ഭാരം കുറയ്ക്കുന്നതിനൊപ്പം കായിക ഇനത്തിന് പറ്റുന്ന രീതിയില്‍ ശരീരത്തെ ഫിറ്റ് അക്കി മാറ്റണമെന്നും അതിനായുള്ള വ്യായാമങ്ങളിലാണ് ഇപ്പോള്‍ ശ്രദ്ധ ചെലുത്തിയതെന്നും സാനിയ പറയുന്നു. ഹിപ്പ്, ലോവര്‍ ബാക്ക് എന്നിവിടങ്ങളിലെ അനാവശ്യ കൊഴുപ്പ് നീക്കം ചെയ്യുന്നതിനുള്ള വ്യായാമങ്ങളാണ് ആദ്യഘട്ടത്തില്‍ ചെയ്തതെന്നും സാനിയ പറയുന്നു'. മാത്രമല്ല, ഓരോ ദിവസത്തെ വ്യായാമത്തിന്റെ വീഡിയോയും താരം പങ്കുവെച്ചിട്ടുണ്ട്. ഇന്ത്യയില്‍ നിന്നുള്ള പ്രെഫഷണല്‍ ടെന്നീസ് താരമാണ് സാനിയ മിര്‍സ പാകിസ്ഥാന്‍ ക്രിക്കറ്റ് താരം ശുഐബ് മാലിക്കിനെ വിവാഹം ചെയ്ത സാനിയ മിര്‍സ കഴിഞ്ഞ വര്‍ഷം ഒക്ടോബറിലാണ് കുഞ്ഞിന് ജന്മം നല്‍കിയത്. കുഞ്ഞ് ഉണ്ടായതിന് പിന്നാലെ ടെന്നീസില്‍ നിന്ന് വിട്ട് നിന്ന താരം, ഇപ്പോള്‍ തടി കുറച്ചതിനു പിന്നിലുള്ള രഹസ്യം ആരാധകരുമായി പങ്കുവെയ്ക്കുകയാണ്. തടി കുറയ്ക്കാന്‍ തീരുമാനിച്ചതിന് പിന്നാലെ ഓരോ ദിവസവും നേരിടേണ്ടി വന്ന ബുദ്ധിമുട്ടുകളെക്കുറിച്ചും താരം ഇന്‍സ്റ്റഗ്രാം വീഡിയോയിലൂടെ ആരാധകരുമായി പങ്കുവെച്ചത്.