നടി മഞ്ജുവാര്യരുടെ പരാതിയില് ശ്രീകുമാര് മേനോനെ ചോദ്യം ചെയ്യുന്നു
നടി മഞ്ജുവാര്യരുടെ പരാതിയില് സംവിധായകന് ശ്രീകുമാര് മേനോനെ തൃശ്ശൂര് പൊലീസ് ക്ലബില് ചോദ്യം ചെയ്യുന്നു. വൈകിട്ട് നാല് മണിക്കാണ് ശ്രീകുമാര് മേനോനെ പൊലീസ് ക്ലബില് എത്തിച്ചത്. ശ്രീകുമാര് മേനോന് തന്നെ നിരന്തരം ഭീഷണിപ്പെടുത്തുന്നതായും അപായപ്പെടുത്താന് ശ്രമിക്കുമോയെന്ന് ഭയമുണ്ടെന്നുമായിരുന്നു മഞ്ജുവിന്റെ പരാതി. സ്ത്രീകളെ അപമാനിക്കുക, സമൂഹമാധ്യമങ്ങളിലൂടെ അപകീര്ത്തിപ്പെടുത്തുക തുടങ്ങിയ വകുപ്പുകള് അനുസരിച്ചാണ് ശ്രീകുമാര് മേനോനെതിരെ കേസെടുത്തത്. ഔദ്യോഗിക ആവശ്യങ്ങള്ക്കായി താന് ശ്രീകുമാര് മേനോന് കൈമാറിയ ലെറ്റര് ഹെഡും രേഖകളും ദുരുപയോഗം ചെയ്യാന് സാധ്യതയുണ്ടെന്നും പരാതിയിലുണ്ട്. സംഭവവുമായി ബന്ധപ്പെട്ട് ചാവക്കാട് മജിസ്ട്രേറ്റ് കോടതിയില് മഞ്ജു വാര്യരുടെ രഹസ്യമൊഴി രേഖപ്പെടുത്തിയിരുന്നു. ഒടിയന് സിനിമയുടെ സെറ്റില് കേക്ക് മുറിക്കുന്നതിനിടെ ശ്രീകുമാര് മേനോന് കയര്ത്തു സംസാരിക്കുകയും മോശമായി പെരുമാറുകയും ചെയ്തുവെന്ന പരാതിയില് നിര്മാതാവ് ആന്റണി പെരുമ്ബാവൂര്, പ്രൊഡക്?ഷന് കണ്ട്രോളര് സജി സി. ജോസഫ്, ഫാന്സ് അസോസിയേഷന് സെക്രട്ടറി അടക്കമുള്ള ഏഴ് സാക്ഷികളില്നിന്ന്? ക്രൈംബ്രാഞ്ച് മൊഴിയെടുത്തിരുന്നു.
https://www.facebook.com/Malayalivartha
