ബോളിവുഡിന്റെ സ്വന്തം താരസുന്ദരിയാണ് കത്രീന കെയ്ഫ്. സൗന്ദര്യത്തിന്റെ കാര്യത്തിലും ആരോഗ്യകാര്യത്തിലും ഏറെ ശ്രദ്ധിക്കുന്ന താരമാണ് കത്രീന. താരത്തിന്റെ ഇന്‍സ്റ്റഗ്രാം പോസ്റ്റുകള്‍ മിക്കതും വര്‍ക്കൗട്ട് സമയത്തെ ചിത്രങ്ങളും ദൃശ്യങ്ങളുമെല്ലാമായിരിക്കും. സൗന്ദര്യവും കരുത്തും വ്യക്തമാകുന്ന പെഫെക്ട് ബോഡിക്ക് പിന്നിലെ രഹസ്യം എന്താണ് എന്ന് പലരും താരത്തോട് ചോദിച്ചിട്ടുണ്ട്.

അതിന് ഒറ്റ ഉത്തരം മാത്രമാണ് താരത്തിന് പറയാനുള്ളത് 'കഠിനാധ്വാനം'. ആഴ്ചയില്‍ ആറ് ദിവസവും വ്യായാമത്തിനും യോഗക്കും കൃത്യമായി സമയം കാണ്ടെത്തുന്നയാളാണ് കത്രീന. കുറഞ്ഞത് 45 മിനിട്ടെങ്കിലും ഓരോദിവസവും കത്രീന വര്‍ക്കൗട്ട് ചെയ്യും. എത്ര തിരക്കുണ്ടെങ്കിലും അതില്‍ മാറ്റം വരുത്താറില്ല.
സ്‌ട്രെങ്ത് ട്രെയിനിംഗ് ആണ് താരം പ്രധാനമായും ചെയ്യാറുള്ളത്. ശരീരത്തിന്റെ മെറ്റബോളിസം വര്‍ധിപ്പിക്കാനും എല്ലുകളുടെ ആരോഗ്യത്തിനും ഇത് സഹയിക്കുമത്രേ. ശരീരത്തിന്റെ ഫ്‌ലക്‌സിബിലിറ്റി വര്‍ധിപ്പിക്കുന്ന പൈലറ്റ്‌സ് വ്യായാമവും താരത്തിന് ഏറെ ഇഷ്ടമാണ്. ഇതുകൂടാതെ കോംപാറ്റ് ട്രെയിനിങ്, ഡാന്‍സ് എന്നിവയെല്ലാം വ്യായാമത്തിന്റെ ഭാഗം തന്നെ.
ധൂം 3 ഉള്‍പ്പടെയുള്ള ചിത്രങ്ങളില്‍ സ്റ്റണ്ട് സീനികളില്‍ അഭിനയിക്കാന്‍ കോംപാറ്റ് ട്രെയിനിംഗ് ഏറെ സഹായിച്ചു. സ്‌ട്രെസ് നിയന്ത്രിക്കാനാണ് യോഗ ചെയ്യന്‍ തുടങ്ങിയത്. ഇത് വലിയ ഫലം നല്‍കി. ഡാന്‍സ് മനസിന് സന്തോഷം നല്‍കുന്നതിനും, ശരീരഭാരം കുറക്കുന്നതിനും എല്ലാം ഡാന്‍സ് സഹായിക്കുന്നുണ്ട് എന്ന് താരം പറയുന്നു.