സ്വകാര്യ വ്യക്തിയുടെ പരാതിയില്‍മേല്‍ സൂര്യയ്ക്കും ജ്യോതികയ്ക്കുമെതിരെ കേസെടുത്തു. തിരക്കഥ മോഷ്ടിച്ചു എന്നാരോപിച്ച് 'ജയ് ഭീം' സിനിമയ്‌ക്കെതിരെ കേസ്. സംവിധായകന്‍ ടി ജെ ജ്ഞാനവേലിനും സൂര്യയുടെ 2ഡി എന്റര്‍ടെയ്ന്‍മെന്റിനുമെതിരെ വി കുളഞ്ഞിയപ്പന്‍ എന്നയാളാണ് പരാതി നല്‍കിയിരിക്കുന്നത്. സിനിമയുടെ പ്രസക്ത ഭാഗങ്ങള്‍ കോപ്പിയടിച്ചതാണെന്നും തന്റെ ജീവിതത്തിലെ സംഭവങ്ങള്‍ക്ക് ഇതുമായി ബന്ധമുണ്ടെന്നും ചൂണ്ടിക്കാട്ടിയാണ് കുളഞ്ഞിയപ്പനാണ് പരാതി നല്‍കിയിരിക്കുന്നത്.

തന്റെ കഥയെടുത്ത ശേഷം തനിക്ക് സിനിമാ പ്രവര്‍ത്തകര്‍ റോയല്‍റ്റി തന്നില്ലെന്നാണ് കുളഞ്ഞിയപ്പന്‍ പറയുന്നത്. 50 ലക്ഷം രൂപ നല്‍കാമെന്നാണ് വാഗ്ദാനം നല്‍കിയിരുന്നെന്നും, പക്ഷേ പറഞ്ഞ പണം നല്‍കിയില്ലെന്നുമാണ് പരാതി. 1993 ല്‍ കമ്മാരപുരം പൊലീസ് സ്‌റ്റേഷനില്‍ തനിക്ക് അനുഭവിക്കേണ്ടി വന്ന കൊടിയ പീഡനങ്ങളായിരുന്നുവെന്നും 2019 ല്‍ സംവിധായകന്‍ ജ്ഞാനവേല്‍ വീട്ടിലെത്തിയപ്പോള്‍ ഇക്കാര്യങ്ങളെല്ലാം വിവരിച്ചിരുന്നുവെന്നും കുളഞ്ഞിയപ്പന്‍ പരാതിയില്‍ വ്യക്തമാക്കുന്നുണ്ട്.

പരാതിയുടെ അടിസ്ഥാനത്തില്‍ സംവിധായകന്‍ ജ്ഞാനവേലിനും നിര്‍മ്മാതാക്കളായ സൂര്യയ്ക്കും ജ്യോതികയ്ക്കുമെതിരെയാണ് പൊലീസ് കേസെടുത്തിരിക്കുന്നത്. പകര്‍പ്പവകാശ നിയമത്തിലെ സെക്ഷന്‍ 63 (എ) പ്രകാരം സംവിധായകനും പ്രൊഡക്ഷന്‍ ഹൗസിനുമെതിരെ ശാസ്ത്രി നഗര്‍ പൊലീസ് സ്‌റ്റേഷനിലാണ് കേസ് രജിസ്റ്റര്‍ ചെയ്തിരിക്കുന്നത്.