കേരളത്തിൽ സിക്സ് പാക്കുമായെത്തി ഹോട്ടലുകളിൽ നിന്ന് ആവോളം പൊറോട്ടയും, ഐസ് ക്രീമും, വേഫിലും, ഓള്ഡ് മങ്ക്, ബിയറും അകത്താക്കി, കുടവയറുമായി തിരികെ പോകേണ്ട ഗതികേടിൽ നടൻ സുദേവ്
ഫിറ്റ്നസ്സിനു വേണ്ടി എന്തും ചെയ്യാറുള്ള സുദേവിന് എന്ത് പറ്റി എന്നാണ് ഏറ്റവും പുതിയ ചിത്രങ്ങൾ കാണുന്ന ആരാധകരുടെ ചോദ്യം. കഷ്ടപ്പെട്ട് വ്യായാമം ചെയ്യുന്ന, സിക്സ് പാക്കിൽ നെഞ്ച് വിരിച്ചു നിൽക്കുന്ന സുദേവ് നായരാണ് സോഷ്യൽ മീഡിയകളിലെ സ്ഥിരം താരം. സുദേവന്റെ ഈ ഫിറ്റ്നസ് തന്നെയാണ് മലയാള സിനിമയിലെ കായിക വേഷങ്ങൾക്കെല്ലാം ഈ മുംബൈ മലയാളിയെ കാസ്റ്റ് ചെയ്യാൻ നിർമ്മാതാക്കളെ പ്രേരിപ്പിക്കുന്നതും. പക്ഷെ ആ സിക്സ് പാക്ക് ഉണ്ടായിരുന്നിടത്ത് കുടവയറുമായി നിൽക്കുന്ന സുദേവന്റെ ചിത്രങ്ങൾ കണ്ട ആരാധകർ ഞെട്ടിയിരിക്കുകയാണ്.
സിക്സ് പാക്ക് പോയിട്ടും ഒരു പാക്ക് പോലും താരത്തിന് ഇപ്പോള് ഇല്ല. വണ്ണം വെച്ച് കുട വയര് ചാടിയ അവസ്ഥയിലാണ്. ഫിറ്റ്നസ്സിനു വേണ്ടി എന്ത് കഷ്ടപ്പാടും സാഹിക്കുന്ന താരത്തിന് ഇതെന്തു പറ്റിയെന്നാണ് ആരാധകര് ചോദിക്കുന്നത്. പുതിയ സിനിമയ്ക്ക് വേണ്ടിയാണോ ഈ രൂപമാറ്റമെന്നാണ് ആരാധകര് ചോദിക്കുന്നത്. എന്നാല് സംഭവം താരം തന്നെ തുറന്നു പറഞ്ഞിട്ടുണ്ട്. കുറച്ചു ദിവസമായി കേരളത്തില് വന്നു പൊറോട്ടയും, ഐസ് ക്രീമും, വേഫിലും, ഓള്ഡ് മങ്ക്, ബിയര് എന്നിവയൊക്കെ ആസ്വദിച്ചതിന്റെ ഫലമാണീ കാണുന്നത്- സുദേവ് ചിത്രത്തിനോടൊപ്പം കുറിച്ചു.
സുദേവ് തന്നെയാണ് തന്റെ ഫേസ്ബുക്ക് പേജിലൂടെ പുതിയ ഗെറ്റപ്പ് പുറത്ത് വിട്ടിരിക്കുന്നത്. അടുത്തിറങ്ങിയ ഫഹദ് ഫാസിൽ ചിത്രം അതിരനിൽ സുദേവ് ഒരു പ്രധാന കഥാപാത്രമായെത്തിയിരുന്നു. ആദ്യ ചിത്രത്തിൽ തന്നെ മികച്ച നടനുള്ള സംസ്ഥാന അവാർഡ് നേടിയ വ്യക്തിയാണ് സുദേവ്.
https://www.facebook.com/Malayalivartha