ഷെയ്ന് നിഗത്തിനെ സംവിധായകര്ക്കും നിര്മ്മാതാക്കള്ക്കും ബാധ്യതയുണ്ട്; ഫെഫ്കയ്ക്ക് ഡയറക്ടേഴ്സ് യൂണിയന്റെ കത്ത്
നടന് ഷെയ്ന് നിഗത്തിന് നിര്മ്മാതാക്കളുടെ സംഘടന സിനിമയില് നിന്നും വിലക്ക് ഏര്പ്പെടുത്തിയ സംഭവത്തില് ഇടപെട്ട് ഡയറക്ടേഴ്സ് യൂണിയന്. ഷെയ്ന് നിഗത്തിന്റെ ഭാഗത്തുനിന്ന് മര്യാദകേടുണ്ടായിട്ടുണ്ട്. നടനെ തിരുത്താന് സംവിധായകര്ക്കും നിര്മ്മാതാക്കള്ക്കും ബാധ്യതയുണ്ട്. അതിനുളള അവസരം നല്കണമെന്നും ഡയറക്ടേഴ്സ് യൂണിയന് ആവശ്യപ്പെടുന്നു. വിഷയത്തില് സമവായ ചര്ച്ചകള് വേണമെന്നാവശ്യപ്പെട്ട് ഫെഫ്കയും കത്തുനല്കും. നിര്മ്മാതാക്കളുടെ സംഘടന ഉപേക്ഷിക്കുമെന്ന് പറഞ്ഞ രണ്ട് സിനിമകളും (കുര്ബാനി, വെയില്) പൂര്ത്തിയാക്കണമെന്നും ചിത്രങ്ങള് ഉപേക്ഷിക്കാനുള്ള തീരുമാനം പിന്വലിക്കണമെന്നും ആവശ്യപ്പെട്ടാണ് ഡയറക്ടേഴ്സ് യൂണിയന് ഫെഫ്ക്കയ്ക്ക് കത്ത് നല്കും. സിനിമാ അഭിനേതാക്കളുടെ സംഘടനയായ അമ്മയ്ക്കും പ്രോഡ്യൂസേഴ്സ് അസോസിയേഷനുമാകും ഫെഫ്ക കത്ത് നല്കുക. ഇക്കാര്യത്തില് ഈ മാസം 5ന് സമവായ ചര്ച്ചകള് നടത്തുന്നതും പരിഗണനയിലുണ്ട്. അമ്മ പ്രതിനിധികള് ആദ്യം ഷെയ്നുമായി പ്രാഥമിക ചര്ച്ച നടത്തും. ഇതിനുശേഷമാകും മറ്റ് സംഘടനകളുമായുളള ഒത്തുതീര്പ്പ് ചര്ച്ചയെന്നാണ് വിവരം.
https://www.facebook.com/Malayalivartha
