ഭാവിവരനെക്കുറിച്ചുള്ള സങ്കല്‍പ്പത്തെക്കുറിച്ച് തുറന്നു പറയുകയാണ് രജിഷ വിജയന്‍. ഒരു മാധ്യമത്തിന് നല്‍കിയ അഭിമുഖത്തിലായിരുന്നു താരത്തിന്റെ വെളിപ്പെടുത്തല്‍. പാട്ട് പാടാന്‍ കഴിവുള്ളയാളായിരിക്കണം, ഗിറ്റാര്‍ വായിക്കണം, ലുക്കുള്ള താടി വേണം, തന്നേക്കാളും പൊക്കം വേണമെന്നും താരം പറയുന്നു.

പല കാര്യങ്ങളും പറയുന്നതിനിടയില്‍ തനിക്കോ ഇല്ല, ആള്‍ക്കെങ്കിലും വേണം ഇതൊക്കെയെന്നും രജിഷ പറയുന്നു. നല്ലൊരു വ്യക്തിത്വമുണ്ടായിരിക്കണം, കെട്ടാന്‍ പോവുന്നവന്‍ അത്യാവശ്യം സുന്ദരനായിരിക്കണമെന്ന മോഹം ചെറുപ്പം മുതലേയുണ്ടെന്നും രജിഷ പറയുന്നു.

ദുല്‍ഖറിന്റത്ര മതിയോ അതോ ഹൃത്വിക് വേണോയെന്ന് ചോദിച്ചപ്പോള്‍ അത്രയും താങ്ങൂലെന്നായിരുന്നു താരത്തിന്‍രെ മറുപടി. പ്രോപ്പര്‍ മലയാളി ചെറുക്കന്‍, മുണ്ടും ഷര്‍ട്ടൊക്കെ ഇട്ട് വന്നാല്‍ ആരും നോക്കിപ്പോവുന്ന തരത്തിലൊരാള്‍. അവതാരക ലാലേട്ടനെന്ന് ചോദിച്ചപ്പോള്‍ ആ അതേ പോലെയെന്നായിരുന്നു രജിഷയുടെ മറുപടി.