മലയാളികളുടെ ഇഷ്ട നടനാണ് ആസിഫലി. തന്റേതായുള്ള സ്ഥാനം നടൻ ആരാധകരുടെ ഉള്ളിൽ നേടിയെടുത്തിരുന്നു. ഒരിക്കൽ തനിക്ക് മംമ്ത മോഹൻദാസിനോട് പ്രണയമായിരുന്നുവെന്ന് വെളിപ്പെടുത്തുകയാണ് ആസിഫ് ആലി. കഥ തുടരുന്നു എന്ന സത്യൻ അന്തിക്കാട് ചിത്രത്തിന്റെ സെറ്റിൽ വച്ചായിരുന്നു പ്രണയം. ആസിഫിന്റെ രണ്ടാമത്തെ ചിത്രമായിരുന്നു ഇത്. ജയറാമും മംമ്തയും പ്രധാന കഥാപാത്രങ്ങളായ ചിത്രത്തിൽ മംമ്തയുടെ ഭർത്താവിന്റെ വേഷമിരുന്നു ആസിഫ് അലിയ്ക്ക്. അതിഥി വേഷത്തിലാണ് എത്തിയതെങ്കിലും ജനപ്രീതി നേടിയെടുക്കാന്‍ ആസിഫിന് സാധിച്ചിരുന്നു. സിനിമയുടെ സെറ്റില്‍വച്ച് മംമ്ത മോഹന്‍ദാസിനെ പ്രൊപ്പോസ് ചെയ്തിട്ടുണ്ട്. മംമ്തയോട് തനിക്ക് തോന്നിയത് പ്രേമമായിരുന്നു എന്ന് തെറ്റിദ്ധരിച്ചു എന്നാണ് ആസിഫ് പറഞ്ഞത്. 'ഞാന്‍ ആദ്യമായൊരു റൊമാന്റിക് പാട്ടില്‍ അഭിനയിക്കുന്നത് സത്യന്‍ സാറിന്റെ സിനിമയിലാണ്. ഹരിഹരന്‍ സാറും ചിത്രചേച്ചിയും കൂടെ പാടിയ പാട്ട്. മംമ്തയെ ഞാന്‍ അതിനു മുൻപ് ടിവിയില്‍ മാത്രമേ കണ്ടിട്ടുള്ളു. അവിടെ വച്ച് അവരെ നേരിട്ട് കണ്ട്, പതിനഞ്ച് ദിവസത്തോളം അഭിനയിച്ചു. ഈ പാട്ട് കൂടി ഷൂട്ട് ചെയ്ത് കഴിഞ്ഞാല്‍ സിനിമ കഴിഞ്ഞു. വൃന്ദ മാസ്റ്ററാണ് പാട്ട് ഷൂട്ട് ചെയ്യുന്നത്. അതില്‍ കുറച്ച് റൊമാന്റിക് രംഗങ്ങളൊക്കെ വന്നപ്പോള്‍ എന്റെ മനസില്‍ കൊള്ളാം എന്ന തരത്തില്‍ പ്രണയം തുളുമ്പി.' 'മംമ്ത ശരിക്കും എന്നെ ഭയങ്കരമായി കംഫര്‍ട്ടബിള്‍ ആക്കി. 25 ദിവസത്തോളം നീണ്ട ആ സിനിമയുടെ ഷൂട്ടിന് ശേഷമാണ് ഞാന്‍ ജോയിന്‍ ചെയ്യുന്നത്. എനിക്ക് വളരെ കുറച്ച് ഭാഗങ്ങള്‍ മാത്രമേ ഉണ്ടായിരുന്നുള്ളു. സെറ്റ് ആയിട്ടിരിക്കുന്ന ഒരു ക്രൂവിന്റെ അടുത്തേക്കാണ് ഞാന്‍ ചെല്ലുന്നത്. സത്യേട്ടനെയും ക്യാമറമാന്‍ വേണു ചേട്ടനെയും മാത്രമേ എനിക്ക് അറിയുകയുള്ളു.' 'പാട്ട് എടുക്കുന്ന സമയത്ത് എനിക്ക് ഡാന്‍സ് ചെയ്യാന്‍ പേടി, പാട്ടിനിടയ്ക്ക് ലിപ് സിങ്ക് ആയി വരണം. അങ്ങനെ ഇതെല്ലാം എന്റെ കൈയില്‍ നിന്നും പോയിരിക്കുന്ന സമയത്ത് മംമ്ത എന്നെ ഭയങ്കര കംഫര്‍ട്ടബിള്‍ ആക്കി. അതുകൊണ്ടാണ് ഞാന്‍ തെറ്റിദ്ധരിച്ച് പോയത്,' എന്നായിരുന്നു ആസിഫ് അന്ന് പറഞ്ഞത്.