എന്നും ഓര്മയുണ്ടാകും ഈ മുഖം.... പറഞ്ഞ വാക്ക് പാലിച്ച സുരേഷ് ഗോപിയോട് ഗിന്നസ് പക്രു
സഹായം അഭ്യര്ത്ഥിച്ച് മുന്നിലെത്തുന്നവര്ക്കു മുന്നില് സഹായഹസ്തം നീട്ടാന് ഒരിക്കലും മടിക്കാത്ത താരമാണ് സുരേഷ് ഗോപി. രാഷ്ട്രീയപ്രവര്ത്തകന്റെ കുപ്പായമണിയുന്നതിനും വര്ഷങ്ങള്ക്ക് മുന്പ് തന്നെ, വ്യക്തിപരമായ രീതിയില് നിരവധി കാരുണ്യപ്രവര്ത്തനങ്ങള് താരം നടത്തിയിട്ടുണ്ട്. കാര് അപകടത്തില് അകാലത്തില് വിടപറഞ്ഞ മകളുടെ പേരിലും വ്യക്തിപരമായുമൊക്കെ വര്ഷങ്ങളായി കാരുണ്യ പ്രവര്ത്തനങ്ങള് നടത്തിവരികയാണ് സുരേഷ് ഗോപി.
ഇപ്പോഴിതാ, മിമിക്രി ആര്ട്ടിസ്റ്റ് അസോസിയേഷന് സംഘടനയ്ക്ക് സുരേഷ് ഗോപി നല്കിയ സഹായത്തിന് നന്ദി പറയുകയാണ് 'മാ' സംഘടന. 'സംഘടനയുടെ ഉന്നമനത്തിനായി ഇനി മുതല് ഞാന് ചെയ്യുന്ന ഓരോ സിനിമയുടെയും പ്രതിഫലത്തില് നിന്നും 2 ലക്ഷം രൂപ സംഘടനയ്ക്ക് തരും,' എന്ന് സുരേഷ് ഗോപി ഒരു ടെലിവിഷന് പരിപാടിയ്ക്കിടെ മിമിക്രി ആര്ട്ടിസ്റ്റ് അസോസിയേഷനിലെ അംഗങ്ങള്ക്ക് വാക്ക് നല്കിയിരുന്നു. ഇപ്പോള് ആ വാക്ക് നിറവേറ്റിയിരിക്കുകയാണ് താരം. നടനും മിമിക്രി ആര്ട്ടിസ്റ്റ് അസോസിയേഷന് എന്ന സംഘടനയുടെ ട്രഷററുമായ ഗിന്നസ് പക്രുവാണ് ഇക്കാര്യം ഫെയ്സ് ബുക്കിലൂടെ അറിയിച്ചത്.
ഫെയ്സ് ബുക്ക് പോസ്റ്റിന്റെ പൂര്ണരൂപം...
'നര്മം തൊഴിലാക്കിയ 200 ഓളം കുടുംബങ്ങള്ക്ക്.. ഇനി മുതല് ഞാന് ചെയ്യുന്ന ഓരോ സിനിമയുടെ പ്രതിഫലത്തില് നിന്നും 2 ലക്ഷം രൂപ നിങ്ങളുടെ സംഘടനയ്ക്ക് തരും' സുരേഷ് ഗോപി.
ടെലിവിഷന് ഷോകള് സംഘടിപ്പിക്കുകയും അതില് നിന്നും സമാഹരിക്കുന്ന പണം ,മിമിക്രി കലാകാരന്മാരുടെ വിധവകള്ക്കും,കുട്ടികളുടെ വിദ്യാഭ്യാസത്തിനും ആശുപത്രി ചിലവുകള്ക്കും എല്ലാം ഉപയോഗിക്കുകയും മിമിക്രി കലാകാരന്മാരുടെ ഉന്നമനത്തിനു വേണ്ടി നിലകൊള്ളുകയും സാമൂഹികമായി ഒരു പാട് ഉത്തരവാദിത്വങ്ങള് നിറവേറ്റുകയും ചെയ്യുന്ന സംഘടന ആണ് ‘MAA'( Mimicry Artist association).
ഈ കഴിഞ്ഞ ഓണക്കാലത്ത് ഏഷ്യാനെറ്റില് അവതരിപ്പിച്ച ഷോയില് പ്രതിഫലം ഒന്നും തന്നെ വാങ്ങാതെ എത്തി, സാധാരണക്കാരായ കലാകാരന്മാരോടൊപ്പം ആടിയും പാടിയും ഹാസ്യം പറഞ്ഞും അനുകരിച്ചും സമയം ചെലവിട്ട സുരേഷേട്ടന് പ്രഖ്യാപിച്ച വാക്കുകളാണ് ആദ്യം പറഞ്ഞത്.
പുതിയ ചിത്രത്തിന്റെ അഡ്വാന്സ് ലഭിച്ചപ്പോള് തന്നെ അതില് നിന്നും പറഞ്ഞ വാക്ക് പാലിച്ചു കൊണ്ട് 2 ലക്ഷം രൂപ സംഘടനയ്ക്ക് ഇന്നലെ നല്കുകയുണ്ടായി.
ഉത്സവങ്ങളും ആഘോഷങ്ങളും ഇല്ലാതായി ജീവിതം വഴിമുട്ടിയ സ്റ്റേജ് കലാകാരന്മാരുടെ പേരിലും ഈ സംഘടന രൂപീകരിച്ചവരില് ഒരു അംഗം എന്ന നിലയിലും സംഘടനയുടെ ട്രഷറര് എന്ന നിലയിലും, വ്യക്തിപരമായി നന്ദി അറിയിക്കുന്നു.
അച്ചാമ്മ വര്ഗീസിനെ ആവശ്യ സമയത്തു അകമഴിഞ്ഞ് സഹായിച്ച ഭരത്ചന്ദ്രന് പിന്നീട് അവരോട് തന്നെ ചോദിച്ച ചോദ്യമാണ് 'ഓര്മയുണ്ടോ ഈ മുഖം? ' ങഅഅ എന്ന സംഘടന പറയട്ടെ, എന്നും ഓര്മയുണ്ടാകും ഈ മുഖം,' ഗിന്നസ് പക്രു കുറിച്ചതിങ്ങനെ.
https://www.facebook.com/Malayalivartha
