ആദ്യമായി ട്രാന്‍സ് വേഷത്തില്‍ അമിതാഭ് ബച്ചന്‍
തെന്നിന്ത്യയില്‍ തന്നെ കോളിളക്കം സൃഷ്ടിച്ച കാഞ്ചന ഹിന്ദിയിലേക്ക് റീമേക്ക് ചെയ്യാനൊരുങ്ങുകയാണ് അഭിനേതാവും സംവിധായകനുമായ രാഘവ ലോറന്‍സ്. കാഞ്ചനയില്‍ ഏറ്റവും മികച്ച പ്രകടനം നടത്തി കയ്യടി നേടിയത് ശരത്കുമാര്‍ അവതരിപ്പിച്ച ട്രാന്‍സ് കഥാപാത്രമായിരുന്നു.
ഹിന്ദി പതിപ്പില്‍ ആ കഥാപാത്രം അവതരിപ്പിക്കുന്നത് അമിതാഭ് ബച്ചനാണെന്നാണ് ഇപ്പോള്‍ പുറത്ത് വരുന്ന വാര്‍ത്തകള്‍. അങ്ങനെയാണെങ്കില്‍ അഞ്ച് പതിറ്റാണ്ട് പിന്നിട്ട സിനിമാ ജീവിതത്തിനിടെ ആദ്യമായാകും അമിതാഭ് ബച്ചന്‍ ട്രാന്‍സ്‌ജെന്‍ഡര്‍ വേഷത്തില്‍ പ്രത്യക്ഷപ്പെടുക.
രാഘവേന്ദ്ര ലോറന്‍സ് തന്നെ സംവിധാനം ചെയ്യുന്ന ചിത്രത്തില്‍ അക്ഷയ് കുമാറാണ് നായകന്‍. ലക്ഷ്മി ബോംബ് എന്ന ടൈറ്റിലില്‍ പുറത്തിറങ്ങുന്ന ചിത്രത്തില്‍ കൈറ അദ്വാനിയാണ് നായിക. സംവിധായകനും എഴുത്തുകാരനുമായ ഫര്‍ഹാദ് സാംജിയാണ് കാഞ്ചന റീമേക്കിന് തിരക്കഥയൊരുക്കിയിരിക്കുന്നത്.
https://www.facebook.com/Malayalivartha
