ടിപ്പു സുല്‍ത്താന്റെ ജീവിതത്തിലെ വിവിധ മുഹൂര്‍ത്തങ്ങളിലൂടെ സിനിമ കടന്നു പോകും. ചിത്രത്തിന്റെ പ്രാരംഭ ചര്‍ച്ചകള്‍ ചെന്നൈയില്‍ പുരോഗമിക്കുന്നു. ടിപ്പുവിനെ കുറിച്ചുള്ള പുസ്തകങ്ങളും ചരിത്രരേഖകളും ഇതിനായി ശേഖരിക്കുന്നുണ്ട്.
ഉത്തമ വില്ലന്‍, പാപനാശം, വിശ്വരൂപം 2 എന്നിവയ്ക്കു ശേഷമായിരിക്കും ടിപ്പു സുല്‍ത്താനായി കമല്‍ എത്തുക. ചരിത്ര കഥാപാത്രങ്ങളെ വെള്ളിത്തിരയില്‍ എത്തിക്കാന്‍ കമല്‍ എപ്പോഴും ആവേശം കാണിക്കാറുണ്ട്. 18ാം നൂറ്റാണ്ടിലെ രാജാവ് മുഹമ്മദ് യൂസഫ് ഖാന്റെ ജീവിതം പ്രമേയമാക്കി മരുതനായകം എന്ന ചിത്രം കമല്‍ തുടങ്ങിയിരുന്നു. വിവിധ കാരണങ്ങളാല്‍ ചിത്രത്തിന്റെ ഷൂട്ടിങ് മുടങ്ങി കിടക്കുകയാണ്. 1997ലാണ് മരുതനായകത്തിന്റെ ഷൂട്ടിങ് ആരംഭിച്ചത്. എപ്പോള്‍ വേണമെങ്കിലും മരുതനായകത്തിന്റെ ചിത്രീകരണം പുനരാരംഭിക്കുമെന്ന് കമല്‍ കഴിഞ്ഞ ദിവസം പറഞ്ഞിരുന്നു.
ഹിന്ദി, തമിഴ്, തെലുങ്ക്, കന്നഡ ഭാഷകളില്‍ ടിപ്പു സുല്‍ത്താന്‍ ഒരുക്കുമെന്നാണു സൂചന.ഓസ്‌കാര്‍ ജേതാക്കളായ എ.ആര്‍ റഹ്മാനും റസൂല്‍ പൂക്കുട്ടിയും ഈ ചിത്രത്തിന് വേണ്ടി പ്രവര്‍ത്തിക്കും. മൈസൂരില്‍ നിന്ന് പടനയിച്ച് കേരളത്തിലെത്തിയ ടിപ്പുവിന്റെ കഥ കേരളത്തിലും ചിത്രീകരിക്കും. ചിത്രം ഇംഗ്ലീഷിലുംഎടുക്കും. ലോകമെമ്പാടും റിലീസ് ചെയ്യിക്കാനാണ് ഉദ്ദേശിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha