എന്റെ ജീവിതം മാറ്റിയത് അദ്ദേഹമാണ്... ഇര്ഫാന് ഖാനെക്കുറിച്ച് ഫഹദ് ഫാസില് പറയുന്നത്
നടന് ഇര്ഫാന് ഖാന്റെ മരണം സിനിമാ മേഖല ഒന്നടങ്കം ശൂന്യമാക്കിയതായാണ് താരത്തെ ഓരോ താരങ്ങളും പറയുന്നത്. ഇപ്പോഴിതാ ഇര്ഫാനെ കുറിച്ച് മലയാളത്തിന്റെ പ്രിയ താരം ഫഹദ് ഫാസിലും പറയുകയാണ്. താരം തന്റെ ഫെയ്സ് ബുക്കിലൂടെയാണ് ഇക്കാര്യം ഇര്ഫാനെ കുറിച്ച് പറയുന്നത്. ഒരു സിനിമ നടന് ആകണമെന്ന ആഗ്രഹം തന്നില് ഉണ്ടാക്കിയത് ഇര്ഫാന് ഖാന് ആയിരുന്നുവെന്നു ഫഹദ് പറയുന്നു. ഇര്ഫാന്റെ സിനിമ കണ്ടില്ലായിരുന്നുവെങ്കില് താനൊരു സിനിമ നടന് ആകില്ലായിരുന്നുവെന്നും ഫഹദ് കുറിക്കുന്നു.
ഫഹദിന്റെ കുറിപ്പ് വായിക്കാം;
വര്ഷങ്ങള്ക്കു മുമ്ബാണ്, കൃത്യമായി എന്നാണെന്ന് ഓര്മയില്ല. ഞാനന്ന് അമേരിക്കയില് പഠിക്കുകയാണ്. ക്യാമ്ബസില് തന്നെയായിരുന്നു താമസം എന്നതിനാല് ഇന്ത്യന് സിനിമകള് കാണാനുള്ള സാഹചര്യമില്ലായിരുന്നു. അതുകൊണ്ട് ഞാനും സുഹൃത്ത് നികഞ്ജും ഓരോ വാരാന്ത്യത്തിലും കാമ്ബസിന് സമീപത്തുള്ള ഒരു പാക്സിതാനി ഷോപ്പില് പോയി ഇന്ത്യന് സിനിമകളുടെ ഡിവിഡി വാടകയ്ക്ക് എടുക്കുമായിരുന്നു. ഒരു ദിവസം കടയുടമ ഖാലിദ് ഭായി ഞങ്ങള്ക്കൊരു സിനിമ നിര്ദേശിച്ചു. നസ്സറുദ്ദീന് ഷാ സംവിധാനം ചെയ്ത യഹ് ഹോയ തോ ക്യാ ഹോത ആയിരുന്നു അത്. ആ അഴ്ച്ചയില് ഞങ്ങള് കാണാന് തീരുമാനിച്ചത് ആ സിനിമയായിരുന്നു. രാത്രിയില് ആ സിനിമ കണ്ടു തുടങ്ങി കുറച്ചു കഴിഞ്ഞപ്പോള് സലിം രാജബലി എന്ന കഥാപാത്രം വന്നു. വളരെ തീക്ഷ്ണതയുള്ള, സുന്ദരനായ, സ്റ്റൈലിഷ് ആയ ഒരാള്. ഞാന് തിരിഞ്ഞു നികുഞ്ജിനോട് ചോദിച്ചു, ആരാണിയാള് അതിനു മുമ്ബ് ഞാനാ നടനെ സിനിമയില് കണ്ടിട്ടേയില്ലായിരുന്നു. അത് ഇര്ഫാന് ഖാന് ആയിരുന്നു.
