മമ്മൂട്ടിക്ക് വേണ്ടി എഴുതിയ കഥാപാത്രങ്ങള് താരം ഒഴുവാക്കിയത് കാരണം നഷ്ടമായത് മെഗാസ്റ്റാറിന്റേതായി പുറത്തുവരേണ്ടിയിരുന്ന ഹിറ്റ് സിനിമകള്
മലയാളത്തിന്റെ മെഗാസ്റ്റാറാണ് മമ്മൂട്ടി. മമ്മൂട്ടിയെന്ന് താരത്തിന്റേതായി കുറെയേറെ ഹിറ്റ് സിനിമകള് മലയാളത്തില് ഉണ്ടായി. എന്നാല് താരത്തിനെ മനസ്സില് കണ്ട് തിരക്കഥ എഴുതിയ പല സിനികളും താരം ഒഴുവാക്കിയിരുന്നു. എന്നാല് ആ സിനിമകള് എല്ലാം തന്നെ വന് ഹിറ്റുകളും ആയിരുന്നു. ആങ്ങനെ ഏറ്റവും കൂടുതല് വിജയിച്ച ചിത്രങ്ങള് ഒഴിവാക്കിയ നടനായി മമ്മൂട്ടി. മമ്മൂട്ടി ഒഴിവാക്കിയ മിക്ക ചിത്രങ്ങളും പിന്നീട് പല താരങ്ങളും ചെയ്ത് സൂപ്പര് ഹിറ്റായി മാറുകയും ചെയ്തു.
ഷാജി കൈലാസ് 'ഏകലവ്യന്' എന്ന സിനിമയിലെ മാധവന് ഐ പി എസ് എന്ന കഥാപാത്രമായി ആദ്യം തീരുമാനിച്ചത് മമ്മൂട്ടിയെയായിരുന്നു. എന്നാല് ചില കാരണങ്ങളാല് മമ്മൂട്ടി ആ കഥാപാത്രത്തെ അവതരിപ്പിക്കാന് തയാറായില്ല. എന്തായാലും സുരേഷ് ഗോപിയുടെ തീപ്പൊരി ഡയലോഗില് ചിത്രം സൂപ്പര് ഹിറ്റുകളിലൊന്നായി.
'ഇരുവര്' എന്ന സിനിമയില് പ്രകാശ് രാജ് അവതരിപ്പിച്ച തമിഴ് സെല്വന് എന്ന കഥാപാത്രമായി മണിരത്നം തീരുമാനിച്ചത് മമ്മൂട്ടിയെ ആയിരുന്നു. ഫോട്ടോഷൂട്ട് വരെ നടത്തി. പ്രകാശ് രാജ് ആ വേഷത്തിലൂടെ ദേശീയ പുരസ്കാരം നേടുകയും ചെയ്തു.
ജോഷി സംവിധാനം ചെയ്ത 'റണ് ബേബി റണ്' എന്ന ചിത്രത്തില് നായകനാകേണ്ടിയിരുന്നത് മമ്മൂട്ടിയായിരുന്നു. ജീത്തു ജോസഫ് സംവിധാനം ചെയ്ത 'മെമ്മറീസ്' മമ്മൂട്ടിക്കായി എഴുതിയതായിരുന്നു. പൃഥ്വിരാജ് സാം അലക്സായി ചിത്രം മെഗാഹിറ്റായി.
2013 ല് പുറത്തിറങ്ങിയ ബ്ലോക്ബസ്റ്റര് ചിത്രമായ ദൃശ്യവും മമ്മൂട്ടി ഒഴിവാക്കിയതാണ്.മലയാള സിനിമയിലെ എക്കാലത്തെയും വലിയ ഹിറ്റുകളില് ഒന്നായി മാറിയ ദൃശ്യവും മമ്മൂട്ടി വേണ്ടെന്ന് വെച്ചത് വലിയ കരിയര് നഷ്ടങ്ങളിലൊന്നായി.
മോഹന്ലാലിനെ സൂപ്പര്താരമാക്കി മാറ്റിയ 1986ല് പുറത്തിറങ്ങിയ 'രാജാവിന്റെ മകനിലെ വിന്സെന്റ് ഗോമസ് മമ്മൂട്ടിയെ മനസില് കണ്ട് എഴുതിയ സിനിമയായിരുന്നു. മംഗലശേരി നീലകണ്ഠനായിരഞ്ജിത് ആദ്യം മനസില് കണ്ടിരുന്നത് മമ്മുട്ടിയെ ആയിരുന്നുവത്രേ. ഒടുവില് ആ വേഷം മോഹന്ലാല് ചെയ്യുകയും മോഹന്ലാലിന്റെ കരിയറില് ആ കഥാപാത്രം വലിയ വഴിത്തിരിവാകുകയും ചെയ്തു.
ഏറ്റവുമൊടുവില് ജീന് പോള് ലാല് സംവിധാനം ചെയ്ത ഡ്രൈവിംഗ് ലൈസന്സ് എന്ന ചിത്രത്തിലും മമ്മൂട്ടിയെ ആയിരുന്നു അണിയറക്കാര് ആദ്യം സമീപിച്ചത്. പിന്നീട് ആ കഥാപാത്രം പൃഥ്വിരാജിന്റെ കൈവശം എത്തിച്ചേരുകയായിരുന്നു.
https://www.facebook.com/Malayalivartha
