16-ാം വയസ്സില്‍ പീഡനത്തിനിരയായി, അന്നു തന്നെ കേസും കൊടുത്തു: റാണി മുഖര്‍ജിക്ക് കങ്കണയുടെ മറുപടി
മീ ടൂ അടക്കമുള്ള വിഷയങ്ങള്‍ കത്തി നില്‍ക്കുന്ന ബോളിവുഡില്‍ ശ്രദ്ധേയമായ വെളിപ്പെടുത്തലുകളുമായി കങ്കണ റണാവത്. ലൈംഗികാതിക്രമത്തിനെതിരെ 16-ാം വയസ്സില്‍ എഫ്‌ഐആര്‍ ഫയല്‍ ചെയ്ത ആളാണ് താനെന്ന് കങ്കണ. തന്റെ ഏറ്റവും പുതിയ ചിത്രം മണികര്‍ണികയുടെ പ്രമോഷന്‍ പരിപാടികള്‍ക്കിടയില്‍ മാധ്യമങ്ങളോട് സംസാരിക്കുകയായിരുന്നു താരം.
''സമൂഹത്തിന്റെ പിന്തുണ വേണ്ട ആളുകള്‍ക്കും ശാക്തീകരിക്കപ്പെടേണ്ടവര്‍ക്കും തീര്‍ച്ചയായും അതു നല്‍കണം. സമൂഹത്തില്‍ ശക്തരായ സ്ത്രീകളുണ്ടെങ്കില്‍ അവരെ ഒരിക്കലും നിരുല്‍സാഹപ്പെടുത്തരുത്. ലൈംഗികാതിക്രമത്തിനെതിരെ 16-ാം വയസ്സില്‍ എഫ്‌ഐആര്‍ ഫയല്‍ ചെയ്ത ആളാണ് ഞാന്‍. ആളുകള്‍ അവരവര്‍ക്കുവേണ്ടി നിലകൊള്ളുമ്പോള്‍ അവരെ ഒരിക്കലും നിരുല്‍സാഹപ്പെടുത്തരുത്.' - കങ്കണ പറഞ്ഞു.
പോയ വര്‍ഷം സിനിമാ ലോകം ഏറ്റവും കൂടുതല്‍ ചര്‍ച്ച ചെയ്തത് 'മീ ടൂ'വെളിപ്പെടുത്തലുകളെ കുറിച്ചാണ്. നടി തനുശ്രീ ദത്തയാണ് ഇത്തരം ഒരു വെളിപ്പെടുത്തല്‍ തുടങ്ങിവെച്ചത്. എന്നാല്‍ പിന്നീട അങ്ങോട്ട് സിനിമ ലോകം ഒന്നടങ്കം ഈ ക്യാമ്പയിന്‍ ഏറ്റെടുക്കുകയായിരുന്നു.മി ടൂ മൂവ്‌മെന്റിനെ കുറിച്ചു റാണി മുഖര്‍ജി നടത്തിയ ഒരു പരാമര്‍ശം വലിയ വിവാദം ഉണ്ടാക്കിയിരുന്നു, കങ്കണ, ദീപിക അടങ്ങുന്ന താരങ്ങള്‍ തന്നെ റാണിക്കെതിരെ രംഗത്ത് വന്നു.
ഒരു നടത്തിയ ചര്‍ച്ചയില്‍ റാണി മുഖര്‍ജി, ദീപിക പദുകോണ്‍, ആലിയ ഭട്ട്, അനുഷ്‌ക ശര്‍മ്മ, തബു തുടങ്ങിയവരും പങ്കെടുത്തിരുന്നു.
ജോലിസ്ഥലവും പേടിക്കേണ്ട ഇടമായി മാറിയിരിക്കുന്നു. വീട് കഴിഞ്ഞാല്‍ ജോലി ചെയ്യുന്ന ഇടമാണ് സുരക്ഷിത സ്ഥലമാവേണ്ടത്. എന്നാല്‍ അവിടെയും ഭയം തോന്നുന്നു എന്നതാണ് യഥാര്‍ഥ്യമെന്ന അനുഷ്‌കയുടെ പ്രസ്താവനക്ക് മറുപടിയായ് ആണ് റാണി മുഖര്‍ജിയുടെ നിലപാട് വ്യക്തമാക്കിയത്. സ്ത്രീകള്‍ ശക്തരാകണം. ഇത്തരം സന്ദര്‍ഭങ്ങളില്‍ പ്രതികരിക്കാന്‍ സ്ത്രീകള്‍ക്കാവണം. സ്ത്രീകള്‍ തന്നെ അവരെ സംരക്ഷിക്കണമെന്നുമായിരുന്നു റാണിയുടെ മറുപടി. ഇതിനെ എതിര്‍ത്ത് ദീപിക പദുകോണ്‍ രംഗത്തെത്തി എല്ലാ സ്ത്രീകള്‍ക്കും അത്തരം ഡി.എന്‍.എ ഉണ്ടെന്ന് കരുതുന്നില്ലെന്ന് ദീപിക പറഞ്ഞു. എന്നാല്‍ സ്‌കൂളുകളില്‍ ആയോധനകലകള്‍ പഠിപ്പിക്കണമെന്നും പെണ്‍കുട്ടികള്‍ തന്നെ അവരുടെ ഉത്തരവാദിത്തം ഏറ്റെടുക്കണമെന്നുമായിരുന്നു റാണിയുടെ മറുപടി. എന്നാല്‍ ദീപികയും അനുഷ്‌കയും ഈ നിലപാടിനെ എതിര്‍ത്തു. സമൂഹ മാധ്യമങ്ങള്‍ ഈ ചര്‍ച്ച ഏറ്റെടുത്തതിനെ തുടര്‍ന്ന് നിരവധി വിമര്‍ശനങ്ങളാണ് റാണിക്ക് എതിരെ വരുന്നത്.
നിര്‍ഭയമായ നിലപാടുകൊണ്ടും തുറന്നു പറച്ചില്‍ കൊണ്ടും ശ്രദ്ധേയയായ കങ്കണയുടെ ഏറ്റവും പുതിയ ചിത്രം മണികര്‍ണികയുടെ ട്രെയിലറിന് വമ്പന്‍ സ്വീകരണം ആണ് ലഭിച്ചത്. മണികര്‍ണ്ണിക ദ ക്വീന്‍ ഓഫ് ഝാന്‍സി ജനുവരി 26 റിപ്പബ്ലിക് ദിനത്തില്‍ തിയേറ്ററുകളിലെത്തുമെന്നാണ് റിപോര്‍ട്ടുകള്‍. ക്രിഷ് സംവിധാനം ചെയ്തിരിക്കുന്ന ഈ ചിത്രം സീ സ്റ്റുഡിയോസും കമല്‍ ജെയിനും ചേര്‍ന്നാണ് നിര്‍മ്മിച്ചിരിക്കുന്നത്.
https://www.facebook.com/Malayalivartha
