കാര്യസ്ഥനിലെ പുത്തേഴത്ത് കാരണവര്; കുങ്കുമപ്പൂവിലെ പ്രൊഫസര് ജയന്തിയെന്ന വിളി; വില്ലനായും അച്ഛനായും മുത്തച്ഛനായുമെല്ലാം മലയാളികളെ വിസ്മയിപ്പിച്ച അതുല്യ നടന് വിടപറയുമ്പോള്...
ദിലീപ് നായകനായെത്തിയ കാര്യസ്ഥന് എന്ന ചിത്രത്തിലെ പുത്തേഴത്ത് തറവാട്ടിലെ കാരണവരെ അത്ര വേഗം മലയാളികള് മറക്കാനിടയില്ല. ഒരു പക്ഷേ ജി.കെ പിള്ളയെന്ന അതുല്യ കലാകാരനെ പുതുതലമുറയ്ക്ക് പരിചിതമായതും ഈ കഥാപാത്രത്തിലൂടെയായിരിക്കും.
മൂന്നൂറിലധികം ചിത്രങ്ങളിലൂടെ സിനിമരംഗത്ത് അദ്ദേഹം തിളങ്ങി. വില്ലനായും സ്വഭാവ നടനായും അച്ഛനായും മുത്തച്ഛനായുമെല്ലാം അദ്ദേഹം തന്റെ കഥാപാത്രങ്ങളെ അവിസ്മരണീയമാക്കി.
എണ്പതുകളുടെ അവസാനം വരെ അദ്ദേഹം സിനിമകളില് സജീവമായിരുന്നു. അതിനു ശേഷം വളരെ കുറച്ചു സിനിമകളിലെ ജി.കെ പിള്ള അഭിനയിച്ചിട്ടുള്ളൂ. 1972ല് അടൂര് ഗോപാലകൃഷ്ണന്റെ സ്വയം വരം എന്ന സിനിമയില് അസിസ്റ്റന്റ് സംവിധായകനും അസിസ്റ്റന്റ് എഡിറ്ററുമായി അദ്ദേഹം പ്രവര്ത്തിച്ചു.
2005 മുതലാണ് ജി.കെ പിള്ള ടെലിവിഷന് സീരിയലുകളില് അഭിനയിക്കാന് തുടങ്ങിയത്. കടമറ്റത്തു കത്തനാര് ആയിരുന്നു അദ്ദേഹം ആദ്യം അഭിനയിച്ച സീരിയല്. തുടര്ന്ന് വിവിധ ചാനലുകളിലായി പല സീരിയലുകളില് ജി.കെ പിള്ള അഭിനയിച്ചു. 2011-14 കാലത്ത് സംപ്രേഷണം ചെയ്ത 'കുങ്കുമപ്പൂവ്' എന്ന സീരിയലില് ജി.കെ പിള്ള അവതരിപ്പിച്ച കഥാപാത്രം കുടുംബപ്രേക്ഷകര്ക്കിടയില് അദ്ദേഹത്തെ പ്രിയങ്കരനാക്കി. നടി ആശാ ശരത്തും ജി.കെ പിള്ളയും ഒന്നിച്ചെത്തിയ കുങ്കുമപ്പൂവ് എന്ന സീരിയല് സൂപ്പര് ഹിറ്റായിരുന്നു. പ്രൊഫസര് ജയന്തി എന്ന സീരിയലിലെ ഡയലോഗും മലയാളക്കര ഏറ്റെടുത്തു.
നാട്ടിലും കോടാമ്പക്കത്തുമായുള്ള ഏറെ അലച്ചിലുകള്ക്കും അന്വേഷണങ്ങള്ക്കും ഒടുവില് 1954ല് സ്നേഹസീമ എന്ന ചിത്രത്തില് പൂപ്പള്ളി തോമസ് എന്ന ആദ്യ കഥാപാത്രത്തെ അവതരിപ്പിക്കുവാന് അവസരം ലഭിച്ചു.
വില്ലന് വേഷങ്ങളിലൂടെയാണ് ജി.കെ പിള്ള ശ്രദ്ധ നേടുന്നത്. എണ്പതുകളുടെ അവസാനം വരെ സിനിമകളില് സജീവമായിരുന്നു അദ്ദേഹം. സ്നേഹസീമയ്ക്ക് ശേഷം ഹരിശ്ചന്ദ്ര, മന്ത്രവാദി, സ്നാപക യോഹന്നാന്, പട്ടാഭിഷേകം, നായരു പിടിച്ച പുലിവാല്, കൂടപ്പിറപ്പ് എന്നിവയില് വേഷമിട്ടു. കണ്ണൂര് ഡീലക്സ്, സ്ഥാനാര്ഥി സാറാമ്മ, ലോട്ടറി ടിക്കറ്റ്, കോട്ടയം കൊലക്കേസ്, കൊച്ചിന് എക്സ്പ്രസ് എന്നിവയില് പ്രധാന വില്ലന് ജി.കെ. പിള്ളയായിരുന്നു.
വില്ലന് വേഷങ്ങളിലൂടെയാണ് ജി.കെ പിള്ള ശ്രദ്ധ നേടുന്നത്. എണ്പതുകളുടെ അവസാനം വരെ സിനിമകളില് സജീവമായിരുന്നു അദ്ദേഹം. സ്നേഹസീമയ്ക്ക് ശേഷം ഹരിശ്ചന്ദ്ര, മന്ത്രവാദി, സ്നാപക യോഹന്നാന്, പട്ടാഭിഷേകം, നായരു പിടിച്ച പുലിവാല്, കൂടപ്പിറപ്പ് എന്നിവയില് വേഷമിട്ടു. കണ്ണൂര് ഡീലക്സ്, സ്ഥാനാര്ഥി സാറാമ്മ, ലോട്ടറി ടിക്കറ്റ്, കോട്ടയം കൊലക്കേസ്, കൊച്ചിന് എക്സ്പ്രസ് എന്നിവയില് പ്രധാന വില്ലന് ജി.കെ. പിള്ളയായിരുന്നു. അദ്ദേഹത്തിന്റെ ഉയരമേറിയ ശരീരപ്രകൃതവും ശബ്ദഗാഭീര്യവും വില്ലന് വേഷങ്ങള്ക്ക് കൂടുതല് തന്മയത്വം നല്കി.
മലയാള സിനിമയുടെ പ്രിയങ്കരനായ നടന് വിടപറയുമ്പോള് അദ്ദേഹത്തിന്റെ എക്കാലത്തെയും മികച്ച കഥാപാത്രങ്ങളിലൂടെ ജി.കെ പിള്ള മലയാളികളുടെ മനസില് ജീവിക്കും.
https://www.facebook.com/Malayalivartha