ലോകം അദ്ദേഹത്തിന്റെ കഴിവ് കണ്ടെത്തി വളരെ വൈകിയായിരുന്നു ഞാന് അദ്ദേഹത്തെ ശ്രദ്ധിക്കുന്നത്. ഝുംപാ ലഹിരിയുടെ ദി നെയിംസേക്ക് ചലച്ചിത്രമായപ്പോള് അതിലെ അശോകിനെ അവതരിപ്പിക്കുന്നത് ഇര്ഫാന് ഖാന് ആണെന്നറിഞ്ഞപ്പോള് പ്രേക്ഷകര് ഒരുപാട് അത്ഭുതപ്പെട്ടു. ഒരു ജനപ്രിയഗാനം പോലെയായിരുന്നു ഇര്ഫാന്റെ വളര്ച്ച. ഓരോരുത്തരും അതേറ്റുപാടുകയും അനുഭവിക്കുകയുമായിരുന്നു. ഞാനദ്ദേഹത്തിന്റെ സിനിമകളുടെ സ്ഥിരം കാഴ്ച്ചക്കാരനായി. ഇര്ഫാന് ഖാന് കാരണമാണ് ഞാന് എന്റെ എന്ജിനീയറിംഗ് പഠനം പാതി വഴിയില് നിര്ത്തി ഇന്ത്യയിലേക്ക് മടങ്ങിയതും സിനിമയില് അഭിനയിക്കാന് തീരുമാനിച്ചതും.
കഴിഞ്ഞ പത്തുവര്ഷമായി ഞാന് അഭിനയിക്കുന്നു. പക്ഷേ, എനിക്കൊരിക്കലും ഇര്ഫാനെ കണ്ടുമുട്ടാന് സാധിച്ചില്ല. എന്നാല് അദ്ദേഹത്തിന്റെ സഹപ്രവര്ത്തകരോടും കൂടെ ജോലി ചെയ്തവരോടും ബന്ധപ്പെടാന് സാധിച്ചിട്ടുണ്ട്. വിശാല് ഭരദ്വജിനെ കണ്ടുമുട്ടിയപ്പോള് ഞാന് ആദ്യം ചോദിച്ചത് മക്ബൂലിനെ കുറിച്ചായിരുന്നു. എന്റെ പ്രിയപ്പെട്ട സുഹൃത്ത് ദുല്ഖര് സലമാന് ഇര്ഫാനുമൊത്ത് ചെയ്ത സിനിമയുടെ ഷൂട്ടിംഗ് സ്വന്തം നാട്ടില് നടന്നപ്പോളും എന്റെ തിരക്കുമൂലം എനിക്ക് അദ്ദേഹത്തെ കാണാനുള്ള അവസരവും നഷ്ടപ്പെട്ടു. അദ്ദേഹത്തിന് ഒരു ഹസ്തദാനം നല്കാന് കഴിയാതെ പോയതില്, മുംബൈയില് പോയി അദ്ദേഹത്തെയൊന്നു കാണാന് കഴിയാഞ്ഞതില് ഞാനിപ്പോള് ഖേദിക്കുന്നു.
നന്മയുള്ളൊരു കലാകാരനെയാണ് രാജ്യത്തിന് നഷ്ടമായത്. അദ്ദേഹത്തിന്റെ കുടുംബത്തിനും സിനിമ ലോകത്തിനും അദ്ദേഹം ഉണ്ടാക്കിയ ശൂന്യത എത്രത്തോളമാണെന്നു എനിക്ക് സങ്കല്പ്പിക്കാന് സാധിക്കുന്നുണ്ട്. അദ്ദേഹത്തിന്റെ മരണവാര്ത്ത ഭാര്യ എന്നോട് പറഞ്ഞപ്പോള് ഞാന് ഞെട്ടിപ്പോയി എന്നു പറഞ്ഞാല് അത് നുണയാകും, കാരണം ഞാന് ചെയ്തു കൊണ്ടിരുന്ന ജോലി അപ്പോഴം തുടരുകയായിരുന്നു. പക്ഷേ, ആ ദിവസം മുഴുവന് ഞാന് അദ്ദേഹത്തെക്കുറിച്ചായിരുന്നു ആലോചിച്ചത്. ഞാന് അദ്ദേഹത്തോട് കടപ്പെട്ടവനാണ്. എന്റെ സിനിമ കരിയര് ഞാന് അദ്ദേഹത്തിന് സമര്പ്പിക്കുകയാണ്. എന്റെ ജീവിതം മാറ്റിയത് അദ്ദേഹമാണ്.
https://www.facebook.com/Malayalivartha