എന്റെ ജീവിതത്തിലെ മറക്കാനാവാത്ത ഒരേടായിരുന്നു ആ ഷോ... തന്നെ പൂര്ണമായും ഒരു മലയാളിയാക്കിയത് അതായിരുന്നു; മനസ് തുറന്ന് രഞ്ജിനി ഹരിദാസ്
തന്നെ കേരളത്തിലേക്ക് തിരിച്ചുകൊണ്ടുവന്നത് സ്റ്റാര് സിങ്ങറാണെന്ന് രഞ്ജിനി പറയുന്നു. താന് കേരളത്തിന് പുറത്തു തന്നെയായിരുന്നു. അത് എന്റെ ഭാഷയെയും കാര്യമയി ബാധിച്ചിരുന്നു. തന്റെ വരവ് തനിക്കും മലയാളികള്ക്കും ഒരു കള്ച്ചറല് ഷോക്കായിരുന്നു. സ്റ്റാര് സിങ്ങര് എന്റെ ജീവിതത്തിലെ മറക്കാനാവാത്ത ഒരേടാണ്. തന്നെ പൂര്ണമായും ഒരു മലയാളിയാക്കിയത് അതായിരുന്നെന്നും താരം പറയുന്നു. അന്ന് ആദ്യത്തെ ഷെഡ്യൂള് കഴിഞ്ഞപ്പോള് തന്റെ പ്രസന്റേഷന് സ്റ്റൈല് മാറ്റണമെന്ന് പ്രാഡ്യൂസര് ആവശ്യപ്പെട്ടു. അന്ന് മലയാളത്തിലെ പ്രയോഗങ്ങള് പഠിച്ചത് ഇന്നും ഓര്ക്കുന്നതായും രഞ്ജിനി പറഞ്ഞു. സ്റ്റാര് സിങ്ങറിന് ശേഷം നിരവധി റിയാലിറ്റി ഷോകളില് ആങ്കറായി എത്തിയ രഞ്ജിനി ഇന്നും സജീവമാണ്. അവതാരക, അഭിനേത്രി, മോഡല് എന്നിങ്ങനെ വിവിധ മേഖലകളില് തിളങ്ങിയ വ്യക്തിയാണ് രഞ്ജിനി ഹരിദാസ്. ഏഷ്യാനെറ്റില് സപ്രേഷണം ചെയ്തിരുന്ന സ്റ്റാര് സിങ്ങര് എന്ന റിയാലിറ്റി ഷോയിലൂടെയാണ് രഞ്ജിനി യഥാര്ത്ഥത്തില് മലയാളികളിലേക്ക് വേരുറപ്പിച്ചത്.
https://www.facebook.com/Malayalivartha
